Sjóðir

SFR félagar geta sótt um styrki úr;

• Starfsmenntunarsjóði vegna;
  • starfsmenntunar
• Styrktar- og sjúkrasjóði vegna;
  • veikinda, hafi þeir klárað veikindarétt sinn
  • sjúkraþjálfunar / sjúkranudds / hnykklækninga
  • krabbameinsleitar
  • áhættuskoðunar hjá Hjartavernd
  • sálfræði-, félags- og fjölskylduráðgjafar
  • dvalar á heilsustofnun
  • líkamsræktar
  • augnaðgerða og gleraugnakaupa
  • tannviðgerða
  • ættleiðingar, glasafrjóvgunar og tæknisæðingar
  • heyrnartækja
  • útfarar

Fimm sjóðir eru á vegum félagsins, þ.e. félagssjóður, vinnudeilusjóður, orlofssjóður, starfsmenntunarsjóður og styrktar- og  sjúkrasjóður. Um orlofssjóð, starfsmenntunarsjóð og styrktar- og sjúkrasjóð hefur verið samið í kjarasamningum og eru iðgjaldagreiðslur til þeirra samningsatriði á hverjum tíma.

Iðgjald til félagssjóðs og vinnudeilusjóðs er ákveðið á aðalfundi félagsins sem setur vinnudeilusjóði reglur og ákveður fjárhagsáætlun fyrir félagssjóð ár hvert. Félagssjóður stendur undir öllum rekstri félagsins en úr vinnudeilusjóði, sem stofnaður var á aðalfundi félagsins árið 1992, er m.a. úthlutað til félagsmanna í kjaradeilum.

Þá starfrækir félagið í samvinnu við starfsmannaskrifstofu fjármálaráðuneytisins þróunar- og símenntunarsjóð.