Fréttir

- Eingreiðsla til félagsmanna vegna fæðingar barns
Sú breyting verður nú um áramótin að Styrktar- og sjúkrasjóður SFR greiðir út styrk til félagsmanna sinna vegna fæðingar barns sem Fjölskyldu- og styrktarsjóður BSRB hefur séð um fram til þessa. Um er að ræða fæðingarstyrki til foreldra og eru styrkirnir jafnháir til karla og kvenna en hliðsjón höfð af starfshlutfalli.

Alþýðusamband Íslands og Bandalag starfsmanna ríkis og bæja lýsa yfir algerri andstöðu við þær tillögur sem forystumenn ríkisstjórnarinnar hafa sett fram um breytingar á eftirlaunum ráðamanna. Eftirlaunafrumvarpið olli miklu ósætti og djúpstæðri reiði meðal íslensku þjóðarinnar þegar það var sett fram árið 2003. ASÍ og BSRB krefjast þess að Alþingi afnemi þegar forréttindi ráðherra, alþingismanna og æðstu embættismanna í lífeyrismálum og að sett verði lög um að þau verði þau sömu og hjá öðrum opinberum starfsmönnum.

Jólablað SFR blaðsins er í pökkun þessa stundina þar sem vinnutímabók fylgir með að venju, en blaðið verður sent út jafnóðum og það er tilbúið og ætti að berast í þessari viku. Í blaðinu fjallar Árni St. Jónsson, formaður SFR, um kjarabaráttuna framundan og samstarf aðila vinnu-markaðarins. Einnig er grein eftir Einar Árnason um skattamál og Þorbjörn Broddason skrifar um stöðu fjölmiðla. Þá er bóka- og hljómdiskaumfjöllun og sagt frá úrslitum í smásögusamkeppninni svo eitthvað sé nefnt.

SFR stóð fyrir smásögusamkeppni meðal félags-manna nú á haustdögum sem auglýst var í SFR blaðinu. Alls bárust 18 sögur í samkeppnina en það var samdóma álit dómnefndar að 1. sætið hlyti sagan Í rökkrinu, sem Þorgerður Mattía Kristiansen, starfsmaður Svæðisskrifstofu um málefni fatlaðra í Reykjavík, skrifaði. Þá ákvað dómnefndin að sagan Þessar hendur, eftir Kristínu R. Gunnarsdóttur, starfsmann Fangelsismálastofnunar, skyldi hljóta 2. sætið.

Launamálaráð hittist 10. desember sl. til að fara yfir stöðu mála varðandi kjarasamninga. Árni St. Jónsson, formaður SFR, fór yfir helstu forsendur þess að nú er kallað eftir samráði verkalýðs-hreyfingarinnar um þjóðarsátt. Margir tóku til máls þegar að umræðum kom.

Atvinnuleysistryggingasjóður tæmist í október á næsta ári gangi spár Vinnumálastofnunar eftir. Þetta kom fram í erindi Gissurar Péturssonar forstjóra Vinnumálastofnunar á opnum fundi sem BSRB hélt í gær. Auk Gissurar flutti Gylfi Dalmann dósent við Háskóla Íslands erindi um íslenska vinnumarkaðinn.

Opinn fundur verður á vegum BSRB á morgun, 11. desember, kl. 16:30 - 18:00 í BSRB - húsinu Grettisgötu 89. Yfirskrift fundarins er „Vinnumarkaðurinn og atvinnuhorfur framundan." Framsögur hafa Gylfi Dalmann dósent við Háskóla Íslands og Gissur Pétursson forstjóri Vinnumálastofnunar.

Á fund trúnaðarmannaráðs SFR, 4. des. sl., mætti Silja Bára Ómarsdóttir og fjallaði um jafnrétti í kreppu. Þá var einnig til umfjöllunar nýleg skýrsla um skattbyrði, tengslanet trúnaðarmanna og þeir kjarasamningar sem framundan eru.

Opinn fundur BSRB um framtíðarþróun efnahagsmála á Íslandi var afar fróðlegur. Gylfi Zoëga prófessor við Háskóla Íslands og Jón Þór Sturluson aðstoðarmaður viðskiptaráðherra ræddu aðdraganda kreppunnar og þá kosti sem væru í stöðunni til að vinna sig út úr henni en þar skiptir peningastefnan höfuðmáli.

Opinn fundur verður á vegum BSRB á morgun fimmtudag 4. desember kl. 16:00 - 17:30 í BSRB - húsinu Grettisgötu 89. Yfirskrift fundarins er Framtíðin - með eða án krónu. Framsögu hafa Gylfi Zoëga, prófessor við Háskóla Íslands, og Jón Þór Sturluson, aðstoðarmaður viðskiptaráðherra.

Skráning er hafin á hádegisfróðleik fyrir félagsmenn þann 4. des. nk. kl. 12-12:50. Það er Gunnar Hersveinn, rithöfundur og heimspekingur, sem heldur fyrirlestur sem hann byggir á nýútkominni bók sinni Orðspor-gildin í samfélaginu, en þar fjallar hann um hvernig einstaklingar geta lagt öðrum lið og tekið þátt í að bæta samfélag sitt. Nauð-synlegt er að áhugasamir skrái sig HÉR þar sem boðið er upp á samloku og drykk.

Í gær skrifaði SFR undir samkomulag við Reykjavíkurborg um breytingu og framlengingu á kjarasamningi aðila, fyrir þá félagsmenn sem starfa hjá Reykjavíkurborg. Meginatriði samkomulagsins er að frá 1. nóvember sl. hækka dagvinnulaun allra um 20.300 krónur.

Ákveðið hefur verið að blása til Þjóðfundar á Arnarhóli þann 1. desember næstkomandi. Það er Borgarahreyfing um Þjóðfund 1. des. sem stendur á bak við Þjóðfundinn sem hefst kl. 15 og hefur hreyfingin hvatt samtök launþega að vekja athygli félagsmanna sinna á fundinum. 

- Styrkur frá SFR, BSRB og Félagi umsjónarmanna
Árni St. Jónsson afhenti í dag Ragnhildi Guðmundsdóttur, formanni Mæðrastyrks-nefndar, og Margréti K. Sigurðardóttur, fjármálastjóra nefndarinnar, styrk sem stjórn SFR samþykkti að veita nefndinni. Einnig afhenti Ögmundur Jónasson styrk frá BSRB og Sigurður Ingi Georgsson styrk frá Félagi umsjónarmanna hjá ríkisstofnunum. 

Fundur BSRB með fulltrúum viðskiptabankanna var mjög fróðlegur og upplýsandi um það hvernig bankarnir hyggjast bregðast við greiðsluvanda viðskiptavina sinna vegna efnahagsástandsins í landinu. Yfirskrift fundarins var „Hvað gerir bankinn fyrir þig?" og bentu frummælendur á þau úrræði sem í boði eru og fyrirhuguð eru á næstunni.

Vakin er athygli á því að laust er í Vaðnesi núna um helgina og einnig í Hamratúni á Akureyri. Þá er húsið í Kjarnabyggð á Akureyri laust um næstu helgi.

Verið var að senda nýjum félagsmönnum frá því í nóvember og þeim sem sérstaklega hafa óskað eftir því félagsskírteini og afsláttarhefti SFR. Hvoru tveggja rennur út um áramótin en ákveðið var að senda það samt út til að hægt væri að nýta afslættina nú í desember. Jafnframt hefur verið ákveðið að endurnýja afsláttarheftið og félagsskírteinið þar sem skoðanakönnun meðal félagsmanna sýnir að tæpur helmingur félagsmanna nýtir sér afsláttarheftið.

Opinn fundur verður á vegum BSRB á morgun mið. 26. nóv. kl. 16:30-18 í BSRB húsinu. Á fundinum munu fulltrúar viðskiptabankanna kynna úrræði sem þeir bjóða viðskipta-vinum sínum upp á til að mæta áföllum heimilanna vegna efnahagsástandsins.

Fjölmenni sótti útifund BSRB, Félags eldri borgara í Reykjavík, Landssamtakanna Þroska-hjálpar og Öryrkjabandalags Íslands, á Ingólfs-torgi síðdegis í gær. Á fundinum var samþykkt ályktun þar sem skorað er á stjórnvöld að beita öllum tiltækum ráðum til að verja velferðarkerfið sem byggt hefur verið upp af almenningi á undanförnum áratugum. Þegar kreppi að í samfélaginu sé mikilvægt að beita velferðarkerf-inu til jöfnunar. Áralangri baráttu fyrir réttlátu þjóðfélagi megi ekki kasta á glæ.

BSRB mótmælir ákvörðun ríkisstjórnarinnar um flatan 10% niðurskurð á velferðarkerfinu og telur það fráleitt á þeim samdráttartímum sem framundan eru.

Stjórn BSRB krefst lækkunar raunvaxta og endurskoðunar á vísitölugrunni auk aðgerða til að aðstoða fólk með vísitölubundin lán í því verðbólguskoti sem spáð er á næstunni.

Opinn fundur BSRB um kosti og galla verðtryggingar var vel sóttur og sköpuðu erindi Ingólfs H. Ingólfssonar félagsfræðings og Péturs H. Blöndal alþingismanns líflegar umræður. Hægt er að nálgast upptöku af fundinum HÉR á vef BSRB.

Opinn fundur verður haldinn á vegum BSRB á morgun, fimmtudaginn 20. nóvember, kl. 16:30 - 18:00 í BSRB - húsinu Grettisgötu 89. Á fundinum verður fjallað um kosti og galla verðtryggingar og hvort æskilegt sé að afnema hana tímabundið eða til langframa.

Morgunverðarfundur verður haldinn miðvikudaginn 19. nóvember 2008 kl. 8.30 -10:00 á Grand hóteli í Reykjavík, salur Háteigur B, þar sem fjallað verður um stöðu miðaldra og eldra fólks nú þegar þrengir að á vinnumarkaði. Á fundinum munur þrír frummælendur fjalla um sérstöðu hópsins í þróun og ástandi samtímans. Morgunverður framreiddur frá kl. 8:00. Allir velkomnir.

Í nýútkomnu Veffréttabréfi Starfsmenntar er fjallað um að Starfsmenntaverðlaunin sem Starfsmennt fékk fyrir Járnsíðu eru setrinu hvatning til að halda áfram að bjóða ríkisstarfsmönnum upp á hágæða starfstengda símenntun um allt land og veita heildstæða þjónustu á sviði starfsþróunar. Einnig er minnt á nokkur spennandi námskeið framundan og að undirbúningur fyrir nám á næsta ári er hafinn.

Nóvemberfundur trúnaðarmannaráðs SFR var haldinn í gær. Á fundinum ræddi Elín Jónasdóttir um sálrænan stuðning og hvernig við getum staðið við bakið á hvort öðru í þeirri stöðu sem ríkir í samfélaginu núna. Í framhaldi af fyrirlestrinum unnu trúnaðarmenn í hópum þar sem hlutverk SFR var rætt, staða fjölskyldunnar og trúnaðarmanna sem fulltrúa stéttarfélagsins á vinnustöðum um land allt.

Í nýútkomnu dreifibréfi BSRB er meðal annars fjallað um stöðuna á vinnumarkaði. Þar kemur fram að ljóst er að mikil umskipti verða á vinnumarkaði á næstu misserum. Atvinnuleysi er nú þegar byrjað að aukast nokkuð og mældist samkvæmt tölum frá Vinnumálastofnun um 1,9% í október síðastliðnum. Það jafngildir því að um 3.100 manns hafi verið án atvinnu.  

Undirritaður hefur verið samningur á milli BSRB og Nýja tölvu- og viðskiptaskólans um afsláttakjör fyrir BSRB félaga, þar á meðal SFR félaga, og sérstök námskeið í Office 2007 tölvuforritum, sem er nýjasta uppfærsla af algengustu forritum fyrir PC-tölvur.

Í dag bauð SFR og St.Rv. upp á fyrirlestur í hádeginu fyrir félagsmenn um líðan í vinnunni á óvissu-tímum. Fyrirlesari var Ingibjörg Lilja Ómarsdóttir, frá Rannsóknastofu í vinnuvernd. Hún fjallaði um líðan í vinnu, áhættuþætti og hvernig bæta megi líðan starfsmanna. Góðar umræður sköpuðust á fund-inum. HÉR er hægt að nálgast glærur frá fyrirlestrinum.

Opinn fundur BSRB um efnahagsþrengingar og kreppur sem gengu yfir Færeyjar og Finnland snemma á 10. áratug síðustu aldar var vel sóttur og góður rómur gerður að erindunum sem Gunvør Balle sendiherra Færeyja á Íslandi og Sigurbjörg Árnadóttir framkvæmdastjóri héldu. Framsöguerindin fjölluðu um orsakir hrunsins hjá þessum þjóðum, hvernig ástand skapaðist og hvernig þær unnu sig út úr kreppunni.

 

- fáein laus pláss 11. - 12. nóvember
Vegna veikindaforfalla eru fáein pláss laus á síðasta samningatækninámskeið fyrir konur nú á haustönn. En það er haldið 11. og 12. nóv. kl. 16.30 - 19.30. Skráning á HÉR.

Formaður SFR, Árni St. Jónsson, tók við verð-laununum fyrir hönd Fræðslusetursins Starfs-menntar, en hann er einnig formaður setursins
Það var forseti Íslands, Ólafur Ragnar Grímsson, sem afhenti Starfsmenntaverðlaunin. Vinnings-hafar voru í flokki skóla og fræðsluaðila Fræðslusetrið Starfsmennt fyrir verkefnið Járnsíða, sem unnið var í samvinnu við Sýslumannafélag Íslands. Í flokki fyrirtækja Samskip hf. fyrir metnaðarfullt og fjölbreytt fræðslustarf fyrir starfsfólk sitt. Fjölmargir félagsmenn SFR hafa sótt Járnsíðunámið og sumir tekið þátt í vinnu í stýrihópum sem móta og hanna námið og verðlaunin félaginu því mikið ánægjuefni.

- Flytja á reksturinn á sambýlum geðfatlaðra
Í gær hélt SFR fund með félagsliðum, ráðgjöfum og stuðningsfulltrúum, um þjónustusamning ríkisins við Reykjavíkurborg vegna reksturs sambýla fyrir geðfatlaða. Tilefni fundarins var að ríkið ætlar sér að flytja þennan málaflokk yfir til Reykjavíkurborgar á grundvelli þjónustusamnings og á fundinum voru starfsmenn umræddra sambýla. Fjölmargar spurningar vöknuðu um framkvæmdina ...

Fjölmenni var á opnum fundi BSRB um skulda-stöðu heimilanna og úrræði sem ákveðið hefur verið að grípa til vegna hækkandi lána. Að loknum stuttum framsögum var opnað fyrir spurningar úr sal og sköpuðust líflegar og mjög fróðlegar umræður við það.

Lífeyrissjóðir og aðrir aðilar sem tekið hafa við greiðslum í séreignarsjóði hafa á undanförnum dögum gefið út yfirlýsingar um sjóðina sem rétt er að benda á. Samkvæmt upplýsingum frá lífeyrissjóðunum hefur öllum innborgunum vegna viðbótarlífeyrissparnaðar verið ráðstafað með öruggum hætti frá því að fjármálamarkaðir lokuðu í byrjun október þannig að ávöxtun þeirra er tryggð.

- Stuðningsfulltrúar og félagsliðar hjá SSR sem vinna á sambýlum fyrir geðfatlaða.
Áríðandi fundur um flutning á rekstri sambýla fyrir geðfatlaðra frá Svæðisskrifstofu málefna fatlaðra í Reykjavík (SSR) til Reykjavíkurborgar verður haldinn fimmtudaginn 6. nóvember kl. 16:15, í BSRB húsinu, Grettisgötu 89, 1. hæð. Mikilvægt  er að sem flestir stuðningsfulltrúar og félagsliðar á fyrrnefndum vinnustöðum mæti á fundinn.

Opinn fundur verður á vegum BSRB á morgun miðvikudaginn 5. nóvember kl. 16:30 - 18:00 í BSRB - húsinu,  Grettisgötu 89. Á fundinum verður fjallað um skuldastöðu heimilanna og úrræði sem ákveðið hefur verið að grípa til vegna hækkandi lána. Framsögu hafa ...

Í nýútkomnu SFR-blaði er grein eftir Ragnar Önundarson þar sem hann fjallar um efnahagskreppuna og leiðir rök að því að ójöfnuður leiðir til ófarnaðar. Einnig skrifar Ögmundur Jónasson um atburði síðustu vikna og horfir fram á veginn. Þá er þess minnst að blaðaútgáfa SFR á nú um þessar mundir 50 ára afmæli. Birtur er samanburður á kjörum félagsmanna SFR og VR sem er byggður á launakönnununum félaganna, en þær voru birtar í september síðastliðnum.   

Frá árinu 1993 til ársins 2007 hefur meðalhlutfall í tekjuskatti einstaklinga hækkað um rúmlega fimmtung og skattbyrði aukist mest í lægri tekjuhópunum. Þetta er ein af niðurstöðum í skýrslu nefndar á vegum fjármálaráðuneytisins sem hafði meðal annars það hlutverk að fara yfir íslenska skattkerfið. Nefndin lauk störfum 11. september ...

- Formaður og framkvæmdastjóri SFR funda með fangavörðum

Í gær heimsóttu Árni St. Jónsson formaður SFR og Þórarinn Eyfjörð framkvæmdastjóri fangelsið að Litla-Hrauni. Margrét Frímannsdóttir forstjóri bauð til þessarar heimsóknar til að kynna forsvarsmönnum félagsins stöðu mála innan fangelsisins og þá starfsemi sem þar fer fram. Eftir skoðunarferð um fangelsið þá var fundað með fangavörðum. Farið var yfir síðustu kjarasamninga og væntingar í kjölfar þeirra. Horfur í dag eru mun verri en menn ætluðu þegar gengið var frá þeim samningum. Einnig var rætt um lífeyrismál og önnur réttindamál.

- laust á námskeið á Akureyri og í Reykjavík
SFR, Stavey og Impra á Nýsköpunarmiðstöð Íslands buðu upp á námskeið í samningatækni fyrir konur í Vestmannaeyjum á laugardaginn 25.október síðastliðinn. Alls tóku 12 konur þátt í námskeiðinu í Eyjum og tókst námskeiðið afskaplega vel. Farið var í gegnum fjölda atriða sem lúta að samningatækni fyrir konur og þátttakendur unnu að ýmsum úrlausnarefnum á námskeiðinu. Samskonar námskeið verður haldið á Akureyri 1. nóv. nk. og í Reykjavík 11.-12. nóv.

Stjórn BSRB og jafnréttisnefnd bandalagsins mótmæla harðlega ákvörðun ríkisstjórnarinnar, sem kynnt var 21. október sl., að fresta fyrirhuguðu jafnréttisþingi sem dagsett hafði verið 7. nóvember næstkomandi. Í yfirlýsingu frá félags- og tryggingamálaráðuneyti segir að ólíklegt sé „að jafnréttisþingið nái markmiðum sínum í því óvissuástandi sem nú ríkir í efnahagsmálum þjóðarinnar, þar sem fjölmargir þeirra sem ráðuneytið vill virkja ...

Árni St. Jónsson, formaður SFR, Þórarinn Eyfjörð, framkvæmdastjóri og Alma Lísa Jóhannsdóttir, þjónustufulltrúi trúnaðarmanna, eru á ferðalagi um landið til að hitta félagsmenn á vinnustaðafundum. Á fundunum hafa skapast góðar umræður um málefni félagsins. Ljóst er að félagsmenn okkar leggja mikla áherslu á orlofsmálin og telja mikilvægt að SFR haldi áfram að vera með orlofshús/íbúðir um allt land.

Fræðslusetrið Starfsmennt var að senda frá sér nýtt veffréttabréf þar sem nýtt nám í nóvember er kynnt. Boðið er upp á nám í mannauðsstjórnun fyrir millistjórnendur og námskeið um nýtt námsumhverfi á netinu. Einnig er vakin athygli á því að opnað hefur verið fyrir skráningar á starfsnám stuðningsfulltrúa sem hefst á næsta ári, en það verður einnig fjarkennt á Ísafirði og Egilsstöðum.

Á haustdögum ákvað stjórn orlofssjóðs að leita eftir húsnæði í Kaupmannahöfn sem þjónaði betur þörfum félagsmanna, til að mynda varðandi aðgengi en nokkuð hafði verið um kvartanir enda þáverandi íbúð upp á 5. hæð og engin lyfta. Eftir nokkra eftirgrennslan fannst íbúð úti á Amager, nánar tiltekið við Hollænderdybet 30 í nýuppgerðu lyftuhúsi og er íbúðin á 4. hæð. SFR flutti frá Ravnsborg Tværgade þann 19. september sl. og hefur nýi staðurinn mælst vel fyrir.

Orlofsvefur SFR er kominn í lag.

Orlofsvefur SFR liggur niðri í augnablikinu, unnið er að lagfæringu.

Aðalfundur BSRB hafnar því að almennt launafólk beri allan herkostnað af bruðli og óhófi undangenginna ára. Þá krefst fundurinn ítarlegrar rannsóknar sem leiði í ljós hverjir eru ábyrgir fyrir skuldsetningu bankakerfisins og þar með þjóðarinnar. Einnig þarf að upplýsa um hvernig þessum fjármunum hefur verið ráðstafað í einkaþágu gæslumanna fjárins. Þetta kemur fram í ályktun aðalfundar BSRB sem haldinn var 17. október sl., en ályktunin ber yfirskriftina Styrkjum innviðina - sannleikann í ljós.

Ráðstefna Vinnuverndarvikunnar 2008 sem ber heitið Bætt vinnuumhverfi betra líf - Áhættumat og forvarnir eru leiðin verður haldin á Grand Hóteli, Gullteigi, þriðjudaginn 21. októer frá kl. 13-16. Allir velkomnir. Sjá nánar um vinnuverndarvikuna HÉR.

Hádegisfróðleikur um vinnuvernd sem vera átti mán. 20. október fellur því miður niður.

Samningatækni fyrir konur er eitt af Gott að vita námskeiðunum sem í boði eru nú á haustönn. Eitt slíkt námskeið var haldið fyrr í október og voru þátttakendur afar ánægðir að því loknu. Tvö til viðbótar verða 21.-22. okt. og 11.-12. nóv. Þá eru einnig laus pláss á Tjáning í töluðu máli og á Stafgöngunámskeið.

- Áhættumat og forvarnir eru leiðin
Hádegisfróðleikur verður haldinn mánudaginn 20. október kl. 12 til 12:50. Skráning HÉR. Áhættumat er þema vinnuverndarvikunnar að þessu sinni en hún stendur yfir 20. - 24. okt. og af því tilefni verður fjallað um áhættumat fyrir vinnustaði...

Möndull nefnist námskrá fyrir endur- og símenntun starfsmanna Landspítala sem eru félagsmenn meðal annars í SFR. Fjölbreytt námskeið eru í boði á haustönn og hefst það fyrsta 27. október og ber heitið Fjölþjóðlegur vinnustaður. Skráning stendur yfir.

Vinnueftirlitið og Rannsóknastofa í vinnuvernd benda á að þau efnahagslegu áföll sem nú dynja á íslensku þjóðinni komi við okkur öll og hafi áhrif á líðan okkar. Þær aðstæður sem nú hafa skapast gera að verkum að áhyggjur okkar beinast að mörgum þáttum og áhyggjurnar eru með okkur hvort sem við erum heima eða í vinnunni. Mikilvægt sé að vinna að forvörnum og stuðla að góðu og uppörvandi andrúmslofti með jákvæðum samskiptum.

Nýgerður kjarasamningur SFR stéttarfélags í almannaþjónustu og Matís ohf. er gildir frá 1. maí 2008 - 31. desember 2010 hefur verið samþykktur af félagsmönnum SFR.

17 voru á kjörskrá, 10 greiddu atkvæði. Samningurinn var samþykktur með 90% greiddra atkvæða.

Stjórn BSRB hefur fylgst grannt með þróun mála undanfarna daga og haldið tvo stjórnarfundi frá því að ljóst var að íslenskir bankar stæðu frammi fyrir verulegum erfiðleikum sem síðan leiddu til hruns bankakerfisins. Ögmundur Jónasson formaður BSRB segir ljóst að lífeyrissjóðirnir hafi orðið fyrir miklum búsifjum vegna hrunsins.

SFR hvetur félagsmenn til að taka þátt í Jafnréttisþingi 2008 sem félags- og tryggingamálaráðuneytið og Jafnréttisráð boða til 7. nóvember næstkomandi að Hótel Sögu frá klukkan 9 til 17.

Á fundi trúnaðarmannaráðs SFR sem var haldinn í gær var fjallað um konur, örorku og hindranir á vinnumarkaði.  Einnig var sagt frá vinnu í framkvæmdanefnd um starfsendurhæfinu. Þá var farið yfir hvað væri framundan hjá SFR og þar litaðist umræðan af stöðu efnahagsmála.

Síðast liðinn þriðjudag áttu Árni St. Jónsson, formaður SFR, Þórarinn Eyfjörð, framkvæmdastjóri , félagsins, stjórnarmenn og starfsfólk skrifstofu SFR mjög góðan morgunverðarfund með félagsmönnum. Farið var yfir þjónustu og starfsemi SFR, og hugmyndir að nýjungum. Markmið með þessum fundum er að auka tengsl milli stjórnar SFR og félagsmanna, ásamt því að stuðla að meiri samheldni og virkni innan félagsins. Á fundinum sköpuðust góðar umræður.

SFR og Matís hafa skrifað undir nýjan kjarasamning. Matís varð að opinberu hlutafélagi 1. janúar 2007 með sérstökum lögum og heyrði fyrirtækið því ekki lengur undir þau lög sem opinberar stofnanir og starfsmenn þeirra heyra undir. Matís er aðili að Samtökum atvinnulífsins og því var nauðsynlegt að gera nýjan kjarasamning við fyrirtækið í þessu breytta umhverfi. Samningurinn gildir frá 1. maí 2008 til 31. desember 2010 með endurskoðunarákvæði sambærilegum þeim sem samnið var um á almennum markaði í byrjun árs.

Vika símenntunar verður 22.-28. september 2008. Markmið viku símenntunar er að auka símenntun í atvinnulífinu og hvetja fólk til að leita sér þekkingar alla ævi. Í viku símenntunar 2008 er lögð áhersla á fræðslu í fyrirtækjum og sem fyrr að ná til þeirra sem hafa litla formlega menntun.

Geta eldri starfsmenn verið lykillinn að velgengni fyrirtækja? Þessi spurning verður rædd og reifuð á málþingi á vegum Verkefnisstjórnar 50+ sem haldið verður í Ketilshúsi á Akureyri fimmtudaginn 25. september milli klukkan 13 og 16.

Í 6. tbl. SFR blaðsins á þessu ári er fjallað um niðurstöður úr nýrri launakönnun SFR. Dagskrá Gott að vita námskeiðanna er kynnt og minnt á fjölbreytt námsframboð hjá Fræðslusetrinu Starfsmennt en hvoru tveggja er án endurgjalds fyrir SFR félaga. Ný launatafla SFR og ríkisins er birt og fjallað um hvaða kjarasamningum er lokið og hvað er framundan í þeim málum. Þá er sagt frá því að ritnefnd SFR stendur fyrir smásagnasamkeppni og að BSRB stendur fyrir starfslokanámskeiði.

- einnig 20% launamunur milli starfsmanna ríkisins og starfsmanna á almennum markaði

Á fundi trúnaðarmanna, sem haldinn var í dag, voru niðurstöður úr nýrri launakönnun SFR kynntar. Einnig var kynntur samanburður milli SFR og VR félaga. Þegar félagsmenn þessara stéttarfélaga eru skoðaðir þá kemur fram að starfsmenn ríkisins eru að meðaltali með 20% lægri laun en starfsmenn almenna markaðarins þegar sambærilegar stéttir eru skoðaðar. Trúnaðarmannaráð SFR gerir þá sjálfssögðu kröfu, að launamunur milli starfsmanna ríkisins og starfsmanna á almennum markaði verði leiðréttur. Nálgast má glærur af kynningunni HÉR.

SFR birtir í annað sinn launakönnun félagsins meðal félagsmanna SFR. Launakönnunin miðaðist við 1. febrúar 2008. Launakönnunin gefur ítarlegar upplýsingar um kaup og kjör ríkisstarfsmanna og mögulegt er nú  í fyrsta sinn að gera samanburð á milli ára á launaþróun félagsmanna SFR. Niðurstaða könnunarinnar er sláandi þegar kemur að launamuni kynjanna sem eykst um 3% milli ára. Grunnlaun félagsmanna SFR hafa hækkað um 14% og heildarlaun hafa hækkað um 11% á milli áranna 2007 og 2008.  Á sama tíma hefur launavísitala Hagstofunnar fyrir opinbera starfsmenn hækkað um 6,1%.  Hækkunin hjá félagsmönnum SFR er því töluvert meiri en almennt hjá opinberum starfsmönnum á tímabilinu.

Þeir félagsmenn sem hug hafa á að dvelja í orlofshúsum SFR yfir jól og áramót þurfa að huga að bókun orloshúsa fljótlega, en búið er að opna fyrir bókanir fram yfir áramót.

- niðurstöður úr launakönnun SFR 2008 verða birtar 11. september

Rúmur helmingur félagsmanna eða 50,7% fór í starfsmannasamtal og/eða launaviðtal á síðasta ári og er það um 7% aukning frá árinu þar á undan, sem er mjög ánægjulegt. Þriðjungur þeirra sem fóru í starfsmanna- og/eða launviðtal sögðu að kjör sín og/eða starf hefði breyst til hins betra í kjölfarið og einungis tæp 20% undirbjuggu sig fyrir viðtalið með því að skoða launakannanir og nota upplýsingar úr þeim.

Nokkuð hefur borið á því að félagsmenn sem eru að bóka orlofshús núna í haust hringja vegna þess að húsin séu uppbókuð fram að áramótum. Best er að velja Skoða allar eignir til að fá yfirsýn yfir hvar er laust. Þar sem hluti húsanna dettur út yfir vetrartímann þá eru þau hús með rauðri línu fram að áramótum.

Fréttabréf trúnaðarmanna fór í póst í gær en þar er kynnt dagskrá fundar þann 12. september, ásamt þeirri fræðslu sem trúnaðarmönnum býðst nú á haustönn.

BSRB hefur gefið út erindi sem Allyson Pollock, prófessor við háskólann í Edinborg, hélt á vegum bandalagsins sl. vor. Yfirskrift erindisins er Heilbrigðisþjónustan - á vegferð til einkavæðingar. Bæklingurinn er mikilvægt innlegg í umræðuna um frumvarp ríkisstjórnarinnar um sjúkratryggingar sem er til umræðu nú á haustþingi.

Í haust verða haldnir morgunverðarfundir / hádegisverðarfundir með félagsmönnum SFR. Hugmyndin á bak við fundina er að auka tengsl milli stjórnar SFR og félagsmanna, ásamt því að stuðla að meiri samheldni og virkni innan félagsins. Rætt er um núverandi þjónustu og starfsemi SFR, þjónustu sem SFR býður upp á en er ekki mikið notuð og hugmyndir að nýjungum. Áhugasamir geta skráð sig á fundina ...

Ráðstefna NSO í Visby heldur áfram í dag. Í morgun fóru fulltrúar stéttarfélaganna yfir fyrirkomulag launamyndunarkerfa sinna heimalanda. Skýrðu fulltrúarnir frá því hvers konar aðferðarfræði lægi til grundvallar tengingu árangurstengdra launa við grunnlaun. Árni St. Jónsson, formaður SFR, lagði út af gerð stofnanasamninga í málflutningi sínum.

Eins og margir félagsmenn SFR vita, þá hefur félagið og systurfélög þess á Norðurlöndum með sér samtök sem kallast NSO, sem eru samstarfs-ettvangur opinberra starfsmanna á Norður-löndunum með þátttöku stéttarfélaga frá öllum löndunum. Ráðstefnur NSO eru haldnar árlega og eru vel sóttar, m.a. koma gestir frá öllum fjármálaráðuneytum landanna og fyrirlesarar eru ætíð sérfræðingar í málefnum opinbera vinnumarkaðarins og koma hvaðanæva að.

Í vetur verður tekið upp nýtt form á trúnaðarmannafræðslu en það eru metnaðarfull og öflug þriggja daga trúnaðarmannanámskeið skipulögð af BSRB og Félagsmálaskóla alþýðu (FA).  Námskeiðin eru fimm talsins og byggjast upp á þrepakerfi.  Þegar trúnaðarmaður hefur lokið þrepi 1 getur hann tekið þrep 2 og svo koll af kolli og eru trúnaðarmenn hvattir til að sækja BSRB/FA námskeiðin.

Minnt er á að félagar í SFR fá 15% afslátt  af námskeiðum hjá Endurmenntun HÍ í flokkunum: Menning, land og saga; Tungumál og ritfærni; og Fólk og færni. Einungis er hægt að skrá sig í síma ef nota á afsláttarkjörin. 

- Fjölbreytt fræðsla fyrir starfsfólk
Fræðslusetrið Starfsmennt býður upp á fjölbreytt úrval námskeiða í haust fyrir starfsfólk og stofnanir. Markmið með námi Starfsmenntar er að koma til móts við breytingar á starfsumhverfi og störfum og greiða leið að metnaðarfullri símenntun.

Góð ásókn hefur verið í gistimiða á Edduhótel og Fosshótel í sumar og seldust þeir upp um síðustu mánaðarmót. Líkt og undanfarin ár þá hefur SFR tryggt að hægt væri að kaupa gistimiða til 1. ágúst ár hvert. Stundum hefur eitthvað verið afgangs en ekki að þessu sinni. 

Dagana 11.-13. ágúst nk. stendur Vinnuvistfræðifélag Íslands (Vinnís), í samvinnu við norrænu vinnuvistfræðisamtökin NES, fyrir alþjóðlegri ráðstefnu í Reykjavík undir yfirskriftinni Vinnuvistfræði er lífsstíll. Ráðstefnan er gott tækifæri fyrir alla sem áhuga hafa af málefninu að kynna sér betur vinnuvistfræði og fá innsýn í áhugaverð málefni. Skráning og nánari upplýsingar á www.nes2008.is.  

- Framundan eru samningar við Matís og Flugstöð Leifs Eiríkssonar / Fríhöfn
Kjarasamningur SFR og ríkisins var laus 30. apríl sl.  Vegna óvissu í efnahagsmálum á vormán-uðunum var ákveðið að stefna að skammtíma-samningi og samninganefnd BSRB var falið að leiða samningaviðræðurnar við ríkið.  Þann 25. maí var undirritað samkomulag um breytingar og framlengingu á kjarasamningi aðila. Í kjölfarið fylgdu samningur við SFH og nýr kjarasamningur við RARIK ohf. SFR vinnur nú að gerð kjara-samnings við Matís ohf. og 30. nóvember nk. rennur út kjarasamningur SFR og Flugstöðvar Leifs Eiríkssonar og Fríhafnarinnar.

Kjarasamningur SFR og RARIK ohf. hefur verið samþykktur.

Á kjörskrá voru 39.  Atkvæði greiddu 24 og þátttaka því 61,5%.
Já sögðu 20 eða 83,3%.  Nei sögðu 4 eða 16.7%

 

SFR og RARIK hafa skrifað undir nýjan kjarasamning. RARIK varð að opinberu hlutafélagi 1. ágúst 2006 með sérstökum lögum og heyrði fyrirtækið því ekki lengur undir þau lög sem opinberar stofnanir og starfsmenn þeirra heyra undir. RARIK varð aðili að Samtökum atvinnulífsins og því var nauðsynlegt að gera nýjan kjarasamning við fyrirtækið í þessu breytta umhverfi. Samningurinn gildir frá 1. maí 2008 til 31. desember 2010 með endurskoðunarákvæði sambærilegum þeim sem samnið var um á almennum markaði í byrjun árs.

Kjarasamningur SFR og SFH - Samtaka fyrirtækja í heilbrigðisþjónustu vegna Hrafnistu Reykjavík og Hafnarfirði, Víðines Vífilsstaða, Heilsustofnunar NLFÍ, Skógarbæjar, Sunnuhlíðar, Sjálfsbjargarheimilisins, SÁÁ og Hjúkrunarheimilisins Grundar og Ás hefur verið samþykktur.  

Orlofsvefur SFR er kominn í lag.

Orlofsvefur SFR liggur niðri í augnablikinu, unnið er að lagfæringu.

Í dag var samkomulag um breytingar og framlengingu á kjarasamningi SFR - stéttarfélags og SFH - Samtaka fyrirtækja í heilbrigðisþjónustu undirritað og er það sambærilegt því samkomulagi sem SFR gerði við ríkið og undirritað var 25. maí sl. Samið var um 20.300.- króna hækkun sem leggst við alla launaflokka. Auk þess var samið um aðra þætti svo sem aukin rétt vegna veikinda þegar félagsmenn skipta um starf og stéttarfélag, hækkun desemberuppbótar og aukinn veikindarétt vegna veikinda barna.

Á að taka flugið til Evrópu eða ferðast innanlands? SFR félögum gefst enn kostur á að kaupa Iceland Express gjafabréfin. Hvert gjafabréf kostar kr. 13.000 en er að andvirði kr. 20.000, sem er 35% afsláttur. Einnig geta þeir keypt gistimiða á Hótel Eddu sem kosta 4.500 kr.og Fosshótel á 5.000. kr. en þeir sjá sjálfir um bókun.

Greitt verður samkvæmt nýsamþykktum kjarasamningi SFR og ríkisins um næstu mánaðarmót. Greiðslan verður afturvirk til 1. maí en gildistími samningsins er 1. maí 2008 til 31. mars 2009. Mánaðarlaun hækka því um 20.300 kr. Sjá nýja launatöflu.

Kjarasamningur SFR og ríkisins f.h. fjármálaráð-herra sem skrifað var undir 25. maí síðastliðinn hefur verið samþykktur. Á kjörskrá voru alls 5554 félagsmenn hjá ríki og sjálfseignastofnunum*. Af þeim greiddu 1855 félagsmenn atkvæði eða 33,4%. Já sögðu 1624 eða 87,65%. Nei sögðu 202 eða 10,89%. Þeir sem skiluðu auðu voru 29 eða 1,56%.

Búið er að opna fyrir helgarleigu núna um helgina. Eingöngu bókanlegt á netinu. Bóka orlofshús.

Frestur til að greiða atkvæði um kjarasamning SFR við ríkið rennur út kl. 16 í dag, 12. júní. Öllum félagsmönnum, sem þessi samningur nær til, hefur verið sendur bréfa-póstur með lykilorði og leiðbeiningum um rafræna atkvæðagreiðslu ásamt samningnum. Við hvetjum alla félagsmenn að nýta atkvæðisrétt sinn! HÉR má nálgast kynningu á kjarasamningnum.

Húsfyllir var á menningarhátíð BSRB í Munaðarnesi laugar-daginn 7. júní þegar myndlistarsýning Soffíu Sæmunds-dóttur, Sumarganga, var opnuð. Hátíðargestir skemmtu sér konunglega við upplestur Þórarins Eldjárns á ljóðum sínum og tónlistaratriðum.

Eitthvað er um laus orlofshús í Munaðarnesi og Stóruskógum. Hægt er að fá helgarleigu og kostar helgin kr. 15.000. Kjörið tækifæri að skella sér í afslöppun en menningarhátíð BSRB er einmitt haldin í Munaðarnesi núna á laugardaginn 7. júní kl. 14. Hátíðin er ókeypis og opin öllum.  Bóka orlofshús. 

Rafræn atkvæðagreiðslu um kjarasamning SFR við ríkið hófst í dag kl. 9 og lýkur 12. júní kl. 16. Öllum félagsmönnum, sem þessi samningur nær til, hefur verið sendur bréfapóstur með lykil-orði og leiðbeiningum um rafræna atkvæða-greiðslu ásamt samningnum. Við hvetjum alla félagsmenn að nýta atkvæðisrétt sinn!

Í gær var stofnfundur Félags ráðgjafa og stuðningsfulltrúa sem er deild innan SFR, en þeir vinna hjá Svæðisskrifstofum málefna fatlaðra, á Landspítala og hjá Ás styrktarfélagi. Vel var mætt á fundinn og ný stjórn kjörinn en hana skipa Arnar Ingi Richardsson, formaður, Aðalheiður Magnúsdóttir, Auður Egilsdóttir, Elínborg Karlsdóttir, Gísli Páll Guðjónsson, Hildur Ársælsdóttir og Vésteinn Valgarðsson.

Akstursgjald og dagpeningar hækkuðu nú  um mánaðarmótin og er HÉR hægt að nálgast nánari upplýsingar.

Fyrstu kynningarfundir kjarasamninga BSRB og ríkisins voru í gær og var nýr fjarfundabúnaður í BSRB húsinu vígður við það tækifæri, en fundurinn var sendur til Patreksfjarðar. SFR verður með sérstaka kynningarfundi á stærri vinnustöðum, það er á Landspítala, hjá Tollstjóra og Skattstjóra í Reykjavík, í Háskóla Íslands, á Heilsugæslu höfuðborgarsvæðisins, hjá ÁTVR og fyrir Tryggingastofnun, Lögreglustjóra höfuðborgar-svæðisins og Vegagerðina. Einnig eru sameiginlegir fundir með BSRB aðildarfélögunum um allt land.

Aðalfundur Félags ráðgjafa og stuðningsfulltrúa verður haldinn í dag, 3. júní kl. 16.30, að Grettisgötu 89. En um nokkurn tíma hefur staðið til að endurvekja félagið, sem er deild innan SFR, en hefur legið niðri um nokkra hríð. Eindreginn  áhugi er meðal félagsmanna á því að endurvekja starfsemi félagsins og erum við hér að svara því kalli.

Í næstu viku verða haldnir fundir um allt land til að kynna nýgerðan samning BSRB við ríkið, bæði verða sameiginlegir fundir með BSRB aðildarfélögunum og sérstakar kynningar á stærri vinnustöðum SFR.

Nú stendur yfir skipulagning á því hvernig nýundirritaður kjarasamningur verður kynntur fyrir félagsmönnum. Haldnar verða sameiginlegar kynningar á vegum BSRB út um allt land og verður listi yfir tíma og staðsetningar birtur í vikunni. Einnig mun SFR heimsækja stærri vinnustaði og vera með kynningu og listi yfir það verður einnig birtur í lok vikunnar.

Kjarasamningar voru undirritaðir á miðnætti í Karphúsinu. Það voru BSRB félögin, sem voru með lausa samninga, er gerðu þennan samning. Samið er til skamms tíma og nær gildistíminn til til 31. mars 2009. Samið var um 20.300.- króna hækkun sem leggst við alla launaflokka.

Form og innihald í samningsgerð við ríkið eru að taka á sig mynd. Ákveðnar tillögur að launabreytingum uppi á borðum.

Reynt að draga fram skýrari línur í vðræðunum.

Rétt í þessu, kl. 17, var samningafundi frestað í Karphúsinu. Næsti fundur samninganefnda hefur verið boðaður kl. 10 í fyrramálið. Nokkur hreyfing hefur verið á hugmyndavinnunni í dag, en ekkert er þó enn fast í hendi.

Eitthvað er um laus orlorshús nú um þessa helgi. Bókanlegt á Orlofsvef SFR.

Í könnun SFR á Stofnun ársins voru þátttakendur beðnir að velja fimm mikilvæg atriði sem skipta þá máli í lífi og starfi og forgangsraða þeim. Um 53% svarenda líta á góð laun sem mikilvægast í starfi. Það sem er langmikilvægast í lífinu er að heilsan sé góð, 67% þátttakenda SFR setja það atriði í fyrsta sæti.

"Það miðar hægt í viðræðum en það er þó hreyfing á málunum. Vonandi erum við að stefna í rétta átt" segir Árni Stefán Jónsson formaður SFR.

STOFNANIR  ÁRSINS  2008

Ríkisskattstjóri er efstur á lista yfir stofnun ársins en Skattrannsóknarstjóri ríkisins er efstur í flokki minni stofnana. Þetta er þriðja árið sem Skattrannsóknarstjóri ríkisins lendir í fyrsta sæti. Í öðru sæti í hópi stærri stofnana er Umferðarstofa og í því þriðja Sjálfbjargarheimilið. Í hópi minni stofnana er Sýslumaðurinn í Vík í öðru sæti og Skattstofa Austurlands í því þriðja. Sýslumaður Snæfellinga bætti sig mest á milli ára og er því hástökkvari ársins.

Sigurvegarinn frá fyrri árum hefur ekki látið deigan síga þetta árið því Skattrannsóknarstjóri ríkisins hlýtur titilinn Stofnun ársins þriðja árið í röð og er að þessu sinni í hópi minni stofnana. Þetta er frábær árangur og sterk vísbending um að mikil áhersla sé lögð á gott innra starf hjá stofnuninni. Einnig er athyglisvert að Ríkisskattstjóri vermir efsta sætið í hópi stærri stofnana, en þess má geta að fyrrum skattrannsóknarstjóri ríkisins, Skúli Eggert Þórðarson, er einmitt í dag ríkisskattstjóri.

Fulltrúar BSRB áttu í dag annan fund með fjórum ráðherrum ríkisstjórnarinnar, forsætis-, utanríkis-, fjármála- og félagsmálaráðherra vegna lausra samninga við ríkið. Að sögn Ögmundar Jónassonar formanns BSRB var þetta ágætur fundur og niðurstaða hans sú að hafnar yrðu markvissar viðræður samninganefndar ríkisins og BSRB um gerð kjarasamnings.

Tilkynnt verður um hver hlýtur titilinn Stofnun ársins 2008 á morgun, fös. 16. maí. Heildarniðurstöður verður hægt að nálgast hér á vefnum eftir kl. 18 þann sama dag.

Fundi fulltrúa BSRB og fjögurra ráðherra ríkisstjórn-arinnar í Stjórnarráðinu lauk nú skömmu fyrir kl. 13. Að sögn Ögmundar Jónassonar formanns BSRB var þetta ágætur fundur þar sem skipst var á skoðunum og upplýsingum. Það var sameiginleg niðurstaða aðila að efna til annars fundar með sömu aðilum í næstu viku.

Eingöngu til sölu á Orlofsvef SFR­
Opnað verður fyrir kaup á Iceland Express gjafabréfum í dag 5. maí kl. 12.00.  Salan fer nú fram með öðrum hætti en áður. Opnaður hefur verið nýr Orlofsvefur SFR þar sem félagsmenn geta í framtíðinni átt nánast öll viðskipti vegna orlofsmála rafrænt. Hvert gjafabréf kostar kr. 13.000 en er að andvirði kr. 20.000, sem er 35% afsláttur. Hægt verður að kaupa miðana frá kl. 12.00 þann 5. maí 2008 til kl. 12.00 þann 9. maí 2008. Ef gjafabréfin seljast ekki öll á umræddum tíma verður sölutími framlengdur.

Samninganefndarfundi í Karphúsi lokið. Aðildarfélög BSRB vilja ræða við ríkisstjórnina.

BSRB leggur áherslu á að samið verði til skamms tíma. Ríkið helur fram áherlsu á að samið verði til lengri tíma. Viðræðunefnd BSRB var rétt í þessu að koma af fundi með samninganefnd ríkisins, en 15 mínútna hlé hefur verið gert á fundinum. Aðildarfélög BSRB standa einhuga að baki þeirri hugmynd að samið verði til skamms tíma...

Fjölmenni var á baráttufundum verkalýðshreyfingarinnar víða um land á 1. maí. Árni Stefán Jónsson, formaður SFR, var einn ræðumanna á fundinum á Ingólfstorgi. Hann kom víða við í ræðu sinni og sagði meðal annars að íslenska velferðarkerfið væri ekki síst að þakka baráttu forvera okkar í framvarðarsveit verkalýðshreyfingarinnar. „Að byggja upp réttlátt samfélag fyrir alla landsmenn hefur kostað blóð, svita og tár. Launafólk hefur aldrei fengið neitt á silfurfati. Og við skulum ekki halda að það sem við lítum á sem sjálfsögð mannréttindi, eins og t.d. að allir eigi jafnan aðgang að heilbrigðisþjónustu, menntun og annarri velferðarþjónustu, sé eitthvað sjálfgefið. Við þurfum stöðugt að vera á verði.“

Fjölmennum í kröfugöngur og sýnum í verki að við krefjumst bættra kjara.

Hver er staðan? Færð þú sanngjörn laun fyrir vinnu þína? Er launamunur kynjanna ásættanlegur? Fá umönnunarstéttir sanngjörn laun? Getur þjóðin verið stolt af aðbúnaði öryrkja? Getur þjóðin verið stolt af aðbúnaði aldraðra? Er sanngjarnt að láglaunafólk borgi sömu skattprósentu og ofurlauna-yfirstéttin? Er launamunurinn í samfélaginu ásættanlegur? Á launafólk að borga verðbólguna? Er ástæða til að launafólk sýni samstöðu 1. maí og berjist fyrir bættum kjörum?

Í 4. tölublaði SFR blaðsins á þessu ári er viðtal við trúnaðarmann ársins. Einnig eru hin vinsælu Iceland Express gjafabréf auglýst, en opnað verður fyrir kaup á þeim þann 5. maí nk. kl. 12.00. Fjallað er um kröfugerð fyrir komandi kjarasamninga og launaþróun félagsmanna á samningstímabilinu sem er að líða.  Þá er leiðarinn tileinkaður 1. maí, baráttudegi launafólks, ásamt því að hagfræðingarnir Edda Rós Karlsdóttir og Sigurður Jóhannesson svara þremur spurningum sem brenna á þjóðinni þessa dagana.

Nú er lokið endurbótum á orlofsíbúð SFR á Grandavegi og má segja að hún sé sem ný. Innréttingar í eldhúsi og baðherbergi voru endurnýjaðar, en um leið voru húsgögn í stofu og borðstofu endurnýjuð, parket pússað og allt málað.

Undanfarið hafa samninganefndir SFR og annarra BSRB félaga kynnt saminganefnd ríkisins tvær mögulegar leiðir til í samningagerðinni.   

Enn er ekki kominn neinn gangur í kjarasamningsviðræður. BSRB leggur áherslu á samninga til skemmri tíma.

Íbúð SFR í Kaupmannahöfn við Ravnsborg Tværgade losnaði óvænt nú um helgina. Þeir sem gætu nýtt sér hana eru beðnir um að hringja á skrifstofu SFR í síma 525-8340.

Orlofsúthlutunarkerfi SFR komið í fullan gang. Viðgerðir hafa tekist vel en hafa tafið innsetningu upplýsinga.

Illa gengur að halda áætlun um fundi. Veikindi og breytingar á tímasetningu.

Úthlutunarkefið komið í lag. Félagsmenn sem hafa skráð rétt netfang fá tilkynningu senda í dag.

Tæknimenn Hugar Axs og umsjónarmaður orlofsmála hjá SFR hafa í morgun verið að vinna að lausn vandans.

Tölvukerfið stoppar úthlutun orlofshúsa. Tæknimenn frá Hugi Ax vinna að lausn málsins.

Í fyrradag funduðu samninganefndir SFR og ríkisins í annað sinn. SFR fór ítarlega yfir þær forsendur sem félagið leggur fram vegna þeirrar meginkröfu um að laun á opinberum vinnumarkaði verði jöfnuð við laun á almennum markaði. Til grundvallar þessu þá leggur SFR fram þá launakönnun sem gerð var á síðasta ári og miðaðist við útborguð laun 1. febrúar 2007. Sú könnun leiddi í ljós 20% launamun milli félagsmanna SFR og VR og hallaði þar á félagsmenn SFR.

Íbúðin í Ravnsborg Tværgade er laus sem hér segir: 15.-25. apríl, 28. apríl - 1. maí og 11.-16. maí. Áhugasamir geta sett sig í samband við skrifstofu SFR í síma 525-8340. 

Félag heilbrigðisritara (FHR), sem er fagfélag innan SFR, opnaði eigin vefsíðu, www.heilbrigdisritarar.sfr.is á aðalfundi sínum sem haldinn var í gær. Það er von stjórnar FHR að vefsíðan verði til þess að efla enn frekar tengsl félagsmanna og að hún auðveldi upplýsingaflæði.

- niðurstöður í könnun SFR á Stofnun ársins 2008 kynntar í maí

Dregið hefur verið í happdrætti sem haldið var í tengslum við könnun SFR á Stofnun ársins og launakjörum 2008. Númerin eru sem hér segir:  4296, 5213, 7384, 9709, 15537, 28097, 31115, 31832, 33455 og 40235. Vinningshöfum er bent á að hafa samband við SFR í síma 525-8340.

SFR minnir á að umsóknarfrestur vegna sumarúthlutunar 2008 er til og með 11. apríl og rennur því út á miðnætti á morgun. 

Samninganefnd SFR - stéttarfélags og samninga-nefnd ríkisins funduðu í fyrsta sinn kl. 15 í dag í húsakynnum ríkissáttasemjara.

Kjarasamningur SFR og fjármálaráðherra f.h. ríkisins rennur út 30. apríl næstkomandi. Fyrsti fundur samninganefndar SFR og ríkisins hefur verið boðaður í húsi Ríkissáttasemjara mánudaginn 7. apríl kl. 15:00 og markar hann upphaf samningaviðræðna milli aðila.

Tilkynnt var um val á trúnaðarmanni ársins á aðalfundi SFR síðastliðinn laugardag. Það var Magnea Bjarnadóttir, trúnaðarmaður á Skattstofu Suðurlands, Hellu, sem hlaut titilinn fyrir árið 2007. Magnea er vel að titlinum kominn en hún hefur verið trúnaðarmaður frá árinu 1995 og einnig setið í stjórn Styrktar- og sjúkrasjóðs SFR.

Aðalfundur SFR - stéttarfélags í almannaþjónustu sem haldinn var síðastliðinn laugardag bendir á að misrétti í launum hefur aukist í samfélaginu á undanförnum árum. Bilið á milli þeirra sem hafa hæstu launin og þeirra sem hafa lægstu launin hefur verið að aukast. Aðalfundur SFR telur mikilvægt að horft verði til þess við gerð næstu kjarasamninga. En á fundinum voru samþykktar ályktanir um almannaþjónustu, kjaramál, efnahags- og skattamál og umhverfismál - lofstlagsmál. Einnig var samþykkt framtíðarsýn félagsins.

Nú ætti skýrsla stjórnar SFR 2007-2008 að hafa borist félagsmönnum en aðalfundur félagsins verður haldinn á morgun, laugardaginn 29. mars kl. 13. Á dagskrá eru venjubundin aðalfundarstörf. Fundargerð síðasta aðalfundar má nálgast hér.

- þjónustufulltrúi trúnaðarmanna
Alma Lísa Jóhannsdóttir hóf störf hjá SFR í febrúarlok, en hún er með BA - próf í menningar- og félagsfræðum auk þess að hafa lagt stund á framhaldsnám í uppeldis- og kennslufræðum.  Hún hefur starfað sem forstöðumaður hjá Svæðisskrifstofu málefna fatlaðra á Suðurlandi undanfarin ár. SFR hefur lengi haft áhuga á að auka  þjónustuna við trúnaðarmenn til að styrkja þá í hlutverki þeirra og er ráðning Ölmu tilraun til að  tengja trúnaðarmenn enn frekar inn í hið daglega starf SFR. 

Leiðakerfi neytenda, www.neytandi.is, sem er gagnvirk vefgátt á vegum talsmanns neytenda var opnuð af viðskiptaráðherra nýlega. Þar geta neytendur á einum stað leitað bæði upplýsinga um rétt sinn og fengið aðstoð við að leita réttar síns.

Vorið er ekki langt undan og rennur þá upp sá tími sem félagsmenn fara að huga að orlofsmálum og skipulagi fyrir sumarið. Að venju býður Orlofssjóður SFR upp á fjölda orlofstilboða, sjá SFR blað. Stjórn sjóðsins hefur lagt áherslu á að þróa nýjar leiðir til að mæta óskum félagsmanna og í ár eru kynntar til sögunnar nýjungar sem vonandi falla félagsmönnum vel í geð. Hægt verður að sækja um rafrænt hér á vef SFR innan tíðar. Verið er að taka upp nýtt orlofsumsjónarkerfi og er umsóknarformið aðeins á eftir áætlun, en ætti að vera tilbúið næstkomandi miðvikudag.  Umsóknarfrestur er til og með 11. apríl 2008.

Á fundi launamálaráðs SFR síðastliðinn miðvikudag var lögð lokahönd á kröfugerð SFR fyrir komandi kjarasamning við ríkið og kosið í samninganefnd. Drög að viðræðuáætlun við samninganefnd ríkisins liggja fyrir, sem báðir samningsaðilar hafa samþykkt, en eftir er að ganga frá henni formlega.  Miðað er við að umræða um réttindamál verði á sameiginlegu borði BSRB, og jafnhliða muni stéttarfélögin fara fram með sín mál. Stefnt er að því að birta kröfugerð SFR hér á vefnum eftir að hún hefur verið kynnt samningsaðilum.

Nú standa yfir endurbætur á orlofsíbúð SFR á Grandavegi, en íbúðin hefur verið vel nýtt og því kominn tími á viðhald. Verið er að taka baðherbergið og eldhúsið í gegn.Verkinu miðar vel og stefnt er að því að vinnu við þetta ljúki fljótlega eftir páska.

Vegna óviðráðanlegra ástæðna frestast fundur hjá stjórn Starfsmenntunarsjóðs SFR fram til mánudagsins 17. mars...

Alþjóðlegur baráttudagur kvenna var haldinn hátíðlegur sl. laugardag. "Friður og menning" var yfirskrift fjölbreyttrar dagskrár í Tjarnarsal Ráðhúss Reykjavíkur. Að fundinum stóðu fjölmörg félög og hagsmunasamtök sem starfa þágu kvenna, launafólks, jafnréttis, mannréttinda og friðar.

Margrét Kristmannsdóttir framkvæmdastjóri Pfaff og formaður Félags kvenna í atvinnurekstri var á meðal frummælenda á fundi samtaka launafólks um launajafnrétti 6. mars sl. Margrét á sæti í öðrum af tveimur starfshópum sem félagsmálaráðherra skipaði í haust en meginviðfangsefni þeirra er að leita markvissra leiða til að eyða óútskýrðum launamun kynjanna, sem og að jafna stöðu kvenna og karla í nefndum og við stjórnun stofnana og fyrirtækja. Margt athyglisvert er að finna í erindi Margrétar og er það birt hér á eftir í heild sinni.

Aðferðir til að ná launajafnrétti - kostir, gallar og nýjar hugmyndir, var yfirskrift fundar sem samtök launafólks BSRB, BHM, ASÍ,KÍ og SSF stóðu fyrir í dag í Rúgbrauðsgerðinni. Fundurinn var haldinn í tilefni af alþjóðlegum baráttudegi kvenna 8. mars. Hann var vel sóttur og heppnaðist mjög vel.

Þann 19. febrúar síðastliðinn fundaði trúnaðar-mannaráð SFR og meðal dagskrárliða var undir-búningur fyrir aðalfund sem haldinn verður 29. mars nk., en samkvæmt lögum félagsins ber uppstillinganefnd að leggja tillögur sínar fyrir trúnaðarmannaráð, eigi síðar en 35 sólarhringum fyrir aðalfund.

Núna, 10. mars, eru engin laus hús um páskana. Öll  laus hús eru gengin út. (Um páskana hafa losnað orlofshús í Munaðarnesi, Stóruskógum og á Eiðum. Áhugasamir setji sig í samband við skrifstofu SFR á mánudaginn í s. 525-8340.)

BSRB stendur fyrir málstofu um lífeyrismál í BSRB - húsinu, Grettisgötu 89, föstudaginn 29. febrúar kl. 13 - 15.30. Erindi flytja Sigurður Einarsson stjórnarformaður Kaupþings banka, Sigríður Lillý Baldursdóttir forstjóri Tryggingastofnunar ríkisins, Hrafn Magnússon framkvæmdastjóri Landssambands lífeyrissjóða, Katrín Jakobsdóttir alþingismaður og Ögmundur Jónasson formaður BSRB. Fundarstjóri er Kristín Á. Guðmundsdóttir formaður Sjúkraliðafélags Íslands.

Nú hefur skilafrestur verið framlengdur til að tryggja sem mesta þátttöku og er hægt að skila inn svörum við könnuninni Stofnun ásrins og launakönnun SFR til 3. mars.

Skilafrestur hefur verið framlengdur til 29. febrúar í könnuninni Stofnun ársins og Launakönnun SFR.

Sigur vannst í tveimur málum sem SFR rak fyrir Héraðsdómi Reykjavíkur. Annars vegar var um að ræða biðlaunamál sem höfðað var gegn Hjartavernd og hins vegar mál gegn ríkinu um endurkröfu á ofgreiddum launum til félagsmanns SFR.

Í ár eru það 35 stofnanir sem hafa óskað eftir að allir starfsmenn taki þátt í vali á stofnun ársins og er það tæplega 50% aukning frá því í fyrra. Þetta er ánægjuleg fjölgun þar sem betri heildarmynd næst með þátttöku allra starfsmanna, jafnt SFR félaga sem annarra.

Stjórn BSRB mótmælir harðlega þeirri kröfu sem Samtök atvinnulífsins hafa sett fram á hendur ríkisstjórninni um að hún fylgi þeirri launastefnu sem mótuð verði við samningaborð Samtaka atvinnulífsins.

Í morgun áttu fulltrúar læknaritara, ásamt formönnum SFR og BSRB, fund með forstöðumönnum Landspítala um fyrirhugaða „útvistun" á störfum læknaritara á sjúkrahúsinu og málefni sem því tengjast. Árni Stefán Jónsson, formaður SFR, og Ögmundur Jónasson, formaður BSRB, sögðu fundinn hafa verið gagnlegan.

Læknaritarar flykktust á áheyrendapalla Alþingis til að hlýða á utandagskrárumræðu um málefni læknaritara en þar fór Ögmundur Jónasson þingmaður yfir fyrirhugaða einkavæðingu á störfum læknaritara á Landspítala í utandagskrárumræðu á Alþingi í dag. Rakti hann málefni Landspítalans og þá úlfakreppu sem spítalinn hefur verið í á undanförnum árum. (Mynd: GVA)

Héraðsdómur Reykjavíkur hefur dæmt Landspítala til að greiða þremur starfsmönnum bætur vegna uppsagna en dómurinn taldi, að ekki hefði verið rétt staðið að uppsögnum starfsmannanna árið 2006.

BSRB í samvinnu við Félagsmálaskóla alþýðu mun vorið 2008 og næstu misseri bjóða upp á mjög öfluga trúnaðarmannafræðslu sem metin verður til allt að 10 eininga á framhaldsskólastigi, fer eftir skóla og námsbraut. Námið verður í fimm  hlutum og fyrsti hluti verður kenndur 17.-19. mars nk. Til að byrja með mun SFR bjóða þeim trúnaðarmönnum sem lokið hafa grunn- og framhaldsnámskeiði trúnaðarmanna - Samstíga til framtíðar - að sækja þetta nám.

Nokkuð hefur verið um fyrirspurnir varðandi þátttöku í stofnun ársins og launakönnuninni. Undanfarnar vikur hefur Capacent unnið að því að hringja í félagsmenn sem geta tekið þátt til að spyrja hvort þeir vilji fá könnunina senda í tölvupósti eða hefðbundnum pósti. Nú er hringingum lokið og þeir sem ekki hefur náðst í munu fá spurningalistann sendan í pósti.

Undirbúningur fyrir orlofsvalmöguleika félagsins á komandi sumri er í fullum gangi en stjórn Orlofssjóðs SFR er í sífelldri endurskoðun á fyrirkomulagi orlofsmála, enda félagsmenn mjög áhugasamir um fjölbreytt tilboð. Því óskar SFR - stéttarfélag í almannaþjónustu eftir sumarhúsum til framleigu fyrir félagsmenn sína sumarið 2008. Leitað er eftir sumarbústöðum eða íbúðum í góðu ásigkomulagi.

SFR leitar að öflugum einstaklingi til að taka að sér starf Þjónustufulltrúa trúnaðarmanna SFR - stéttarfélags. Starfið mun fela í sér enn frekari uppbyggingu og styrkingu á starfi trúnaðarmanna félagsins og þjónustu við þá. SFR leitar að einstaklingi með góða samskiptahæfileika, jákvætt viðhorf, frumkvæði, góða skipulagshæfileika og vinnubrögð, og almenna tölvukunnáttu...

Í nýútkomnu tölublaði SFR blaðsins er umsóknareyðublað fyrir páskaúthlutun. Hægt er að sækja um íbúðina í Kaupmannahöfn þrátt fyrir að hennar sé ekki getið á eyðublaðinu og biðjum við félagsmenn að bæta henni inn, ef þeir skila inn umsókn á pappír. Vikan í Kaupmannahöfn kostar 40.000 kr. Einnig er hægt að sækja um HÉR.

Í 1. tölublaði SFR blaðsins á þessu ári er fjallað um úthýsingu læknaritunar. Umsóknarfyrirkomulag fyrir páskaúthlutun er kynnt og námskeið á vorönn. Þá skrifar Ragnar Ingimundarson, hagfræðingur hjá BSRB, um efnahagshorfur við upphaf kjarasamninga og sagt er frá störfum launamálaráðs. Einnig er sagt frá frá því að SFR mun aftur standa að könnun á ánægju, starfsskilyrðum og líðan fólks á vinnustað undir heitinu Stofnun ársins og að samhliða þeirri könnun munu félagsmenn SFR öðru sinni taka þátt í launakönnun. 

Trúnaðarmannaráð SFR tekur eindregna afstöðu gegn einkavæðingu á heilsufarsupplýsingum félagsmanna.

Á vef SFR er komið upp nýtt skráningarkerfi fyrir Gott að vita námskeiðin sem félagið hefur haldið í samstarfi við Starfsmannafélag Reykjavíkurborgar undanfarin ár. Kerfið gerir allt utanumhald námskeiða einfaldara fyrir umsjónarmenn og auðveldar aðgengi félagsmanna. Á vorönn eru áfram í boði sígild námskeið eins og Ljósmyndun, Hvort ég get, ekki málið (sjálfsímynd og samskipti) og Skapandi skrif, en einnig eitthvað nýtt í bland.  Fyrstu námskeiðin hefjast 29. jan. Dagskrá og skráning HÉR.

Félagsmönnum sem fengu úthlutað sólarstrandagjafabréfi er ráðlagt að panta og greiða sem fyrst á netinu ef þeir hafa fundið draumaferðina. Eftir að ferðin hefur verið greidd sendir félagsmaður gjafabréfið á viðkomandi ferðaskrifstofu ásamt bankaupplýsingum og fær þá 30.000 krónur inn á bankareikning sinn.

Ögmundur Jónasson og Árni Stefán Jónsson fjalla um störf læknaritara í Morgunblaðinu í dag og þar segir meðal annars: "Læknaritarastarfið er eitt af lykilstörfum í heilbrigðiskerfinu. Persónuverndarsjónarmið og krafa um góða fagmennsku eru þar grundvallaratriði.

Skráning er hafin hjá Framvegis - miðstöð um símenntun á námskeið fyrir starfsmenn af erlendum uppruna. Námskeiðin heita Íslenska fyrir útlendinga og hefjast í janúar. Um er að íslensku á þremur stigum og fer kennsla fram í húsnæði BSRB, Grettisgötu 89. Skráning fer fram á skraning@framvegis.is eða í s. 581-4914 á milli kl. 10 og 12.

Í gær slitnaði upp úr viðræðum um málefni vaktavinnufólks milli BSRB og BHM annars vegar og ríkis og sveitarfélaga hins vegar. Þessar viðræður hafa staðið allar götur frá síðustu kjarasamningum en þá var gerð bókun þess efnis að farið yrði í saumana á málefnum vaktavinnufólks og leitað leiða til að gera vaktavinnu eftirsóknarverðari.

Á næstu vikum mun árleg launakönnun SFR verða gerð og samhliða verður Stofnun ársins valin. Þetta er viðamesta könnun á vinnuumhverfi í íslenskum stofnunum. Niðurstöðurnar eru stjórnendum mikilvægur mælikvarði á það hvað vel er gert og hvað má betur fara og starfsmenn stofnana fá tækifæri til að segja stjórnendum hvað þeim finnst um vinnustaðinn. Upplýsingar úr launakönnun eru síðan öflugt tæki fyrir félagsmenn til að hafa sem viðmiðun í launaviðtölum. Þetta er í þriðja sinn sem val á Stofnun ársins fer fram og annað sinn sem launakönnun er framkvæmd meðal SFR félagsmanna.

Bekkurinn var þéttsetinn á fundi á Landspítalanum (LSH) í gær þar sem kynnt var útvistun á störfum læknaritara. Að sögn Þuríðar Þórðardóttur, talsmanns Samtaka læknaritara á LSH , var mikill hiti og reiði í læknariturum sem eru uggandi um stöðu sína.  En ekkert samráð hefur verið haft við þær í þessu ferli. SFR mun skoða réttarstöðu þessara félagsmanna en á annað hundrað læknaritara starfa á spítalanum.

Í byrjun desember var auglýst sú nýbreytni að félagsmönnum bauðst að sækja um gjafabréf, sem hægt er að nota sem greiðslu inn á sólarstrandaferð, í stað sumarhúsa á Spáni. Í boði eru 100 gjafabréf og skemmst er frá því að segja að þetta sló í gegn en um 300 umsóknir bárust. Umsóknarfrestur rann út 21. desember og er nú unnið að úthlutun. 

Hátt í 300 manns mættu á jólaball SFR og Starfsmannafélags Reykjavíkurborgar sem haldið var í Súlnasal Hótel Sögu á milli jóla og nýárs. Hljómsveit hússins stýrði fjörinu og naut dyggrar aðstoðar frískra barna sem sungu og dönsuðu af krafti.