Til félagsmanna

Jólaball SFR verður haldið í samstarfi við St.Rv. fim. 29. des. 2011, kl. 17 í Gullhömrum, Grafarholti. Miðar eru seldir á skrifstofu félagsins, Grettisgötu 89, opið 9-16. Miðaverð er 700 kr.

Nú er laust í orlofshúsum SFR í Kjarnabyggð og Hamratúni á Akureyri um jólin. Þá er Ólafsfjörður, Vestmannaeyjar og Danmörk laust um jól og áramót.  Hægt er að bóka hér á orlofsvef.

SFR hefur tekið á leigu nýja íbúð í Kaupmannahöfn, en hætt var að leigja út íbúðina sem við höfðum í  Hollænderdypet í lok nóvember. Nýja íbúin er staðsett Ved Volden sem er í Christianshavn. Búið er að opna fyrir bókanir til loka apríl á  Orlofsvefnum.

Enn eru nokkur pláss laus á fyrirlesturinn Einstaklingsmarkmiðasetning sem Frímann Sigurðsson heldur 23. nóv. kl. 17-18 á Grettisgötu 89, 1. hæð. Skráning hér.

Því miður fellur niður fyrirlestur sem vera átti þann 16. nóv. þar sem þátttaka var ekki næg. Það var Stefán Gíslason sem ætlaði að halda fyrirlestur um umhverfisvernd í daglegu lífi á venjulegu heimili, hvers vegna við þurfum að velta þessum málum fyrir okkur, hverju sé auðveldlega hægt að breyta og hvað sé mikilvægast að hafa í huga þegar fyrstu skrefin eru tekin. Rætt verður um ævisögu hluta, mikilvægi fyrirmyndanna og mátt neytandans og fleira.

Skráning stendur yfir á fyrirlestur Eddu Björgvinsdóttur sem haldinn er í BSRB húsinu 10. nóv. kl. 17-18:30. Þar mun hún fjalla um hvernigmanneskja með lítinn sjálfsaga getur breytt mataræði sínu úr ruslmat í vítamínríkt fæði? Hvernig getur lélegur kokkur búið til gómsæta heilsurétti? Hvaða eiturefni erum við að innbyrða daglega í svokölluðum “hollustu”mat? og fleira... Fyrirlesturinn er sendur út í fjarfundi til Ísafjarðar, skráning á fjarfund hér.

Breki Karlsson, forstöðumaður Stofnunar um fjármálalæsi, heldur námskeið 17. og 24. okt. kl. 17-190 um fjármálalæsi þar sem hann fer í saumana á fjármálum einstaklinga og fjallar um peninga, sparnað og eyðslu á mannamáli. Tekin verða raunveruleg dæmi og þátttakendum kynnt tól og tæki til efla fjárhagslegt öryggi sitt. Skrá mig hér til þátttöku.

Skráning stendur yfir á námskeiðið „Public Speaking and Delivering Presentations in English“ sem hefst 5. okt. nk. Um er að ræða 12 klst. námskeið sem hún Mica Allan kennir og er kennt 2 klst. í senn alls 6 skipti. Mjög mikil ánægja hefur verið meðal þátttakenda á námskeiðunum hennar sem haldin hafa verið undir merkjum Gott að vita.

SFR býður félagsmönnum upp á fjölmörg námskeið nú á haustönn undir heitinu "Gott að vita". Dagskránna er að finna hér á síðunni en auk þess er Blað stéttarfélaganna SFR og STRV í dreifingu til félagsmanna. Opnað hefur verið fyrir skráningu og eru félagsmenn hvattir til þess að skrá sig sem fyrst til þess að tryggja sér pláss. Sjá nánar hér.

Fyrsti fundur Félagsráðs SFR verður haldinn 23. sept. Í félagsráði eiga sæti stjórn SFR, formenn fagfélaga og deilda og 15 trúnaðarmenn sem voru kosnir á fundi trúnaðarmanna 1. sept. sl. Fundir félagsráðs eru opnir félagsmönnum SFR og hafa þeir málfrelsi og tillögurétt, en ekki atkvæðisrétt. Hafi félagsmaður áhuga á að sitja fundinn verður hann að tilkynna þátttöku fyrir kl. 16 þann 21. sept. í síma 525-8340 eða senda póst á alma@sfr.is. Sjá dagskrá hér.

Námskeiðið hefst 15. sept. og verður fjallað um stafgöngu, sem hefur farið eins og eldur í sinu um Evrópu, og hvaða tækni er best að beita við slíka göngu. Námskeiðið er þannig uppsett að fyrsti tíminn er fyrirlestur og næstu 4 tímar eru gönguæfingar. Gengið verður í Laugardalnum (hist við Skautahöllina). Skráning og nánari upplýsingar hér.

Vegna veikinda þarf að fresta fundi Starfsmenntunarsjóðs SFR um viku og verður hann því haldinn 15. september nk.

Á vef BSRB kemur fram að Forystufræðsla BSRB í samvinnu Fræðslusetrið Starfsmennt hefst í næsta mánuði og er skráning í námskeiðið hafin. Fræðslan er ætluð fyrir stjórnir og starfsmenn aðildarfélaga BSRB. Markmið námsins er að efla þekkingu og fagmennsku þátttakenda en áhersla er lögð á lýðræðislega virkni, upplýsingamiðlun og liðsheild. Ætlunin er að styrkja almenna starfs- og stjórnendahæfni til að geta mætt fjölbreyttum verkefnum og nýjum áherslum í þjónustu við félagsmenn. Sjá nánar hér.

Ákveðið hefur verið að framlengja skilafrest ljósmyndasamkeppni Blaðs stéttarfélaganna sem hrint var af stað í vor til að gefa fleirum kost á að senda inn myndir. Allir félagsmenn SFR og St.Rv. geta sent inn myndir í keppnina.

Íbúð félagsins í Skálatúni á Akureyri var að losna af óviðráðanlegum ástæðum frá og með deginum í dag og fram til 26. september. Hægt er að bóka íbúðina hér.

Hér má nálgast nýja kjarasamn-inga sem SFR gerði frá maí til júlí. Launatöflu fyrir ríkisstarfsmenn má nálgast hér en launatöflur þeirra sem vinna hjá öðrum en ríkinu má finna inni í viðkomandi kjarasamaningi. Verið er að uppfæra Spurningar og svör um kjaramál.

SFR og St.Rv. bjóða félagsmönnum upp á síðsumarnámskeið. Um er að ræða tvö námskeið þar sem verður frætt um svepparíkið og eitt námskeið í stafgöngu. Skráning og nánari upplýsingar hér.

Umsóknarfrestur til skráningar í Skrifstofuskólann hjá Framvegis er til 23. ágúst. Skrifstofuskólinn er ætlaður fólki á vinnumarkaði sem er 20 ára eða eldra og vill auka færni sína til að takast á við almenn skrifstofustörf, en námið er 240 kennslustundir. Námið er skipulagt þannig að það hentar að stunda það meðfram starfi. Kennt er samkvæmt námskrá Fræðslumiðstöðvar atvinnulífsins. Sjá nánar á hér.

Því miður er veðurspáin slæm fyrir laugardaginn og því verður að blása af fyrirhugaða fjallgöngu á Fimmvörðuháls sem átti að fara í 2. júlí.

Framvegis kynnir þrjár nýjar námsleiðir sem standa til boða á næstunni. Námsleiðirnar eru sérstaklega hannaðar fyrir fólk á vinnumarkaði sem hefur ekki setið á skólabekk í langan tíma. Um er að ræða skrifstofuskólann, grunnnám skólaliða og skref til sjálfshjálpar í lestri og skrift. 

Þann 21. júní 2011 verður farin hin árlega sumarferð Lífeyrisþegadeildar á jónsmessu. Að þessu sinni verður farið á Þingvelli, síðan ekið til Laugarvatns og í Skálholt þar sem verður fræðsla um staðinn. Þaðan um Reykholt yfir að Flúðum og í Árnes þar sem snæða á kvöldverð. Ferðin kostar kr. 3.500 pr. einstakling. Skráning í s. 525-8340 eða rafrænt hér.

Afmælis- og menningarhátíð BSRB verður haldin í þjónustumiðstöðinni Munaðarnesi laugardaginn 11. júní  n.k. Árlega er haldin menningarhátíð bandalagsins í Munaðarnesi en í ár fagna orlofsbyggðirnar í Munaðarnesi einnig 40 ára afmæli.

Vegna flutninga verður Fræðslusetrið Starfsmennt lokað mið. 25. maí. Öll síma- og tölvusamskipti munu einnig liggja niðri þann dag. Starfsmennt opnar aftur fim. 26. maí, í nýju húsnæði, á 5. hæð í Ofanleiti 2. Nýtt símanúmer, 550-5060, verður tekið í notkun en gamla númerið, 525-8395, verður virkt fram á haust.

SFR-félögum stendur til boða að ganga þessa mögnuðu leið í sumar með fararstjóra. Um er að ræða dagsferð þann 2. júlí. Gangan tekur 10-11 klukkustundir og er við hæfi allra sem eru sæmilega hraustir. Hér er hægt að lesa meira um ferðina og skrá sig.

Þann 14. maí nk. verður Fjöl-menningardagur Reykjavík-urborgar og fjölmenningardagur. Gangan leggur af stað frá Hallgrímskirkju kl. 13 og ýmsar uppákomur og markaður verða í ráðhúsinu og Iðnó. Hér má sjá myndband frá fyrstu Fjölþjóða-göngunni í maí 2009...

Ekki hefur náðst samkomulag um framlengingu á leigusamning varðandi íbúðina í Kaupmanna-höfn. Því er ekki hægt að opna fyrir leigu fyrir septembermánuð að svo stöddu. Auglýst verður á vefnum með fyrirvara þegar niðurstaða næst í málið.

- Kröfuganga og hátíðardagskrá
Göngufólk safnast saman við Alþýðuhúsið kl. 13.30 og gangan leggur af stað kl. 14. Að lokinni göngu verður hátíðardagskrá í HOFI með ræðuhöldum, skemmtidagskrá, kaffiveitingum ásamt því að dregið verður í happdrættinu, en happdrættismiðum verður dreift í göngunni. Sjá nánar hér.

Félagsmenn SFR geta fengið afslátt á margs konar vörum og þjónustu og nýlega bættist Prentlausnir.is við listann en þar er hægt að kaupa rekstrarvörur í prentara og ljósritunarvélar meðal annars umhverfisvænu tónerhylkin Grænagerðin.

Dregnir voru út 10 vinningar sem eru gjafabréf hjá Icelandair að andvirði 50 þúsund krónur hver, og komu vinningar á eftirfarandi númer; 3355,  5543,  9232,  13778,  13780,  32551,  52082,  64379,  64666,  69496.

Skráning stendur yfir á hádegisfróðleik sem verður haldinn 28. apríl kl. 12-12:50 á Grettisgötu 89, 1. hæð.

Á þessu vori verður SFR með vinnuferð í Vaðnes þann 13.-15. maí. Þar koma saman félagsmenn til að endurnýja ýmislegt og dytta að í húsunum, klippa tré, tína rusl á svæðinu o.fl. Skráning hjá Önnu Dóru, á netfanginu dora@sfr.is, sem allra fyrst.

Enn er hægt að skrá sig á námskeiðið að lesa úr launaseðli sem haldið verður á morgun, 12. apríl, kl. 17-18.

Skráning á Verkefnastjórnun - Vinnulag sem virkar er nú í fullum gangi en námskeiðið hefst 26. apríl. Stefnt er að því að bjóða upp á fjarnám á Akureyri, Egilsstöðum og Ísafirði, ef næg þátttaka fæst (3-4 á hverjum stað). Verkefnastjórnun er vinnulag sem nýtist á hvaða starfsvettvangi sem er, ekki síst nú þegar störf okkar og starfsumhverfi taka örum breytingum í takt við almenna samfélagslega þróun.

Skráning stendur yfirá fyrirlestur í fjarfundi um hamingjuna sem haldinn verður 6. apríl kl. 17-18:30. Fjarfundurinn fer fram í Háskólanum á Akureyri, stofu M202 á Sólborg, en er haldinn í BSRB húsinu í Reykjavík, en þar er kominn biðlisti.

Minnum félagsmenn á að frestur til að sækja um orlofshús / orlofsávísun rennur út á miðnætti 23. mars. Smella hér til að fylla út umsókn.

Búið er að framlengja lokafresti til að velja Stofnun ársins og svara launkönnun fram til 23. mars. Þeim sem ekki hafa skilað inn svörum gefst því enn tækifæri til að senda inn svör sín.

Búið er að opna fyrir skattframtöl einstaklinga á vef Ríkis-skattstjóra. SFR vekur sérstaka athygli á því að styrkir úr starfsmenntunarsjóði og styrkur fyrir líkamsrækt úr styrktar- og sjúkrasjóði eru frádráttarbærir. Ef þú hefur fengið slíka styrki þá eru þeir forskráðir á framtalinu en þú verður að færa inn frádráttinn.

Yfir helmingur SFR félaga hefur nú valið Stofnun árs og svarað launakönnuninni, en betur má ef duga skal því áreiðanleiki og gæði könnunarinnar eykst með hverjum þátttakanda. Þeim sem ekki hafa skilað inn svörum er bent á að fresturinn til að senda inn svar hefur verið framlengdur til 18. mars.

Frestur til að skila inn spurningalistanum fyrir Stofnun ársins og launakönnun framlengdur til 15. mars. Miklu skiptir að sem flestir svari, þannig eykst áreiðanleiki og gæði könnunarinnar.

Nú ætti spurningalistinn fyrir Stofnun ársins og launakönnun SFR að hafa borist félagsmönnum. Þeir sem ekki hafa fengið könnunina senda er bent á að hafa samband við Jóhönnu á johanna@sfr.is eða í s. 525-8344.  Við hvetjum ykkur félagsmenn til þess að taka þátt í könnuninni þar sem þátttaka sem flestra eykur gæði og áreiðanleika könnunarinnar.

Orlofsblað SFR er í vinnslu og er stefnt að því að það berist félagsmönnum fyrir lok næstu viku. Umsóknir verða komnar inn á vefinn um leið og orlofsblaðið berst inn um póstlúguna, en hægt verður að sækja um til og með 23. mars. Opnað verður fyrir bókanir í útlöndum 11. mars og fyrir dagleigu 1. apríl.

SFR félagar njóta afsláttarkjara hjá fjölmörgum fyrirtækjum gegn framvísun félagsskírteinis sem ætti að hafa borist í síðustu viku. Hér má nálgast yfirlit yfir afslætti 2011-2013. En á tveggja ára fresti semur félagið við viðkomandi fyrirtæki fyrir hönd félagsmanna.

Námskeið um kryddjurtir sem haldið verður 16. febrúar verður sent í fjarfundi til Akureyrar. Skráning hér.

Félagsmenn eiga næstu daga að fá senda könnunina Stofnun ársins og Launakönnun SFR. Undanfarið hefur verið hringt í félagsmenn og þeir spurðir hvort að þeir vilji fá könnunina senda á tölvupósti eða heim til sín á pappírsformi. Ef félagsmaður hefur ekki fengið könnunina fyrir 15. febrúar þá er um að gera að láta vita í s. 525-8340 eða senda póst á johanna@sfr.is.

Námskeiðið „Vellíðan í vinnu og leik“ fyrir félagsmenn KJALAR og SFR verður haldið 3. feb. kl. 17-20 á Dalvík.
Skráning hér.  Markmiðið með námskeiðinu er að kynna leið til að láta sér líða vel í vinnunni og lífinu almennt  þrátt fyrir erfiðar ytri kringumstæður. Að auka bjartsýni þátttakenda með því að þeir sjái að þeir hafi meiri stjórn á eigin lífi og eigin.

Breyting verður á úthlutunartímabila orlofshúsa í sumar. Úthlutað verður frá 27. maí til 2. sep., en það er 2 vikum skemur en áður. Breytingin er vegna þess að tvær fyrstu vikur sumars voru ekkert sérstaklega vinsælar. Þriðjudaginn 1. feb. mun orlofsvefurinn opna fyrir bókanir fyrir tímabilið fram til 27. maí og þá gildir reglan, fyrstur bókar fyrstur fær. Dagarnir í kringum páska (20.-27. apríl) eru þó undanskyldir, því þeim er úthlutað í sérstakri páskaúthlutun sem kynnt er í SFR blaðinu sem berst félagsmönnum á næstu dögum.

Nýr námsvísir Fræðslusetursins Starfsmenntar er kominn út. Þar er að finna námsleiðir sem í boði eru vorið 2011.

Fræðslusetrið Starfsmennt býður félagsmönnum aðildarfélaga BSRB upp á náms- og starfsráðgjöf, þeim að kostnaðarlausu. Ráðgjöfin nýtist fólki á öllum aldri til að viðra hugmyndir sínar um nám og starfsþróun.