Orlofsvefur

SFR á og rekur samtals 31 eign innanlands og er með fjölmörg hús og íbúðir til framleigu yfir orlofstímann á sumrin. Þá tekur stjórn Orlofssjóðs SFR ákvörðun um það hverju sinni hvaða önnur orlofstilboð bjóðast.

Opið er fyrir bókanir innanlands fjóra mánuði fram í tímann, og fimm mánuði fyrir orlofsmöguleika SFR utanlands. Fyrsta virka dag í mánuði bætist við vefinn nýr mánuður og er opnað fyrir bókanir á orlofsvefnum kl 9:00. Ef mánaðarmót hitta á föstudag þá er opnað fyrir alla helgina. 

Páskum og sumartíma er úthlutað, sjá nánar hér.

Miðar í Hvalfjarðargöng eru seldir í stykkjatali á skrifstofu SFR.

Hér smellir þú til að bóka hús. Skráðu þig inn með kennitölu og netfangi. Veldu SFR og þá opnast þitt svæði. Þar geturðu skoðað hvað er laust með því að velja „Laust" á slánni efst. 

Það sem alltaf þarf að muna áður en lagt er af stað í orlofshús:

• Prenta út kvittun til að hafa réttar upplýsingar meðferðis um umsjónarmann og fleira.
• Félagsmenn þurfa að hafa með sér sængurfatnað, handklæði, tuskur og viskastykki nema annað sé tekið fram.

Hægt er að velja að nota slána efst til að bóka og afla sér upplýsinga um allt sem er í boði:
HEIM - LAUST- ORLOFSHÚS – UMSÓKNIR – ÁVÍSANIR – REGLUR – VERÐSKRÁ – ÚTSKRÁNING

Flýtileiðir
Íslandskort: Hægt er að velja ákveðinn landshluta með því að smella á kortið. Þá birtast þau hús sem eru þar í boði og hægt er að bóka.

Ávísanir: Undir flýtihnappnum Ávísanir eru þrír liðir sem mest er selt af hverju sinni. En undir þessum lið getur verið fleira í boði, til að sjá það þarf að velja hnappinn ÁVÍSANIR á slánni efst. Þá birtist yfirlit yfir allt sem er í boði undir þessum lið.  

Umsóknir: Hér má finna þá umsókn sem er í gangi hverju sinni (t.d. páskar eða sumar).  Hægt er að smella beint á þennan flýtihnapp og panta eða gera breytingar á umsókn.

Hreyfingar: Undir þessum hnapp birtast síðustu þrjár bókanir sem félagsmaður hefur framkvæmt. 

Lengst til hægri eru svo persónuupplýsingar  um félagsmann frá þjóðskrá, punktastaða og upplýsingar sem félagsmenn geta sett inn sjálfir með því að velja eftirfarandi liði:  

• Notendaupplýsingar. Til að breyta upplýsingum þarf að smella á þessa línu.
• Kvittanir: Hér má finna lista yfir allar kvittanir sem félagsmaður á í kerfinu.
• Punktastaða: Þarna er hægt að sjá hreyfingar í gegnum tíðina. Athygli skal vakin að ný punktastaða er frá jan. 2008-2011. Sú staða breytist alltaf rétt fyrir úthlutun og getur hún að hámarki verið 48 punktar í dag ef félagsmaður hefur unnið alla mánuði frá þessari dagsetningu.

ATHUGIÐ! 

• Gæludýr eru stranglega bönnuð í húsunum, það gildir líka um gæludýr gesta.
• Reykingar eru stranglega bannaðar.
• Góð umgengni er hagur okkar allra og því er mikilvægt að skilja við eins og við viljum koma að. SFR áskilur sér rétt til að innheimta sérstakt þrifagjald þar sem ekki er nægjanlega vel skilið við.