Launakönnun SFR

SFR birtir nú niðurstöður úr launakönnun sinni tíunda árið í röð. Hækkun heildarlauna hjá SFR félögum eru tæp 9% milli ára. Á sama tíma mældist hækkun launavísitölu Hagstofunnar fyrir allan vinnumarkaðinn um 9,4%. Enn mælist töluverður launamunur milli opinbera og almanna markaðarins en könnunin er gerð í samstarfi við VR og St.Rv. sem hjálpar okkur að fylgjast vel með launaþróun á milli vinnumarkaða. Sjá nánar.

 

Sameiginleg fréttatilkynning Starfsmannafélags Reykjavíkurborgar og SFR stéttarfélags í almannaþjónustu

Vonbrigði með launamun

Árleg launakönnun SFR stéttarfélags í almannaþjónustu og Starfsmannafélags Reykjavíkurborgar (St.Rv.) sem framkvæmd er af Gallup leiðir í ljós að hækkun heildarlauna hjá félögunum eru tæp 9% milli ára. Á sama tíma mældist hækkun launavísitölu Hagstofunnar fyrir allan vinnumarkaðinn um 9,4%. 

Launakönnunin er unnin í samvinnu við VR og gefur góða mynd af mismuninum milli launaþróunar félaga á opinberum og almennum vinnumarkaði. Ekki kemur á óvart, þótt það séu sannarlega vonbrigði að enn og aftur eru laun starfsmanna á almennum markaði (VR) töluvert hærri en laun opinberra starfsmanna (SFR & St.Rv.) Þannig hefur það verið í öllum könnunum félaganna frá upphafi mælinga.

Samkvæmt könnuninni eru heildarlaun VR félaga allt að 30% hærri, þar sem meðalheildarlaun félagsmanna í VR eru tæplega 597 þúsund á mánuði, en þau eru um 458 þúsund hjá SFR félögum og tæp 483 þúsund hjá St.Rv. Eftir að tekið hefur verið tillit til áhrifaþátta sýna niðurstöður hins vegar að félagsmenn VR hafa 15% hærri laun en félagsmenn SFR og 16% hærri laun en félagsmenn St.Rv.

Baráttan við launamun kynjanna er sameiginleg öllum félögunum sem að launakönnununum standa. Munur á heildarlaunum karla og kvenna samkvæmt niðurstöðum kannananna nú er 20%  hjá SFR og 13% hjá St.Rv. Kynbundinn launamunur milli karla og kvenna, þ.e. sá munur sem situr eftir þegar búið er að taka tillit til þátta sem hafa áhrif á launin s.s. vaktaálags, starfsstéttar, starfsaldurs, vinnutíma, aldurs, atvinnugreinar og mannaforráða er hins vegar 11,8% hjá félagsmönnum SFR, en 6,1% ef skoðaðir eru allir félagsmenn St.Rv. Munur á launum karla og kvenna sem starfa hjá Reykjavíkurborg er hins vegar 4,1%.

Ef prósentunni á kynbundnum launamun kynjanna er snúið upp í fjölda daga má segja að konur í St.Rv. vinni alls 16 launalausa daga og SFR konur vinni 31 launalausan dag á ári. Þessar tölur eru fengnar eftir að áhrifaþættir hafa verið reiknaðir frá, hér er því einungis byggt á kynbundnum launamun.

Ef reikningsdæmið um launalausu dagana hugnast fólki má með sama hætti nota það til að bera saman laun á milli opinbera og almenna markaðarins og segja að félagsmaður hjá SFR vinni 42 launalausa daga og St.Rv. félagar vinna 39 launalausa daga á ári ef miðað er við laun VR félaga.

Við getum notað margs konar reikningsaðferðir til að sýna fram á launamismun, bæði á milli kynjanna og einnig á milli atvinnumarkaða. Það sem skiptir hins vegar öllu máli hér er að við erum að tala um lífsviðurværi fólks, - launin þeirra fyrir dagsverkið. Niðurstöður þessarar kannanna eins og allra hinna sem félögin hafa birt á undanförnum árum sýna að ekki er jafnt gefið. Við þurfum einfaldlega að leiðrétta launin ef við ætlum okkur að ná fram jöfnuði. 

Til baka

LOKAÐ FYRIR RAFRÆNAR UMSÓKNIR

Ekki verður hægt að sækja rafrænt um styrki í sjóði Sameykis frá kl. 16 á morgun, föstudaginn 9. ágúst og til og með þriðjudeginum 13. ágúst vegna tæknilegra ástæðna. Við erum að ljúka við að sameina félagatöl St.Rv. og SFR og á...

SFV samþykkir innágreiðslu

Samtök fyrirtækja í velferðaþjónustu hafa skrifað undir yfirlýsingu þess efnis að greiða 105.000  innágreiðslu til starfsmanna þann 1. ágúst líkt og flestir viðsemjendur Sameykis höfðu gert fyrr. Þó er fyrirvari í yfirlýsingu...

SFV hafnar samkomulagi

Eins og fram hefur komið gekk Sameyki frá samkomulagi um endurskoðaða viðræðuáætlun við stærstu viðsemjendur sína í byrjun mánaðarins. Samkomulagið felur í sér að aðilar stefni á að hafa náð samningum fyrir 15. september...

Samkomulag um endurskoðun á viðræðuáætlun

Gengið hefur verið frá samkomulagi um endurskoðaða viðræðuáætlun við ríki, Reykjavíkurborg, Samband íslenskra sveitarfélaga og Stætó.

Í samkomulaginu kemur fram að aðilar stefni á að hafa náð samningum fyrir 15...

Fundur trúnaðarmanna

Fjöldi nýrra og eldri trúnaðarmanna voru mættir á fund í trúnaðarmannaráði Sameykis síðastliðinn fimmtudag á Grand hóteli. Á fundinum fjölluðu Árni Stefán Jónsson formaður Sameykis og Garðar Hilmarsson varaformaður um stöðuna...

Kjaraviðræður halda áfram

Samninganefnd Sameykis vegna kjaraviðræðna við Reykjavíkurborgar kom saman í gær til þess að fara yfir tilboð Reykjavíkurborgar. Enn ber nokkuð á milli aðila en viðræður munu halda áfram á næstu dögum. Viðræður héldu áfram við...

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)