Um orlofsrétt

Orlofsuppbót

Orlofsárið

Er frá 1. maí - 30. apríl og á því tímabili ávinna starfsmenn sér orlof.

Réttur til orlofs 

Orlofsréttur hjá SFR miðast við lífaldur og er:
   192 vst. (24 dagar) m.v. fullt ársstarf hjá starfsmönnum yngri en 30 ára.
   216 vst. (27 dagar) m.v. fullt ársstarf hjá starfsmönnum sem ná 30 ára aldri á árinu.
   240 vst. (30 dagar) m.v. fullt ársstarf hjá starfsmönnum sem ná 38 ára aldri á árinu.

Starfsmenn eiga ávallt rétt á fullu orlofi. Réttur starfsmanna til launa í orlofi miðast hins vegar við starfstíma og starfshlutfall.

Dæmi: 38 ára starfsmaður sem hefur unnið á stofnun frá 1. desember á því rétt á að taka 30 daga orlof árið á eftir en á aðeins rétt á 100 vst. (12.5 dögum) á launum.

Sumarorlofstímabil

Sumarorlof er á tímabilinu 1. maí til 15. september.  (15. maí til 30. sept hjá Rvk og sveitarfélögum)
Starfsmenn eiga rétt á að taka út a.m.k. 160 vst. (20 daga) á sumarorlofstímabili.

Ef orlofið er tekið eftir að sumarorlofstímabili lýkur skal sá hluti orlofsins lengjast um 25% hvort sem það er að ósk starfsmaður eða yfirmanns. Ath. þetta á aðeins við um það orlof sem eftirstendur þegar sumarorlofstímabili lýkur en á ekki við þegar starfsmenn taka út orlof fyrirfram fyrir orlofstíma.   

Hjá sveitarfélögum gildir að:
Þeir starfsmenn sem samkvæmt ósk vinnuveitenda fá ekki fullt orlof á sumarorlofstímabili, skulu frá 33% lengingu á þeim hluta orlofstímans sem veittur er utan framangreinds tíma.

Útreikningur orlofsstunda að vetri

Ef hluti orlofs er tekinn eftir að sumarorlofstímabili lýkur skal sá hluti orlofsins lengjast um 25%.

Dæmi: 16 orlofsstundir sem starfsmaður á eftir þegar sumarorlofstímabili lýkur verða að 20 stundum að vetri. 16 * 1,25 = 20 klst.

Einnig má hugsa þetta þannig að í staðinn fyrir að fjölga (eða fækka) orlofsstundum eftir árstímum, þá drögum við mismikið frá áunnum orlofstímum eftir því hvenær fríið er tekið.  Áunnar orlofsstundir mynda því nokkurs konar höfuðstól.

Á sumrin kostar 1 klukkustund í fríi 1 orlofstíma.
Á veturna kostar 1 klukkustund í fríi 0,8 orlofstíma.

Ákvörðun orlofs

Yfirmanni er skylt að koma til móts við óskir starfsmanna um orlofstíma verði því við komið vegna starfa stofnunarinnar og ákveður í samráði við starfsmenn hvenær orlof skuli veitt.

Yfirmanni ber að kanna óskir starfsmanna um orlofstöku, að veita orlof á sumarorlofstíma sé þess óskað af hálfu starfsmanna og tilkynna um tímasetningu orlofs eins fljótt og auðið er og í síðasta lagi mánuði áður en orlofstaka hefst.

Orlofsuppbót og orlofsfé

Orlofsuppbót 2010 er 25.800 miðað við fullt ársstarf. Orlofsuppbót er greidd í út 1. júní ár hvert. Ef starfsmaður hefur ekki verið í 100% starfi þennan tíma reiknast upphæðin út frá starfshlutfalli og starfstíma á umræddu tímabili.
Ef starfstími starfsmanns hjá stofnun hefur ekki náð 3 mánuðum / 13 vikum á þessu 12 mánaða orlofstímabili (1. maí til 30. apríl), fær hann ekki orlofsuppbót. Sá tími sem starfsmaður er í fæðingarorlofi eða er dottinn út af launaskrá vegna veikinda (er með sjúkradagpeninga) er ekki talinn starfstími í þessu samhengi.

Orlofsfé - Starfsmenn ávinna sér orlofslaun (orlofsfé) af yfirvinnu og álagsgreiðslum. Orlofsféð er:
   10,17% af yfirvinnu og álagsgreiðslum hjá starfsmönnum yngri en 30 ára.
   11,59% af yfirvinnu og álagsgreiðslum hjá starfsmönnum sem ná 30 ára aldri á árinu.
   13,04% af yfirvinnu og álagsgreiðslum hjá starfsmönnum sem ná 38 ára aldri á árinu.

Orlofsfé er lagt í banka og er laust til útborgunar eftir 10. maí ár hvert.

Veikindi í orlofi

Starfsmönnum ber að tilkynna yfirmönnum án tafar um veikindi í orlofi og ávallt skal framvísa læknisvottorði veikist starfsmaður í orlofi.

Frestun orlofs

Ef starfsmenn ná ekki að taka orlof sitt má fresta því til næsta árs og taka það með orlofi þess árs.  Ekki er gert ráð fyrir frekari frestun á orlofi. Í undantekningartilfellum getur komið til greiðsluskyldu á eldra gjaldföllnu orlofi.

Starfsmaður er kallaður til vinnu í orlofi

Ef starfsmaður er kallaður til vinnu í orlofi er valkvætt að:

Greiða starfsmanni yfirvinnu fyrir þá vinnu sem unnin á orlofstímanum en þá lengist orlof starfsmanns ekki.
Eða
Starfsmaður fær hefðbundna laun fyrir fyrir vinnu sína á orlofstímanum og orlofið lengist sem unnum tíma í orlofi nemur.

Það sem báðar leiðir eru færar er best fyrir starfsmann að ganga frá því fyrirfram hvernig vinna á orlofstíma er gerð upp.