Orlofshús og íbúðir

SFR á og rekur um 40 eignir innanlands og á Spáni og er auk þess með fjölmörg hús og íbúðir til framleigu yfir orlofstímann á sumrin, sjá nánar í orlofsblaði.

Orlofshús og íbúðir í eigu SFR eru á Suðurlandi (Vaðnes 8 hús og Hólasetur í Biskupstungum (hundahús)), fjórar íbúðir í Reykjavík, á Vesturlandi (Munaðarnes 11 hús, Húsafell 2 hús, Skorradalur, Arnarstapi, Selásar Borgarbyggð), á Norðurland (orlofshús í Kjarnabyggð, 2 í Hálöndunum og 2 íbúðir á Akureyri) og á Austurlandi (Eiðar 4 hús). 

Upplýsingar um hús SFR í Quesada á Spáni og nánasta umhverfi þess má finna hér.

 

Aðrir orlofskostir

Stjórn orlofssjóðs ákveður hvaða önnur orlofstilboð eru í boði hverju sinni og eru þau auglýst í Orlofsblaði SFR sem öllu jafna kemur út í mars á hverju ári.

Sumarið 2018 eru eftirfarandi möguleikar í boði: Hótelmiðar á Fosshótel, Edduhótel, Veiðikortið, Útilegukortið, Gjafabréf í flug og í ferðir Úrvals Útsýnar, Orlofsávísun (úthlutað með sama hætti og orlofshúsum) og svo eru seldir miðar í Hvalfjarðargöng í stykkjatali á skrifstofu SFR. Lesa meira hér.

Mikilvægt er að virða brottfarartíma orlofshúsa. Prentið út kvittanir áður en farið er í bústað, þar má m.a. finna upplýsingar um komu- og brottfarartíma, símanúmer umsjónarmanns o.fl.

Gæludýr eru stranglega bönnuð á orlofshúsasvæðunum, það gildir líka um gæludýr gesta.

Góð umgengni er hagur okkar allra og því er mikilvægt að skilja við eins og við viljum koma að. SFR áskilur sér rétt til að innheimta fyrirvaralaust sérstakt þrifagjald þar sem ekki er nægjanlega vel skilið við.  Góður frágangur er á ábyrgð leigutaka.

Reykingar eru stranglega bannaðar í húsunum.

Nauðsynlegt og gott að taka með: Salernispappír, handsápu og sjampó, sængurfatnað (lín) og lök, handklæði, diskaþurrkur, borðtuskur, plastpoka, eldhúsrúllur, kaffipoka (filter), kol (ef kolagrill), kerti og eldspýtur, álpappír, krydd, sykur og olíu til steikingar, og svo hleðslutæki fyrir gemsann.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)