Munaðarnes

   

• Yfirlitskort yfir bústaðahverfi í Munaðarnesi
• Allar myndir stórar  

Leigutími allt árið.  Húsi nr. 11 verður ekki úthlutað heldur sett í dags- og helgarleigu eftir að úthlutun lýkur.

Opnunartími þjónustumiðstöðvar í Munaðarnesi (s. 525 8440) er sem hér segir:

• Vetraropnun (sept. - maí): Föstudag frá 12-22, laugardag frá 12-18 og sunndag frá 12-16.
• Sumaropnun (júní - ágúst): Mánudag - föstudag frá 10-22, laugardag frá 10-24 og sunnudag frá 12-20.

SFR á nú 10 hús á svæðinu og eru 7 þeirra í útleigu í sumar. Húsin eru í þremur hverfum, Stekkjarhóli, Vörðuási og Bjarkarási. Hús nr. 10 í Bjarkaráshverfi er sérhannað fyrir hreyfihamlaða. Þá eru 3 hús í skiptileigu yfir sumarið, þ.e. SFR leigir þau til annarra stéttarfélaga og fær í staðinn hús í Aðaldal, Brekkuskógi og á Illugastöðum. Einu húsi í Stekkjarhóli verður einungis úthlutað til lífeyrisþega. 

Bjarkarás
Húsin eru um 60 m2 með þremur svefnherbergjum. Eitt er með tvíbreiðu rúmi, annað með tveimur kojum og það þriðja með 140 sm rúmi. Svefnrými er fyrir átta og í hverju húsi sængur og koddar fyrir átta. Í húsunum er eldhús, stofa og baðherbergi með sturtu, allur almennur borðbúnaður, eldavél með ofni, sjónvarp, útvarp og kolagrill. Í eldhúsi er að finna öll algeng eldhúsáhöld og rafmagnstæki, svo sem eldavél með ofni, ísskáp, örbylgjuofn, kaffivél, brauðrist og fleira. Þá er heitur pottur og góð verönd fyrir utan húsin.

Hús nr. 10 er sérstaklega hannað með tilliti til aðgengis hreyfihamlaðra. Eldhúsinnrétting er með rafbúnaði til að hækka hana og lækka. Stór verönd með skábraut er við húsið og þar fyrir framan hellulagt bílastæði. Nú er hægt að tengjast þráðlausu interneti í sumarhúsunum, gegn greiðslu. Leiðbeiningar um notkun verður í húsunum.

Stekkjarhóll
Húsin eru um 52 m2 með þremur svefnherbergjum. Svefnpláss er fyrir 6 manns. Eitt svefnherbergi er með tvíbreiðu rúmi, annað með kojum og það þriðja með 120 sm rúmi. Einnig eru 2 aukadýnur. Í húsinu er auk þess eldhús, stofa og baðherbergi með sturtu. Í eldhúsi eru öll algeng eldhúsáhöld og rafmagnstæki, svo sem eldavél
með ofni, ísskápur, örbylgjuofn, kaffivél, brauðrist og fleira. Þá er heitur pottur og góð verönd fyrir utan húsin. 

Vörðuás
Húsin eru um 47 m2 með tveimur svefnherbergjum. Svefnpláss er fyrir 6. Annað herbergið er með tvíbreiðu rúmi og hitt með kojum fyrir fjóra. Í húsunum er auk þess eldhús, stofa og baðherbergi með sturtu. Í eldhúsinu er að
finna öll algeng eldhúsáhöld og rafmagnstæki, svo sem eldavél með ofni, ísskáp, örbylgjuofn, kaffivél, brauðrist og fleira. Þá er heitur pottur og góð verönd fyrir utan húsin.

Staðarlýsing: Munaðarnes er í um 22 km fjarlægð frá Borgarnesi, í fallegu kjarri vöxnu umhverfi rétt ofan við Norðurá. Stutt er í góðar sundlaugar á svæðinu. Sundlaugin á Varmalandi er einungis í nokkurra kílómetra fjarlægð og sundlaugin í Borgarnesi er ein sú besta á landinu. Golfvöllur er að Hamri, rétt utan við Borgarnes og hestaleigur eru nokkrar í næsta nágrenni Munaðarness. Þá er víða hægt að kaupa ódýr veiðileyfi í vötn í nágrenninu, t.d. Hreðavatn og Langavatn. Ferðir á Langjökul njóta vinsælda og þannig mætti lengi telja. Frá
Munaðarnesi er stutt að fara til að skoða ýmsa fagra og markverða staði, bæði út frá náttúrufræðilegu og sögulegu samhengi. Borg á Mýrum og Reykholt eru meðal þekktustu staða Íslandssögunnar og Grábrókarhraun, Hreðavatn, Baula, Hraunfossar, Surtshellir, Glanni og Paradísarlaut eru meðal helstu náttúruperla landsins. .

Almennar upplýsingar um landsvæðið má finna á www.vesturland.is og www.islandsvefurinn.is.

Í Munaðarnesi er þjónustumiðstöð og þar eru umsjónarmenn svæðisins staðsettir. Í þjónustumiðstöðinni er einnig rekið veitinga- og kaffihús.

Nauðsynlegt og gott að taka með: Salernispappír, handsápu og sjampó, sængurfatnað (lín) og lök, handklæði, diskaþurrkur, borðtuskur, plastpoka, eldhúsrúllur, kaffipoka (filter), kol (ef kolagrill), kerti og eldspýtur, álpappír, krydd, sykur og olíu til steikingar, vasaljós og svo hleðslutæki fyrir gemsann. 

Ekki er lengur hægt að fá rúmfatnað í þjónustumiðstöðinn eins og verið hefur undanfarin ár. Nú verða gestir að taka með sér rúmföt, viskustykki, tuskur og WC pappír eins og í öðrum húsum SFR.  Hægt er að tengjast þráðlausu interneti í sumarhúsunum, gegn greiðslu. Leiðbeiningar um notkun verður í húsunum.

Sjá Verð.

BÓKUNARVEFUR

---

Munaðarnes - hús nr. 3 og 5 í Bjarkaráshverfi

Stækka mynd

Stækka teikningu

Húsin eru um 60 m2 með þremur svefnherbergjum og svefnrými fyrir 8 manns. Í hverju húsi eru sængur og koddar, allur almennur borðbúnaður, eldavél með ofni, sjónvarp, útvarp og kolagrill.  Heitur pottur er við húsin. Leigutími: Allt árið (vetur BSRB, sumar og páskar SFR). 

Munaðarnes - hús nr. 10 í Bjarkaráshverfi með aðgengi fyrir hreyfihamlaða

Stækka mynd

Stækka teikningu

Húsið er um 60 m2 með þremur svefnherbergjum og svefnrými fyrir 8 manns. Húsið er hannað með tilliti til aðgengis hreyfihamlaðra,  s.s. snyrting.  Eldhúsinnrétting er með rafbúnaði til að hækka hana og lækka. Stór verönd með skábraut er við húsið og þar fyrir framan hellulagt bílastæði. Í húsinu eru sængur, koddar, allur almennur borðbúnaður, eldavél, ofn, sjónvarp, útvarp, örbylgjuofn og kolagrill. Heitur pottur er við húsið. Leigutími: Allt árið (vetur BSRB, sumar og páskar SFR).

Munaðarnes - hús nr. 11, 12 og 14 í Vörðuáshverfi

Stækka mynd

Stækka teikningu

Stækka mynd

Húsin eru um 47 m2 með tveimur svefnherbergjum. Svefnpláss er fyrir 6, þ.e. 2 í hjónaherbergi og fyrir 4 í kojum í barnaherbergi.  Einnig eru 2 aukadýnur. Í húsinu eru sængur, koddar, allur almennur borðbúnaður, eldavél með ofni, sjónvarp, útvarp og kolagrill. Heitur pottur er við húsin. Leigutími: Allt árið (vetur BSRB, sumar og páskar SFR).

Munaðarnes - hús nr. 72, 73, 76 og 76 í Stekkjarhólshverfi

Stækka mynd

Stækka teikningu

Stækka mynd

Húsin eru um 52 m2 með þremur svefnherbergjum. Svefnpláss er fyrir 6, þ.e. 2 í hjónaherbergi og fyrir 4 í kojum í barnaherbergjum. Einnig eru 2 aukadýnur. Í húsinu eru sængur, koddar, allur almennur borðbúnaður, eldavél með ofni, sjónvarp, útvarp og kolagrill. Heitur pottur er við húsin. Leigutími: Allt árið (vetur BSRB, sumar og páskar SFR).

---