Fæðingarorlof

Fæðingarstyrkur SFR félaga

Fæðingarstyrkur er greiddur úr Styrktar-og sjúkrasjóði SFR. Styrkurinn er jafnhár til kvenna og karla en hliðsjón er höfð af starfshlutfalli. Fullur styrkur er kr. 200.000,- vegna hvers barns og miðast við að foreldri hafi stundað 100% starf síðustu 6 mánuði fyrir fæðingu barns /barna.

Foreldrar sem eru félagsmenn í SFR eiga rétt á styrk séu þeir aðilar að sjóðnum og uppfylla skilyrði um sjóðsaðild, karlar jafnt sem konur.
Séu báðir foreldrar í SFR, sækja þau um hvort í sínu lagi.
Umsækjandi þarf að vera að lágmarki í 25% starfshlutfalli til að eiga rétt á styrk.
Styrkurinn lækkar í hlutfalli við skert starfshlutfall.
Um ættleiðingar gilda sömu reglur og um venjulega fæðingu væri að ræða.
Sé um að ræða fósturlát eftir 18 vikna meðgöngu er greiddur út hálfur fæðingarstyrkur.
Hægt er að nýta styrkinn upp að 18 mánaða aldri barns/barna.

Fæðingarstyrkur er veittur til foreldris gegn framvísun fæðingarvottorðs og staðfestingu atvinnurekanda um að umsækjandi sé með ráðningu þar sem fram koma upplýsingar um starfshlutfall hans s.l. 6 mánuði fyrir fæðingu barns/barna. Rafræn umsókn.

Fæðingarorlofssjóður á Hvammstanga
Um áramótin 2006-2007 fluttist Fæðingarorlofssjóður frá Tryggingastofnun ríkisins til Vinnumálastofnunar. Umsækjendum í fæðingarorlofi er bent á að snúa sér til Fæðingarorlofssjóðs Strandgötu 1, 530 Hvammstanga með umsóknir sínar. Vefsíðan er www.faedingarorlof.is. Símanúmer Fæðingarorlofssjóðs er 582 4840 og fax er 582 4850. Skattkort af höfuðborgarsvæðinu á að skila á Engjateig 11, 105 Reykjavík en öll önnur gögn skal senda á Hvammstanga.

Ýmsar upplýsingar um fæðingarorlof og umsóknareyðublöð:

Á vefsíðu BSRB
Leiðbeiningar við útfyllingu umsóknar um greiðslur úr Fæðingarorlofssjóði
Information in english about filling out the application for payments from the Childbirth Leave Fund

Munið að setja X-ið!
Þegar sótt er um úr Fæðingarorlofssjóði þarf að fylla út umsókn hjá Vinnumálastofnun. Á umsóknareyðublaðinu eru reitir þar sem umsækjandi er beðinn um að setja x þar sem það á við, m.a. hvort viðkomandi óski eftir því að stéttarfélagsgjöld verði dregin frá greiðslum úr fæðingarorlofssjóði. Þeir sem merkja x við þann reit teljast félagsmenn í viðkomandi stéttarfélagi.

Réttarstaða hinna sem ekki kjósa að krossa í þennan reit er hins vegar önnur. Þeir teljast ekki félagsmenn á meðan á fæðingarorlofi stendur og missa því rétt úr styrktar- og sjúkrasjóði, orlofssjóði og starfsmenntunarsjóði. Með öðrum orðum, til að halda sjóðsréttindum í fæðingarorlofi er nauðsynlegt að greiða stéttarfélagsgjald. Sé það greitt greiðir fjölskyldu- og styrktarsjóður (FOS) mótframlag til sjóða BSRB og sjóðfélagi heldur öllum sínum réttindum og heldur áfram að vinna sér inn réttindi meðan á fæðingarorlofi stendur. Engin lagaheimild er fyrir Vinnumálastofnun að draga stéttarfélagsgjöld óumbeðið af greiðslum í fæðingarorlofi. Því er óhjákvæmilegt að hafa spurningu á eyðublaðinu vegna fæðingarorlofsgreiðslu um hvort umsækjandi vilji vera áfram í sínu félagi og þar með greiða til þess félagsgjöld. Er því nauðsynlegt að minna félagsmenn á það að standa vörð um réttindi sín og félagsaðild og krossa í viðeigandi reit.

Ný lög um fæðingar- og foreldraorlof tóku gildi 1. janúar 2005
Helstu breytingar tóka til skilyrða fyrir greiðslum, lágmarkstíma, viðmiðunartímabils, hámarks, foreldris sem ekki er á innlendum vinnumarkaði á viðmiðunartímabilinu, ef um andlát foreldris er að ræða og leiðréttinga á greiðslum úr Fæðingarorlofssjóði.

Hér að neðan er hægt að nálgast ýmsar upplýsingar um fæðingarorlof:

Umsóknareyðublaðið fyrir Fæðingarorlofssjóð og tilkynningareyðublöðin til atvinnurekanda má nálgast á www.faedingarorlof.is.