St�ttaf�lag � almanna�j�nustu

Vinnandi vegur - nýtt átak fyrir atvinnuleitendur og atvinnurekendur

Wed, 22 Feb 2012 15:58:31 GMT

Í frétt á vef BSRB kemur fram að Vinnandi vegur er sameiginlegt átak samtaka atvinnurekenda, sveitarfélaga, stéttarfélaga og ríkisins. Með átakinu gefst atvinnurekendum kostur á styrk með ráðningu nýrra starfsmanna úr hópi atvinnuleitenda. Átakið beinir sjónum sérstaklega að einstaklingum sem hafa verið án vinnu lengur en 12 mánuði. Atvinnumessa verður haldin 8. mars í tengslum við átakið.

Atvinnumessa 8. mars í Laugardalshöll

Tue, 14 Feb 2012 10:38:27 GMT

Nú stendur fyrir dyrum atvinnu-messa á höfuðborgarsvæðinu þann 8. mars nk. Með því er verið að hrinda í framkvæmd aðgerðum sem eiga að tryggja allt að 1500 atvinnuleitendum störf og starfstengd úrræði. Sérstök áhersla er lögð á langtímaatvinnulausa í þessu átaki. Slíkar atvinnumessur munu einnig fara fram nokkru síðar í Reykjanesbæ og á Akureyri.

Skráning í Gott að vita námskeið og fyrirlestra

Wed, 1 Feb 2012 11:16:52 GMT

Nú er dagskrá fyrir námskeið og fyrirlestra Gott að vita á vorönn tilbúin og hófst skráning 1. febrúar kl. 9. Ef þú ert að skrá þig inn í fyrsta sinn í námskeiðsskráningarkefi SFR þá velur þú flipann Nýskráning og skráir inn umbeðnar upplýsingar, hugar vel að því að netfang sé rétt stafsett og býrð til þitt eigið lykilorð. Þá færðu tölvupóst með tengli sem þú verður að smella á til að skráning verði virk. Ef þú hefur áður skráð þig inn og gleymt lykilorðinu þá geturðu óskað eftir því að fá það sent til þín í tölvupósti neðst undir flipanum Þegar skráður notandi.

Aðalfundur SFR verður haldinn 22. mars 2012

Mon, 30 Jan 2012 10:50:16 GMT

Aðalfundur SFR verður haldinn 22. mars kl. 17 að Grettisgötu 89. Á dagskrá eru venjubundin aðalfundarstörf svo sem skýrsla stjórnar, reikningar félagsins, ákvörðun um iðgjald og fleira. Þá verður kynnt stjórnarkjör en kosið er á tveggja ára fresti. Einnig verður kosið í stjórnir sjóða og teknar fyrir lagabreytingar. Félagsmenn eru hvattir til að fjölmenna á aðalfund.

Gott að vita - skráning hefst 1. febrúar

Fri, 27 Jan 2012 14:25:48 GMT

Nú er dagskrá fyrir námskeið og fyrirlestra Gott að vita á vorönn tilbúin og hefst skráning 1. febrúar kl. 9. Ef þú ert að skrá þig inn í fyrsta sinn í námskeiðsskráningarkefi SFR þá velur þú flipann Nýskráning og skráir inn umbeðnar upplýsingar, hugar vel að því að netfang sé rétt stafsett og býrð til þitt eigið lykilorð. Þá færðu tölvupóst með tengli sem þú verður að smella á til að skráning verði virk. Ef þú hefur áður skráð þig inn og gleymt lykilorðinu þá geturðu óskað eftir því að fá það sent til þín í tölvupósti neðst undir flipanum Þegar skráður notandi.

Styrkir til vinnustaðanáms eða starfsþjálfunar

Tue, 17 Jan 2012 10:18:46 GMT

Mennta- og menningarmálaráðuneytið auglýsir nú eftir umsóknum um styrki til fyrirtækja eða stofnana sem taka nemendur í vinnustaðanám. Markmið styrkjanna er að gera fleiri nemendum sem taka starfsþjálfun sem hluta af starfsnámi á framhaldsskólastigi kleift að ljúka tilskilinni þjálfun á vinnustað. Ýmis störf hjá ríki og sveitarfélögum byggja á námi þar sem hluti þess er vinnustaðanám og má þar nefna félagsliða, heilbrigðisritara, læknaritara, sjúkraliða og lyfjatækna.

Nýjar úthlutunarreglur styrktar- og sjúkrasjóðs

Thu, 12 Jan 2012 16:09:01 GMT

Úthlutunarreglum Styrktar- og sjúkrasjóðs SFR hefur verið breytt og gilda þær frá og með 1. janúar 2012. Fæðingarstyrkur hækkar, ásamt styrk fyrir sjúkraþjálfunar, meðferð hjá sálfræðingi, augnaðgerð, tannlækningum og krabbameinsskoðun.

Skráning hafin á starfslokanámskeið BSRB

Thu, 5 Jan 2012 10:28:36 GMT

Starfslokanámskeið BSRB verður haldið 31. jan. og 2. feb. næstkomandi. Námskeiðið er frítt og er einkum ætlað þeim sem eru að nálgast starfslok eða eru nýlega hættir störfum og er opið öllum félagsmönnum aðildarfélaga innan BSRB og mökum þeirra. Skráning hér.

Skráning á vorönn hjá Starfsmennt í fullum gangi

Tue, 3 Jan 2012 15:15:06 GMT

Nú er kjörið að huga að námi næsta vors, skoða framboðið og skrá sig. Upplýsingar um öll þau fjölbreyttu námskeið sem Starfsmennt býður upp á vorið 2012 eru nú aðgengilegar á vef setursins, www.smennt.is. Hvort sem þú hefur áhuga á stuttum fyrirlestrum fyrir starfsfólk, lengri námsleiðum hannaðar sérstaklega fyrir stofnanir og starfshópa eða almenn þverfagleg námskeið ættir þú að finna eitthvað sem hentar.

Jólaball SFR 29. desember

Wed, 28 Dec 2011 10:00:58 GMT

Jólaball SFR verður haldið í samstarfi við St.Rv. fim. 29. des. 2011, kl. 17 í Gullhömrum, Grafarholti. Miðar eru seldir á skrifstofu félagsins, Grettisgötu 89, opið 9-16. Miðaverð er 700 kr.