Til félagsmanna

Þau leiðu mistök urðu við framleiðslu vinnutímadagbókar SFR að villa er í ágústmánuð-inum, en hann byrjar á sunnudegi í stað mánudags eins og reyndin er á komandi ári. Þá eru einnig vikurnar rangt uppsettar, en 1. vika ársins byrjar 2. janúar 2011, en ekki 1. janúar eins og stendur í dagbókinni. 

Kjarasamningur SFR og ríkisins rann út 30. nóv. sl. Hér er hægt að skoða hugmyndavinnu fyrir viðræð-urnar og kröfugerð ásamt því að fylgjast með framgangi kjaraviðræðna.

Skráning stendur yfir á námskeiðið Vellíðan í vinnunni sem haldið verður 30. nóv. í Borgarnesi.

Skráning stendur yfir á fyrirlesturinn Lífið eftir þjóðfundinn sem verður 16. nóv. kl. 17-18:30. Þar mun Lárus Ýmir Óskarsson fjalla um hvað er að gerast í samfélaginu eftir hrunið svokallaða  og hverju þjóðfundurinn er að skila okkur.  Ýmsir frjóangar dafna um þessar mundir og skapa vaxtarskilyrði fyrir íslenskt samfélag sem getur leitt okkur inn í óhemju spennandi tíma ef rétt er á haldið.

"Kynbundinn launamunur er meinsemd sem ekki á að sjást í siðuðu samfélagi. Það er engin afsökun til fyrir því að nú, 35 árum eftir að konur lögðu niður störf á kvennafrídaginn 1975 og sýndu þar með fram á mikilvægi sitt í þjóðlífinu, skuli sú meinsemd enn vera við lýði. Það að greiða mismunandi laun fyrir sömu störf eftir kynferði er einfaldlega mannréttindabrot og skammarblettur á íslensku þjóðfélagi."

Lesa má grein Elínar Bjargar Jónsdóttur, formanns BSRB, sem birtist í Morgunblaðinu í dag á vef BSRB.

Sé svo þá er kjörið tækifæri að skrá sig á hádegisfróðleik 28. okt. kl. 12-12:50 þar sem kynning verður á "Vítamín" námskeiðum hjá Hinu Húsinu - sem er tækifæri fyrir unga atvinnuleitendur á aldrinum 18-24 ára. 

Skráning stendur yfir í bók-menntagöngu sem verður farin 20.okt. kl. 17 og er yfirskriftin "Sunnudagskvöld til mánudagsmorgun - kráarrölt í miðbænum". 

Orlofsblað SFR ætti að berast inn á heimili félags-manna á morgun. Í blaðinu, sem er sérstaklega veglegt að þessu sinni, er kynning á orlofsmöguleikum SFR-félaga, auk kynningar á orlofskerfi félagsins og réttindum til orlofstöku. Mikilvægt er að félagsmenn sendi inn umsóknir um orlofshúsin í tíma og passi upp á að velja nokkra möguleika til þess að auka líkur á að fá úthlutað.

Maí kórinn er kór BSRB félaga og er opinn öllum félögum í aðildarfélögum BSRB, vinum þeirra og vandamönnum. Kórfélagar hittast einu sinni í viku á þriðjudagskvöldum kl. 20:15 í BSRB húsinu, Grettisgötu 89, og syngja saman fjölbreytt lög undir styrkri stjórn Svövu Kristínar Ingólfsdóttur. Í hópnum er vant söngfólk og óvant, bæði karlar og konur. - Allir eru velkomnir.