Launin mín

Hvað ræður laununum mínum?

Samið er um launaröðun hvers starfs í stofnansamningi á milli SFR og viðkomandi stofnunar.  Stofnanasamningar byggja á grunnlaunum fyrir starf annars vegar og persónubundnum launaframgangi hins vegar.  Laun umfram grunnröðun stofnanasamnings grundvallast á samkomulagi starfsmanns og vinnuveitanda og koma fram í ráðningarsamningi viðkomandi starfsmanns.  Sjá stofnanasamninga

Hvernig ber ég laun mín saman við laun annarra í launakönnunum?

Það er gagnlegt að fylgjast með því hver meðallaunin eru fyrir sambærilegt starf og við sinnum.  Best er að notast við upplýsingar úr launakönnun SFR

• Byrjaðu á því að smella hér til að komast inn á nýjustu launakönnunina.
• Síðan þarft þú að átta þig á samanburðarhópnum. Það er að segja hvaða starfsheiti þú villt skoða og í hvaða atvinnugrein.  Hér er að finna töflur með upplýsingum um meðallaun frá febrúar 2011.