Fréttir

Samband íslenskra sveitarfélaga, samgönguráðuneytið og félags- og tryggingamálaráðuneytið standa að málþingi um flutning þjónustu við fatlaða frá ríki til sveitarfélaga miðvikudaginn 20. maí 2009. Fundarstaður er Hilton Hótel Nordica og fundartími er frá kl. 10:00 til kl. 15:30. Markmið málþingsins er að leiða saman faghópa, sveitarstjórnarmenn, aðra hagsmunaaðila og áhugafólk um þjónustu við fatlaða og félagsþjónustu almennt og skapa vettvang til skoðanaskipta um framkvæmd tilfærslu á þjónustu við fatlaða frá ríki til sveitarfélaga í samræmi við viljayfirlýsingu aðila frá 13. mars. 2009. 

Málþingið hefst með stuttum ávörpum og almennir kynningu. Málþingið starfar í fimm málstofum og lýkur með pallborðsumræðu.  Málstofur fjalla um eftirtalda efnisflokka: Aðferð við tilfærsluna -  framtíðarsýn félagsþjónustu - myndun þjónustusvæða - starfsmannamál -  mat á þörf fatlaðra fyrir þjónustu. Þátttökugjald er 5.000 kr. fyrir manninn. Hádegisverður og aðrar veitingar eru innifaldar í þátttökugjaldi. Skráning þátttöku er á heimasíðu Sambands íslenskra sveitarfélaga - http://www.samband.is/.

DAGSKRÁ:
10:00 - 10:10 Samgönguráðherra setur málþingið.

10:10 - 10:25 Ávarp félags- og tryggingamálaráðherra.

10:25 - 10:40 Ávarp formanns Sambands íslenskra sveitarfélaga.

10:40 - 11:00 Sigurður Helgason ráðgjafi kynnir verkefnaflutninginn.

11:00 - 11:10 Kaffihlé.

11:10 – 12: 30 MÁLSTOFUR/VINNUHÓPAR

MÁLSTOFA A Aðferð við tilfærslu málaflokksins
• Hvaða aðferð á að beita við tilfærslu þjónustu við fatlaða til sveitarfélaga?
• Hver eru helstu úrlausnarefni?
• Hvernig skal fara með einstök mjög kostnaðarsöm tilvik?
• Hverjar eru faglegar og fjárhagslegar forsendur sveitarfélaga til að taka að sér þjónustu við fatlaða?
• Hvernig ætti að standa að fjármögnun og jöfnunaraðgerðum?
• Hvernig er hægt að endurskoða jöfnunarkerfið?

MÁLSTOFA B Framtíðarsýn félagsþjónustu
• Hvaða framtíðarsýn hafa sveitarfélög, starfsmenn og notendur um félagsþjónustu við íbúa? Hvernig verður hún raungerð?
• Hvaða tækifæri og ógnanir felast í tilflutningi verkefna?
• Hvernig er hægt að standa að samþættingu félagsþjónustu og endurmótun þjónustu?
• Hvernig er hægt að bæta þjónustu við notendur?
• Hvernig verður eftirliti háttað?
• Hversu ríkt sjálfræði eiga sveitarfélögin að hafa um framkvæmd?
• Hvert verður hlutverk ráðuneytis eftir tilfærsluna?

Stjórnandi málþingsins er Sigrún Björk Jakobsdóttir, bæjarstjóri.

Allar nánari upplýsingar er að finna á netinu hjá:
Sambandi ísl. sveitarfélaga  - http://www.samband.is/,
félags- og tryggingamálaráðuneyti -  http://www.felagsmalaraduneyti.is/,
samgönguráðuneyti - http://www.samgonguraduneyti.is/