Fræðslutækifæri trúnaðarmanna

Námskeið - Öflugir talsmenn og árangursrík samskipti

Námskeið fyrir trúnaðarmenn og fulltrúa Sameykis sem fjallar um að eiga góð samskipti og koma fram á t.d. kaffistofunni og á minni/stærri fundum af fagmennsku og öryggi. Farið verður yfir hagnýt atriði til að njóta sín betur á fundum/mannamótum/launaviðtölum.

Leiðbeinandi er Sirrý Arnardóttir fjölmiðlakona.

Trúnaðarmannanám Félagsmálaskóla alþýðu (FA) og Sameykis

Námið skiptist upp í 6 lotur og er hver þeirra tveggja daga löng, en hér er hægt að kynna sér þemu hvers hluta. Námskeiðum á vorönn 2019 er lokið en boðið verður upp á námskeið á haustönn 2019, ekki er búið að festa niður dagsetningarnar. Ekki þarf að taka námskeiðin í ákveðinni röð, því um að gera að skrá sig á það námskeið sem hentar skipulagi hvers og eins.

Félagsmálaskóli alþýðu (FA) er rekinn af BSRB og ASÍ en meginmarkmið skólans er að auka þekkingu talsmanna stéttarfélaga og efla þá í starfi til að gera þá enn betur í stakk búna til að vinna að bættum lífskjörum launafólks. Unnið er eftir námsskrá sem viðurkennd hefur verið af Mennta- og menningarmálaráðuneytinu. Trúnaðarmannanámið skiptist upp í sex hluta, kennt er er tvo daga í senn, en samtals er námið 96 kennslustundir. Námsskrá fyrir nám trúnaðarmanna má nálgast hér.

 

Handbók trúnaðarmanna

Á vef Félagsmálaskóla alþýðu er að finna handbók trúnaðarmanna þar sem fjallað er um trúnaðarmanninn - starf og stöðu, stéttarfélagið - gögn og erindi, kjarasmaninga og kauptaxta, réttindi launafólks, vinnuvernd, samskipti á vinnustað, hagfræði og launafólk, tryggingar, vinnustaðastarf og BSRB. 

 

Fjölbreytt nám fyrir trúnaðarmenn

 

 

 

 

 

 

 

Nýliðafræðsla trúnaðarmanna er 3 kennslustunda námskeið þar sem fjallað er um SFR og vinnumarkaðinn og hvar má finna upplýsingar um kjör og réttindi. Einnig er farið yfir skyldur kjörinna fulltrúa og mikilvægi þess að hafa jafnrétti að leiðarljósi við stefnumótun og ákvarðanatöku. Boðið er upp á nýliðafræðslu þegar kosning trúnaðarmanna er yfirstaðin og eftir þörfum.

Næst ber að nefna trúnaðarmannanám sem Félagsmálaskóli alþýðu (FA) heldur utanum og skiptist í 6 hluta. Í fyrsta hluta er fjallað um þjóðfélagið, vinnumarkaðinn og trúnaðarmanninn - starf hans og stöðu. Í öðrum hluta er námsefnið tileinkað samskiptum á vinnustað, starfsemi félagsins, túlkun kjarasamning og sjóðum. Þriðji hluti fjallar um túlkun talna og hagfræði, lestur launaseðla og launaútreikninga. Fjórði hluti fjallar um vinnurétt, almannatryggingar og lífeyrissjóði. Í fimmta hluta er farið yfir námsefni um vinnueftirlit og vinnuvernd og sjálfstyrkingu. Sjötti hluti er helgaður samningatækni og því að koma máli sínu á framfæri ásamt fundarsköpum.

Síðan eru styttri námskeið og fræðslumorgnar oft á undan fundum trúnaðarmanna, sú dagskrá er sett inn á síðuna þegar dagsetningar liggja fyrir.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)