Til félagsmanna

Hið árlega jólaball SFR og St.Rv. verður haldið þriðjudaginn 29. desember kl. 16 í Súlnasal Hótel Sögu. Hægt er að kaupa miða á skrifstofu SFR. Miðinn kostar 600 kr., sem er sama verð og í fyrra.

SFR býður félagsmönnum sínum og fölskyldum þeirra á glæsilega afmælishátíð í Háskólabíói laugardaginn 21. nóvember næstkomandi kl. 15:00, í tilefni af 70 ár afmæli félagsins. Á dagskránni verða fjölbreytt atriði fyrir alla fjölskylduna. Miða þarf að sækja á skrifstofu félagsins fyrir 19. nóvember.

Septemberhefti SFR blaðsins hefur nú verið dreift til félagsmanna. Meðal efnis að þessu sinni er niðurstöður launakönnunar SFR 2009, dagskrá Gott að vita  námskeiðanna, kjarasamningur félagsins, fréttir af orlofsmálum, svo eitthvað sé nefnt. SFR blaðið er einnig á rafrænu formi hér á síðunni.

Þetta sumar var ferðinni heitið á Reykjanesið. Þátttakendur voru 107 LSFR-félagar, auk fararstjóranna Harðar Gíslasonar og Gylfa Guðmundssonar og einnig voru þær Guðlaug Hreinsdóttir, Elín Brimdís Einarsdóttir og Sigrún Geirsdóttir með í för, sem fulltrúar SFR. Ekið var um Reykjanes og margt skoðað. Meðal annars var komið við hjá útsýnishólunum í Innri Njarðvík, í Duus-húsi og bátasafninu, í glerverksmiðju og kertagerð, Reykjanesvita Útskálakirkju og Strandarkirkju svo fátt eitt sé nefnt. Ferðin þótti takast með eindæmum vel en henni lauk með kvöldverði í Skíðaskálanum í Hveradölum.

Vegna almennra anna félagsmanna og væntanlegra vorverka hefur verið ákveðið að fresta kórstarfi fram á haust. Þeir sem hafa áhuga á að syngja með kórnum í haust eru beðnir um að skrifa Sólveigu á skrifstofu SFR solveig@sfr.is eða Guðmundi Garðari gumgar@simnet.is og bæta sér á ört stækkandi lista áhugasamra. Eftir þeim lista verður síðan boðað á kóræfingu upp úr miðjum ágúst næstkomandi.

Fyrsti maí er alþjóðlegur baráttudagur verkalýðsins. Árið 1889 hittust fulltrúar (annarra) alþjóðasamtaka kommúnista á ráðstefnu í París, í tilefni af því að hundrað ár væru liðin frá því að Parísarbúar tóku Bastilluna. Þar var ákveðið að gera fyrsta maí að baráttudegi hreyfingarinnar. Þessi tiltekni dagur var valinn meðal annars til að minnast blóðbaðsins á Haymarket í Chicago í Bandaríkjunum þremur árum áður. Á Íslandi var fyrsta kröfugangan á fyrsta maí gengin 1923.

Dagskrá 1. maí í Reykjavík

Safnast saman á Hlemmi frá kl. 13.00 – 13.30.  Sigtryggur Baldursson og Parabólurnar verða með slagverkskonsert þar til gangan leggur af stað. Lúðrasveit verkalýðsins og Lúðrasveitin Svanur hefja göngu niður Laugarveginn kl. 13.30. Á leið göngunnar niður Laugarveginn verða örræður fluttar. Ræðumenn leggja út af ávarpi dagsins.
Göngunni lýkur á Austurvelli þar sem baráttufundurinn verður haldinn.

Ársskýrsla SFR er komin út og hefur verið dreift til félagsmanna. Í ársskýrslunni er starfsemi SFR á tímabilinu 2008-2009 rakin í máli og myndum.

Vegna mistaka geta þeir félagsmenn sem eiga alnafna eða alnöfnur í félaginu átt von á því að fá sent fleira en eitt félagsskírteini. Þeir sem það gera eru vinsamlegast beðnir um að endursenda þau á skrifstofu félagsins, Grettisgötu 89, 105 Reykjavík. Af sömu örsökum gætu því einhverjir ekki enn hafa fengið sín félagsskírteini í hendur en ráðið verður bót á því og skírteini þeirra verða send út eftir tvær vikur.  Frekari upplýsingar gefur Sólveig Jónasdóttir fræðslustjóri, solveig@sfr.is

SFR stéttarfélag hvetur félagsmenn til að hafa samband við kjarasvið SFR ef upp koma spurningar eða álitamál vegna réttinda starfsmanns.  

Síminn er 525-8340 og netfangið sfr@sfr.is