Launin 2011

Hér að neðan eru birtar niðurstöður Launakönnunar SFR 2011 í nokkrum töflum. Í töflunum eru gefin upp meðallaun starfsmanna eftir ýmsum bakgrunnsþáttum svo sem atvinnugrein og starfsstétt.

Athugið að meðaltal er ekki birt nema það séu fimm eða fleiri starfsmenn á bak við meðaltalið.

Launatöflur

1. Meðallaun eftir starfsstétt og kyni.

2. Breytingar á grunn- og heildarlaunum á milli ára.

3. Meðaltal grunnlauna eftir starfsstétt og bakgrunnsþáttum.

4. Heildarlaun eftir starfsstétt og bakgrunnsþáttum.

5. Meðallaun eftir atvinnugrein.

6. Breytingar á grunn- og heildarlaunum milli ára eftir atvinnugrein.

7. Grunnlaun eftir atvinnugrein og bakgrunnsþáttum.

8. Heildarlaun eftir atvinnugrein og bakgrunnsþáttum.

Launatöflum skipt eftir atvinnugreinum

9. Laun; heilbrigðis- og félgsþjónusta.

10. Laun; innheimtumenn ríkissjóðs, almannatryggingar og lánasjóður.

11. Laun; landbúnaður, orkustofnanir og skógrækt.

12. Laun; löggæsla, dómstólar og fangelsi.

13. Laun; mennta- og menningarstofnanir.

14. Laun; rannsókna- og eftirlitsstofnanir.

15. Laun; verslunar- og sölustörf.

16. Laun; þjónusta sveitarfélaga (málefni fatlaðra)

17. Laun; önnur opinber starfssemi og þjónusta.

Skýringar við launatöflur

Í launatöflunum sem birtar eru hér eru gefin upp meðallaun félagsmanna eftir ýmsum bakgrunnsþáttum, þó aðallega starfsstétt. Meðaltal launa er ekki birt nema fimm eða fleiri félagsmenn hafi svarað í viðkomandi hópi. Launatölurnar í töflunni með heildar- og grunnlaunum mánaðar byggjast á svörum starfsfólks í 70-100% starfshlutfalli. Laun starfsfólks í 70-99% starfshlutfalli eru uppreiknuð miðað við 100% starf. Auk meðaltals eru einnig birt miðgildi, 25% mörk og 75% mörk í töflunum. Þær tölur gefa til kynna launadreifingu í viðkomandi starfsstétt. Miðgildi skiptir svarendahópnum í tvennt, helmingur svarenda er með lægri laun en miðgildið segir til um og helmingur með hærri laun. Talan í dálkinum 25% mörk gefur til kynna að fjórðungur svarenda er með sömu eða lægri laun en þau sem birtast í dálkinum og eru þá 75% svarenda með hærri laun. Talan í dálkinum 75% mörk gefur hins vegar til kynna að fjórðungur svarenda er með hærri laun en tilgreind eru í dálkinum á meðan 75% svarenda eru með sömu laun eða lægri.

Á grundvelli þessara talna, meðaltals, miðgildis, 25% marka og 75% marka, má meta launadreifingu samkvæmt eftirfarandi. Því breiðara sem bilið er á milli 25% marka, miðgildis og 75% marka, þeim mun meiri er launadreifingin í viðkomandi hópi. Eftir því sem bilið breikkar má segja að erfiðara sé að gera sér grein fyrir því hvaða laun eru algengust í viðkomandi starfsstétt eða hópi. Aftur á móti eru launin einsleitari í hópum eftir því sem bilið á milli þessara talna er þrengra og þá er auðveldara að gera sér grein fyrir á hvaða bili algengast er að laun séu í hópnum eða starfsstéttinni. Einnig er hægt að bera saman mismun á meðaltali og miðgildi. Ef meðaltalið er hærra en miðgildið bendir það til þess að nokkrir svarendur í hópnum hafi töluvert hærri laun en meginþorri hópsins og hífi þannig meðaltalið upp. Ef meðaltalið er lægra en miðgildið eru að líkindum nokkrir svarendur með töluvert lægri laun en meginþorri hópsins sem dregur þannig meðaltalið niður. Ef litlu munar á miðgildi og meðaltali má segja að ákveðið jafnvægi ríki í launadreifingu hópsins.