Raðhús í Stykkishólmi - Laufásvegur

Leigt frá 14. maí til 4. júní og 12. júní til 3. september 2010. 

Íbúðin er 67 m2 að stærð. Á neðri hæð er hjónaherbergi með tvíbreiðu rúmi, gestaherbergi með koju og baðherbergi með sturtu. Á efri hæð er stofa/borðstofa og eldhús í samfelldu rými svo og lítið gestaherbergi
með svefnsófa. Svefnpláss, sængur og koddar eru fyrir 7 manns. Auk þess er í íbúðinni barnarúm og barnastóll. Hringstigi er á milli hæða. Í eldhúsinu er allur almennur búnaður fyrir 12 manns, eldavél með bakaraofni, örbylgjuofn og uppþvottavél. Í stofu er sófi og þrír stofustólar, borðstofusett með 6 stólum, sjónvarp með DVD spilara og útvarp með geislaspilara. Út frá efri hæð eru svalir með heitum potti, grilli og svalahúsgögnum. 

Staðarlýsing: Dvalargestir mega leika golf á Víkurvelli án þess að greiða vallargjald samkvæmt sérstökum samningi á milli leigusala og Golfklúbbsins Mostra. 

Almennar upplýsingar um landsvæðið má finna á www.vesturland.is og www.islandsvefurinn.is.  

Nauðsynlegt og gott að taka með: Salernispappír, handsápu og sjampó, sængurfatnað (lín) og lök, handklæði, diskaþurrkur, borðtuskur, plastpoka, eldhúsrúllur, kaffipoka (filter), kol og grillvökva (ef kolagrill), kerti og eldspýtur, álpappír, krydd, sykur og olíu til steikingar, vasaljós og svo hleðslutæki fyrir gemsann. 

ATHUGIÐ!
Gæludýr eru stranglega bönnuð í húsunum - það gildir líka um gæludýr gesta.
Reykingar eru stranglega bannaðar. 

Góð umgengni er hagur okkar allra og því er mikilvægt að skilja við eins og við viljum koma að. SFR áskilur sér rétt til að innheimta sérstakt þrifagjald þar sem ekki er nægjanlega vel skilið við. 

Sjá verð. 

BÓKUNARVEFUR