Húsafell

Sjá fleiri myndir HÉR. Leigutími: Allt árið.

Tvö hús, Hraunbrekkur 4 og 6.

Húsin eru 64 m2, með heitum pottum, tveimur hjónaherbergjum, einu svefnherbergi með þremur rúmstæðum og 30 m2 svefnlofti. Svefnpláss í herbergjum er fyrir 7, þ.e. fyrir 2 og 2 í sitt hvoru hjónaherberginu og fyrir 3 í barnaherbergi. 5 góðar aukadýnur eru á svefnloftinu. Í húsinu eru sængur og koddar fyrir 12, allur almennur borðbúnaður, eldavél með ofni, örbylgjuofn, uppþvottavél, sjónvarp, myndbandstæki, útvarp með geislaspilara, kolagrill og útihúsgögn.

Frá Borgarnesi eru um klukkustunda akstur í Húsafell og þaðan er hægt að aka yfir í Kaldadal til Þingvalla yfir sumartímann. Í Húsafelli er einnig miðstöð samgangna og þjónustu fyrir mjög stórt svæði, sundlaug og golfvöllur auk Safnahúss Borgarfjarðar. Reykholt, sem er annálaður sögustaður með Snorralaug og Snorrastofu er aðeins 21 km. frá Húsafelli. Margir sögufrægir staðir eru í nágrenni Húsafells, s.s. Draugaréttin á Húsafelli. Einnig er stutt í ýmsa staði sem vert er að skoða, t.d. Barnafossa, Surtshelli o. fl. Í Húsafelli er sundlaug, heitir pottar og vatnsrennibraut, 9 holu golfvöllur, minigolf, hestaleiga og varðeldur á laugardagskvöldum yfir sumartímann. Boðið er upp á heillandi ferðir á Langjökul og einnig er hægt að kaupa veiðileyfi á staðnum. Með leigusamningi fylgir sérstakur talnakódi sem leigjandi notar til að nálgast lykil.

Almennar upplýsingar um landsvæðið má finna á www.husafell.is.

Sjá Verð.

BÓKUNARVEFUR