Fréttir
22. desember 2005
Úthlutunarreglur Styrktar- og sjúkrasjóðs endurskoðaðar
21. desember 2005
Ráðuneytið samþykkir reglur um fatapeninga
Félagsmálaráðuneytið hefur í samráði við svæðisskrifstofur um málefni fatlaðra í Reykjavík og á Reykjanesi fallist á að greiða fatapeninga til stuðningsfulltrúa og félagsliða sem starfa við umönnun fatlaðra. Samkvæmt reglum sem ráðuneytið hefur sett eiga starfsmenn rétt á fatapeningum eftir þriggja mánaða samfleytt starf og verður greitt hlutfallslega miðað við starfshlutfall en þó ekki fyrir lægra starfshlutfall en 40%.
14. desember 2005
167 sótt samstarfsnefndanámskeið
Í desember hafa verið haldin 6 námskeið vegna þeirrar vinnu sem framundan er við endurskoðun stofnanasamninga. Nú þegar hafa 167 fulltrúar í samstarfsnefndum sótt námskeiðin og koma þeir frá 63 mismunandi stofnunum.
14. desember 2005
SFR blaðið, desember '05
Í 9. tölublaði SFR blaðsins er sagt frá samstarfi SFR og VR um leitina að stofnun / fyrirtæki ársins. Einnig er rætt um endurskipun samstarfsnefnda í nóvember, en í desember hafa fulltrúar í þessum nefndum sótt námskeið vegna endurskoðunar stofnanasamninga. Þá er í blaðinu friðarhugleiðing eftir Stefán Pálsson og rætt við Amal Tamimi um lífsbaráttu hennar og annarra innflytjenda á Íslandi. Einnig fjalla félagsmenn um bækur og hljómdiska sem koma út núna fyrir jólin.
6. desember 2005
SFR og VR sameinast um tæplega 30 þúsund manna vinnumarkaðskönnun
SFR - stéttarfélag í almannaþjónustu og VR, standa sameiginlega að könnun í upphafi næsta árs á ánægju, starfsskilyrðum og líðan fólks á vinnustað. VR hefur undanfarin ár staðið fyrir þessari könnun undir heitinu Fyrirtæki ársins en samstarfið við SFR þýðir að könnunin á næsta ári muni taka til hátt í þrjátíu þúsund starfsmanna hjá fyrirtækjum og stofnunum. Þetta verður því umfangsmesta könnun á íslenskum vinnumarkaði sem gerð hefur verið.
