Lífeyrisþegadeild

Ert þú að fara á lífeyrir?

Innan SFR er sérstök deild fyrir þá sem látið hafa af störfum en vilja áfram vera virkir félagar. Þeir sem hafa hug á að vera skráðir í lífeyrisþegadeildina verða að óska sérstaklega eftir því við skrifstofu SFR. Rétt til aðildar eiga þeir félagsmenn sem verða elli- eða lífeyrisþegar samkvæmt lögum um Lífeyrissjóð starfsmanna ríkisins, enda hafi þeir verið félagar í SFR er þeir létu af störfum.
Meginviðfangsefni deildarinnar eru að:

• Gæta í hvívetna hagsmuna lífeyrisþega, m.a. með því að fylgjast með þeim breytingum sem verða á skipan starfa í launaflokka og halda skrá um alla þá er rétt eiga til aðildar að deildinni.
• Halda uppi kynningar- og félagsstarfi með deildarfélögum.
• Vinna að því að sköpuð verði sem fjölbreyttust starfsaðstaða fyrir lífeyrisþega, þar með talið að auðvelda lífeyrisþegum sjálfsnám.

Stjórnarfundir eru haldnir einu sinni í mánuði, nema yfir sumartímann, og fréttabréf er gefið reglulega út. Fastir liðir í starfi deildarinnar eru sviðaveisla í október, jólaföndur í desember, þorrablót í lok janúar, aðalfundur í apríl og sumarferð um Jónsmessu.

Núverandi formaður deildarinnar er Jarmila Hermannsdóttir. Aðrir stjórnarmenn eru Elín Brimdís Einarsdóttir, Eyjólfur Davíðsson, Gunnur Salbjörg Friðriksdóttir, Guðmundur R. Karlsson, Hrafnkell Kárason, Olgeir Möller, Ólavía Auður Ólafsdóttir og Ragnar Ólafsson.

• Samþykktir Lífeyrisþegadeildarinnar
• Lífeyrsissjóður starfsmanna ríkisins
• Endurmenntunarsjóður Lífeyrisþegadeildar SFR - umsóknarblað
• Um orlofsmál lífeyrisþega