Breyting á starfi - biðlaun

Breyting á starfi

Samkvæmt lögum nr. 70/1996 um réttindi og skyldur starfsmann ríkisins. Ber starfsmanni að hlíta breytingum á störfum sínum og verksviði frá því hann tók við starfi.

Forstöðumenn, stjórnendur hafa dag daglegan stjórnunarrétt hvað varðar skipulag vinnu starfsmanna. Undir það fellur skipulagning á því hvaða verk skuli vinna, með hvaða hætti, hvenær og hvar. Stjórnendur hafa því rétt til þess að flytja fólk til í starfi svo framarlega sem um sé að ræða sambærilegt starf. 

Ákvörðun um breytingar á störfum og verksviði starfsmanns skal tilkynna skriflega. Í bréfinu skal koma fram hvenær breytingarnar munu verða, í hverju þær felast og hvort þær hafa áhrif á launakjör og/eða önnur réttindi starfsmanns. Í 19. gr. stml. er ekki tiltekið með hve löngum fyrirvara skuli tilkynna starfsmanni um breytingar á störfum hans og verksviði. Breytingar skal tilkynna með hæfilegum fyrirvara.  Ef breytingarnar hafa ekki áhrif á launakjör, starfsstað eða starfshlutfall má telja 4 vikna fyrirvara hæfilegan.

Breyting á starfshlutfalli

Ekki er hægt að breyta starsfhlutfalli einhliða af hendi stofnunar.  Ef yfirmaður óskar eftir að breyta starfshlutfalli starfsmanns þarf alltaf að leita samþykkis hjá starfsmanninum fyrst.   Dæmi um þetta er þegar starfsmaður er í 70% starfi og er beðinn um að breyta starfshlutfalli sínu í 100%.

Öll vinna sem er umfram vinnuskyldu/starfshlutfall og stednur yfir í 1 mánuð eða skemur greiðist með yfirvinnukaupi.

Ekki á að breyta starfshlutfalli starfsmannsins heldur ber að greiða honum alla vinnu umfram vinnuskyldu sem yfirvinnu.

Yfimanni ber að segja starfshlutfalli upp með 3 mánaða fyrirvara. Ef vinnuveitandi breytir starfshlutfalli fyrirvaralaust og án samþykkis starfsmanns þá jafngildir það uppsögn ráðningarsamnings.

Uppsögn á launalið starfs

Breytingu á föstum vöktum, sem hefur áhrif á launakjör starfsmanns, skal segja upp með jafnlögnum fyrirvara og réttur starfsmanns til uppsangafrests er.  Almennt er það 3 mánaða fyrirvari. 
Sama á við um aðrar breytingar á launakjörum sem hafa áhrif til lækkunar launa.

Niðurlagning starfs

Ef starf er lagt niður á starfsmaður rétt á launum jafnlengi og uppsagnarréttur hans nær til.  Hafi starfsmaður hins vegar verið samfellt í þjónustu ríkisins frá júní 1996 á hann rétt á biðlaunum skv. eldri lögum ef staða hans er lögð niður.

Biðlaun

Starfsmaður sem hefur verið samfellt í þjónustu ríkisins frá því fyrir gildistöku laga um réttindi og skyldur starfsmanna ríkisins no. 70/1996 á rétt á biðlaunum ef staða hans er lögð niður. Samkvæmt því þarf starfsmaður að hafa verið ráðin til starfa í júní 1996 eða fyrr.

Biðlaunaréttur er 6 mánuðir hjá þeim sem falla undir ákvæði þetta en hafa ekki náð 15 ára starfsaldri hjá ríkinu.

Biðlaunaréttur er 12 mánuðir hjá starfsmönnum sem falla undir ákvæði þett og hafa starfað meira en 15 ár hjá ríkinu.

Þegar biðlaunaréttur er metin skal fyrst telja samfelldan starftíma frá júní 1996 síðan allan starfstíma hjá ríkinu fyrir 1996 hvort sem þá var um samfellt starf að ræða eða ekki .

Starfsmaður á biðlaunum fær greidd föst mánaðarlaun fyrir dagvinnu, fasta yfirvinnu, persónuuppbót og orlofsuppbót.  Starfsmenn fá ekki greitt orlofsfé á biðlaun og heldur ekki vaktaálagsgreiðslur.

Taki starfsmaður við nýju starfi áður en bilaunarétturinn er liðin falla biðlaun niður ef launin í nýja starfinu eru jöfn eða hærri þeim launum sem starfmaður hafði áður.