Fréttir

Félagsmálaráðuneytið hefur í samráði við svæðisskrifstofur um málefni fatlaðra í Reykjavík og á Reykjanesi fallist á að greiða fatapeninga til stuðningsfulltrúa og félagsliða sem starfa við umönnun fatlaðra. Samkvæmt reglum sem  ráðuneytið hefur sett eiga starfsmenn rétt á fatapeningum eftir þriggja mánaða samfleytt starf og verður greitt hlutfallslega miðað við starfshlutfall en þó ekki fyrir lægra starfshlutfall en 40%.

Í desember hafa verið haldin 6 námskeið vegna þeirrar vinnu sem framundan er við endurskoðun stofnanasamninga. Nú þegar hafa 167 fulltrúar í samstarfsnefndum sótt námskeiðin og koma þeir frá 63 mismunandi stofnunum.

Í 9. tölublaði SFR blaðsins er sagt frá samstarfi SFR og VR um leitina að stofnun / fyrirtæki ársins. Einnig er rætt um endurskipun samstarfsnefnda í nóvember, en í desember hafa fulltrúar í þessum nefndum sótt námskeið vegna endurskoðunar stofnanasamninga. Þá er í blaðinu friðarhugleiðing eftir Stefán Pálsson og rætt við Amal Tamimi um lífsbaráttu hennar og annarra innflytjenda á Íslandi. Einnig fjalla félagsmenn um bækur og hljómdiska sem koma út núna fyrir jólin.

Allt að 300% munur á þjónustu bankanna
Samkvæmt nýrri könnun Neytendasamtakanna og SFR á þjónustugjöldum banka og sparisjóða eru dæmi um allt að 300% verðmun á sambærilegri þjónustu milli stofnana. Könnunin fór fram í sumar og í haust og var borið saman verð á þjónustu hjá Landsbanka, Íslandsbanka, KB banka og SPRON. Könnunin náði til 17 þjónustuliða og var Landsbankinn oftast með hæsta verðið eða í sjö tilfellum. Næstur var KB banki með hæsta verðið í fimm tilvikum af sautján. Verðið var hins vegar oftast lægst í Íslandsbanka og KB banka eða fimm sinnum í hvorum banka, fjórum sinnum var verðið ódýrast í SPRON og tvisvar í Landsbanka.

Fimmtudaginn 24. nóvember sl. skrifaði BSRB f.h. aðildarfélaga sinna undir samkomulag við fjármálaráðuneytið um útfærslu á 26 þúsund kr. eingreiðslu sem ASÍ og SA gerðu fyrir skömmu. Gert er ráð fyrir að eingreiðslan verði greidd þann 1. desember nk. Einnig var samið um að launataflan hækki um 2,90% þann 1. janúar 2007 í stað 2,25% áður.

Um 120 trúnaðarmenn sátu fund trúnaðarmannaráðs SFR 22. nóvember sl. Árni Magnússon félagsmálaráðherra var gestur fundarins og var megininnleggið í erindi hans um jafnréttismál sem hann sagði vera eitt af forgangsverkefnum síns ráðuneytis.

-Segir formaður SFR eftir fund með félagsmálaráðherra 

“ Við áttum ágætan fund með ráðherra í morgun þar sem við áréttuðum kröfur SFR um að staðið verði við ákvæði samningsins sem gerður var í vor um greiðslu fatapeninga til stuðningsfulltrúa og félagsliða á sambýlum fyrir fatlaða. Ég er vongóður um að hreyfing komist á þetta mál í framhaldinu” sagði Jens Andrésson formaður SFR

“Það er ánægjuefni að fulltrúar Alþýðusambands Íslands og Samtaka atvinnulífsins skuli með aðstoð ríkisvaldsins hafa náð samkomulagi um breytingar á kjarasamningum án þess að til uppsagnar samninga þyrfti að koma. Sérstaklega fagna ég innspýtingu ríkisstjórnarinnar í lífeyrissjóðina til að létta undir með þeim vegna örorkubóta, en það tel ég að hafi verið ákaflega tímabær og skynsamleg ráðstöfun” segir Jens Andrésson formaður SFR.

Undirbúningur vegna endurskoðunar stofnanasamninga er í fullum gangi. Trúnaðarmönnum hefur verið sent bréf varðandi skipun samstarfsnefnda og jafnframt er búið að boða nefndirnar á námskeið um endurskoðunina nú í lok nóvember og desember, en alls verða haldin sex námskeið.

David Hall, prófessor við háskólann í Greenwich í Englandi, heldur erindi um rannsóknir á afleiðingum einkavæðingar á vatnsveitum kl. 09:00 til 10:30 að Hótel Loftleiðum föstudaginn 18. nóvember nk. En hann er staddur hér á landi í tengslum við aðalfund BSRB sem haldinn er 17. og 18. nóvember. Fundurinn er öllum opinn og aðgangur ókeypis. Erindið verður túlkað.

BSRB og þau samtök sem stóðu að ráðstefnunni Vatn fyrir alla eru nú að undirbúa auglýsingaherferð til að fylgja eftir sameiginlegri yfirlýsingu samtakanna. Frá því að ráðstefnan var haldin hefur Ungmennafélag Íslands bæst í hóp þeirra samtaka sem undirritað hafa yfirlýsinguna og von er á að fleiri samtök geri það.

Á vegum SFR er nú að hefjast vinna við að móta stefnu félagsins til næstu 3ja til 5 ára.  Kallaðir hafa verið til 30 félagar sem líta má á sem nokkurs konar þverskurð af félaginu og munu þeir vinna að þessu verkefni ásamt stjórninni.

Nú er unnið að því að þoka “fatapeningamálinu” áfram, en nokkuð hljótt hefur verið um það undanfarið. Eins og kunnugt er hafa atvinnurekendur ekki enn staðið við samninga um fatapeninga til stuðningsfulltrúa og félagsliða sem samið var um í kjarasamningum síðastliðið vor.

“Þótt enginn vatnsskortur sé á Íslandi þá er staðan önnur víðast hvar í heiminum. Gnótt vatns gefur því ekki tilefni til skeytingarleysis af okkar hálfu. Þvert á móti ber okkur að færa lagaumgjörð um vatn í þann búning að hún tryggi rétta forgangsröðun varðandi vatnsvernd og nýtingu og geti verið öðrum þjóðum til fyrirmyndar”. Svo segir meðal annars í sameiginlegri yfirlýsingu...

Ráðstefna um vatn verður haldin laugardaginn 29. október á Grand Hótel Reykjavík, Sigtúni 38, og hefst kl. 13. BSRB er meðal aðstandenda ráðstefnunnar en hún er haldin til að efla lýðræðislega umræðu um vatn sem er takmörkuð auðlind og almannagæði - undirstaða alls lífs og heilbrigðis. Mörg áhugaverð erindi verða um vatn í lögum, vatn sem auðlind, réttindi til vatns og fleira. Í lokin eru pallborðsumræður þar sem fulltrúar stjórnmála-flokkanna munu fjalla um framtíðarsýn á vatn. Ráðstefnan hefst kl. 13 og eru allir velkomnir! Enginn aðgangseyrir.

Um 130 trúnaðarmenn sóttu ráðstefnu nýkjörins trúnaðarmannaráðs sem haldin var í Rafveituheimilinu í Elliðaárdal 19. október sl. Ráðstefnan var liður í því að byggja upp samstöðu og tenslanet meðal trúnaðarmanna. Dagskráin fór að mestu fram utandyra í mildu haustveðri og var almenn ánægja meðal trúnaðarmanna með þessa nýbreytni.

Baráttuhátíð verður haldin þann 24. október næstkomandi í tilefni af því að þá verða þrjátíu ár liðin frá kvennafrídeginum árið 1975. Heildarsamtök launafólks (ASÍ, BHM, BSRB, KÍ) og mörg kvennasamtök standa saman að undirbúningi og framkvæmd dagsins. Kröfuganga verður farin frá Skólavörðuholti að Ingólfstorgi og er mæting í hana klukkan 15.00. Yfirskrift göngunnar er “Konur höfum hátt”. Baráttufundur verður síðan á Ingólfstorgi klukkan 16:00 með stuttum hvatningaræðum og menningardagskrá.

-Stuðningsfulltrúar og félagsliðar skora á félagsmálaráðherra

Fjölmennur fundur stuðningsfulltrúa og félagsliða innan SFR sem haldinn var í dag samþykkti ályktun þar sem skorað er á félagsmálaráðherra að hann hlutist til um að þær faglegu stofnanir sem undir hann heyra standi við gerða samninga og greiði stuðningsfulltrúum og félagsliðum sem vinna með fötluðum þegar í stað fatapeninga sem samið var um í síðustu kjarasamningum.

Kosning trúnaðarmanna SFR félaga á vinnustöðum hefur staðið yfir frá því um miðjan september og rennur formlegur út í dag. Enn eru einhverjir vinnustaðir sem eiga eftir að skila inn tilkynningu um kosninguna. Nauðsynlegt er að tilkynningin berist skrifstofu SFR sem allra fyrst vegna skipulagningar vetrarstarfsins.

Aðgerðarhópur um fatapeningamálið svokallaða fundaði sl. þriðjudag. Ákveðið var að blása til opins fundar stuðningsfulltrúa og félagsliða hjá Svæðis-skrifstofum um málefni fatlaðra og Styrktarfélagi vangefinna. Fundurinn verður þriðjudaginn 11. október nk. kl. 13 á Grettisgötu 89. Stuðningsfulltrúar og félagsliðar eru hvattir til að sýna samstöðu og fjölmenna á fundinn.

Kvenréttindafélag Íslands hélt málþing 29. september þar sem misjöfn staða kynjanna í atvinnulífinu var til umræðu. Í fyrsta sinn í sögu KRFÍ voru allir frummælendur karlkyns. Jens Andrésson formaður SFR, stéttarfélags í almannaþágu gerði grein fyrir þeirri áherslu SFR að útrýma óútskýrðum kynbundnum launamun í kjarasamningum.

Í dag var fundur trúnaðarmanna svæðisskrifstofa um málefni fatlaðra og Styrktarfélags vangefinna þar sem rædd var sú staðreynd að atvinnurekandur hafa ekki staðið við kjarasanmning, þ.e. greiðslu fatapeninga sbr. gr. 8.3.1* í kjarasamnigi SFR og fjármálaráðherra f.h. ríkissjóðs. Fram komu ýmsar skoðanir um hvernig bæri að bregðast við, m.a. hugmyndir um harkalegar aðgerðir.

Geir H. Haarde fjármálaráðherra opnaði nýjan þjónustu- og gagnagrunnsvef Fræðslusetursins Starfsmenntar á Listasafni Íslands í gær. Verkið var unnið af Íslenskum fyrirtækjum og er verulegur ávinningur af nýju kerfi sem kemur fram í því að vinnuálag við umsjón námskeiða snarminnkar. SFR er aðili að setrinu en það þjónar starfsmönnum og stofnunum ríkisins.

Í dag var Járnsíða - skóli fyrir starfsmenn sýslumannsembættanna opnaður formlega af Birni Bjarnasyni dómsmálaráðherra og Jens Andréssyni, formanni SFR, á aðalfundi Sýslumannafélags Íslands (SÍ). Við opnunina afhentu þeir Ólafi Haukssyni, formanni SÍ, námsskrá skólans og lykilorð að vefhluta skólans.

Ákveðið hefur verið að boða trúnaðarmenn stuðningsfulltrúa til fundar á skrifstofu SFR á Grettisgötu klukkan 13:00 fimmtudaginn 29. september til að ræða um næstu skref í fatapeningamálinu...

Atkvæðagreiðsla um nýjan kjarasamning SFR við Samtök fyrirtækja í heilbrigðisþjónustu (SFH) stendur nú yfir en kjörgögn voru send til félagsmanna sem starfa hjá SFH í byrjun vikunnar.  Frestur til að skila atkvæðaseðli til kjörstjórnar er til klukkan 16:00 næsta mánudag 26. september.

Í sjöunda tölublaði SFR blaðsins er spurt hvað líði fatapeningum stuðningsfulltrúa, en ráðuneytin vísa hvort á annað. Einnig er sagt frá helstu atriðum kjarasamnings SFR og SFH, en nú stendur yfir atkvæðagreiðsla um samninginn. Fjallað er um kosningu trúnaðarmanna sem fram fer nú í september og sagt frá námskeiðum sem félagsmönnum stendur til boða nú á haustönn.

Í kjarasamningunum sem SFR og fjármálaráðherra gengu frá í febrúar síðast liðnum var samið um fatapeninga fyrir stuðningsfulltrúa, sem vinna hjá svæðisskrifstofum um málefni fatlaðra. Enn er ekki farið að greiða fatapeningana þrátt fyrir að ríflega hálft ár sé liðið frá því gengið var frá samningum...

Undirbúningur fyrir atkvæðagreiðslu um kjarasamning SFR og SFH og kynningu hans stendur yfir. Kjörgögn verða send út mánudaginn 19. september og verða að skila sér til kjörstjórnar fyrir kl. 16 mánudaginn 26. september nk. Nú þegar hafa verið skipulagðir kynningarfundir á ...

Fyrsti fundur trúnaðarmanna SFR þetta haustið var haldinn 8. september sl. og mættu um 90 trúnaðarmenn. Ásmundur Stefánsson ríkissáttasemjari flutti erindi um stöðu og framtíð opinberrar starfsemi og starfsmanna þar sem hann setti fram áleitnar spurningar um þróun opinbera geirans á komandi árum. Erindið byggði á fyrirlestri sem hann flutti á ráðstefnu norrænna ríkisstarfsmanna fyrr í sumar þar sem það vakti athygli.

Um miðjan dag var skrifað undir nýjan kjarasamning fyrir SFR félaga sem starfa hjá Samtökum fyrirtækja í heilbrigðisþjónustu (SFH).  Með undirskriftinni er bundinn endir á 6 mánaða kjaradeilu og fallið frá atkvæðagreiðslu um verkfallsboðun hjá SFH.  Jens Andrésson formaður SFR segist bærilega sáttur við samninginn en hann felur í sér 20% launahækkun á samningstímanum.

Samningar hafa tekist í kjaradeilu SFR og Samtaka fyrirtækja í heilbrigðisþjónustu (SFH).  Á fundi hjá ríkissáttasemjara í hádeginu í dag staðfesti samninganefnd SFH að staðið verður við kjarasamninginn sem gengið var frá í gærkvöld. Að sögn Jens Andréssonar verður formleg undirskrift fyrir hádegi á föstudag, en nýr kjarasamningur verður kominn til framkvæmda fyrir lok þessa mánaðar verði hann samþykktur í atkvæðagreiðslu félagsmanna SFR. 

-Segir Jens Andrésson formaður SFR
Samningaviðræður SFR við Samtök fyrirtækja í heilbrigðisþjónustu (SFH) hanga nú á bláþræði eftir að samninganefnd SFH tilkynnti seint í gærkvöld þegar nýr samningur lá fyrir að hún treysti sér ekki til að skrifa undir. Samningafundur sem hófst hjá ríkissáttasemjara klukkan níu í gærmorgun lauk ekki fyrr en undir miðnætti. Það skýrist á hádegi í dag hvort SFH hefur slitið viðræðunum eða hvort þeir staðfesta samninginn með undirskrift.

Á samningafundi í kjaradeilu SFR við Samtök fyrirtækja í heilbrigðisþjónustu (SFH) sem hófst klukkan 9 í morgun lagði ríkissáttasemjari fram svokallaða „innanhúss“ sáttatillögu sem samningsaðilar eru núna að skoða.  Hlé var gert á fundinum um hádegisbil en ráðgert er að honum verði framhaldið klukkan 14:00 í dag.

Stjórn SFR ákvað í morgun að efna til atkvæðagreiðslu dagana 7.-12. september um verkfall SFR félaga sem starfa hjá Samtökum fyrirtækja í heilbrigðisþjónustu (SFH). Ekki hefur tekist að ganga frá nýjum kjarasamningi fyrir SFR félaga sem starfa hjá þessum fyrirtækjum þrátt fyrir 6 mánaða samningaþóf. Ákvörðun um að hefja undirbúning verkfalls var tekin í framhaldi af ályktun frá fjölmennum fundi starfsmanna hjá þessum fyrirtækjum í síðustu viku.

Fundi hjá sáttasemjara í kjaradeilu SFR við Samtök fyrirtækja í heilbrigðisþjónustu (SFH) sem boðað var til eftir hádegi í dag er lokið. Á fundinum var samninganefnd SFH kynnt ályktun sem samþykkt var á fjölmennum félagsfundi í gær en þar var stjórn SFR falið að byrja að undirbúa atkvæðagreiðslu um verkfallsboðun hjá SFH. Að sögn Árna Stefáns Jónssonar framkvæmdastjóra SFR skynjuðu menn jákvæðara viðhorf hjá viðsemjendunum í dag en oft áður en atvinnurekendur báðu þó um frest fram yfir helgi til að fara yfir málið.

Á fyrsta fundi trúnaðarmanna þetta haust, fimmtudaginn 8. september,  mun Ásmundur Stefánsson ríkissáttasemjari flytja erindi um stöðu og framtíð opinberrar starfsemi og opinberra starfsmanna. Þá verður sagt frá því námi sem er í boði á haustönn og farið yfir verkefni vetrarins.

Á fjölmennum fundi félagsmanna í SFR sem vinna hjá stofnunum innan Samtaka fyrirtækja í heilbrigðisþjónustu (SFH) var samþykkt mótatkvæðalaust að fela stjórn SFR að hefja undirbúning að atkvæðagreiðslu um verkfall hjá stofnunum innan SFH.  Um 130 manns sóttu fundinn og var hvert sæti í fundarsal SFR skipað en fundinum lauk á sjötta tímanum síðdegis. Þrátt fyrir sex mánaða samningaþóf hefur ekki tekist að ljúka samningum fyrir starfsmenn sem vinna hjá stofnunum innan SFH. 

Fræðslusetrið Starfsmennt hefur ákveðið að fara fram með tilraunaverkefni á sviði tölvunámskeiðs. Námskeiðið er í fjarnámi undir traustri stjórn Bjartmars Kristinssonar frá Tölvuskólanum NEMANDI, en Bjartmar hefur sýnt eftirtektarverðan árangur á þessu sviði undanfarin misseri. 

Samninganefnd SFR hefur boðað starfsfólk þeirra heilbrigðisstofnana sem eru innan Samtaka fyrirtækja í heilbrigðisþjónustu (SFH) til félagsfundar næst komandi miðvikudag til að ræða stöðuna í kjaradeilu SFR og SFH og til að taka ákvörðun um framhaldið. Undanfarna mánuði hefur SFR gert ítrekaðar tilraunir til að gera kjarasamning fyrir félagsmenn sína hjá þeim stofnunum sem eru innan SFH en þegar útséð var um að aðilar næðu saman vísaði SFR málinu til Ríkissáttasemjara. Þrátt fyrir milligöngu sáttasemjara og ýmsar hugmyndir SFR til lausnar hefur SFH ekki fallist á neina lausn. Síðustu daga hafa átt sér stað óformlegar þreifingar milli aðila.

Á fundi hjá Ríkissáttasemjara sem lauk síðdegis í dag í kjaradeilu SFR og Samtaka fyrirtækja í heilbrigðisþjónustu (SFH) lögðu fulltrúar SFR fram endurnýjaða miðlunartillögu sem var strax hafnað af SFH. Fundurinn var því árangurslaus og er nýr sáttafundur boðaður eftir tvær vikur.

Fundur sem haldinn var í gær hjá ríkissáttasemjara í kjaradeilu SFR og Samtaka fyrirtækja í heilbrigðisþjónustu (SFH) reyndist árangurslaus. Fyrir fundinn höfðu fulltrúar SFR lagt fram hugmyndir um málamiðlun en þeim var hafnað á fundinum.  Nýr fundur hefur...

Enn er ósamið í kjaradeilu SFR við Samtök fyrirtækja í heilbrigðisþjónustu (SFH) en deilunni var í síðasta mánuði vísað til ríkissáttasemjara að ósk SFR. Næsti fundur í deilunni hefur verið boðaður á morgun miðvikudag 10. ágúst. Að sögn Árna Stefáns Jónssonar framkvæmdastjóra SFR lagði félagið fram drög að málamiðlun á síðasta sáttafundi en að hans mati getur brugðið til beggja vona á fundinum á morgun.

Það er óhætt að segja að undanfarnar vikur hafi verið annatími hjá þeim starfsmönnum SFR sem sjá um útleigu orlofshúsanna til félagsmanna. Alls hefur félagið til ráðstöfunar orlofshús á 12 stöðum á landinu, allt frá einu húsi á viðkomandi stað og upp í 8 hús í Vaðnesi og 21 hús í Munaðarnesi, þar sem þau eru flest.

Í dag vísaði SFR kjaradeilu við Samtök fyrirtækja í heilbrigðisþjónustu (SFH) til ríkissáttasemjara sem hefur brugðist skjótt við og boðað deiluaðila til fundar um miðja vikuna. 

Davíð Oddsson utanríkisráðherra tók í dag við ályktun stjórnar BSRB þar sem stjórnvöld og almenningur eru hvattur til að taka virkan þátt í að brúa þá gjá sem er á milli ríkra og snauðra. Það voru Ögmundur Jónasson formaður BSRB, Sjöfn Ingólfsdóttir og Jens Andrésson varaformenn bandalagsins sem afhentu utanríkisráðherra ályktunina. Einnig var honum afhent hvítabandið sem verkalýðshreyfingin um allan heim setur upp í dag en á það er letrað: "bridge the poverty gaps" eða brúum fátæktarbilið.

Treglega hefur gengið að ná samningi við Samtök fyrirtækja í heilbrigðisþjónustu (SFH) en þau stóðu utan kjarasamningsins sem gerður var við fjármálaráðherra. Samningur við SFH er stærsti einstaki kjarasamningurinn sem enn er ófrágenginn hjá SFR  Að sögn Árna Stefáns Jónssonar framkvæmdastjóra SFR er lending í kjaraviðræðum við SFH ekki enn í sjónmáli en...

Á aðalfundi NSO Samtaka ríkisstarfsmanna á Norðurlöndum (Nordiske Statstjenestemænds Organisation) sem haldin var á Akureyri síðast liðinn miðvikudag var Tommy Agerskov Thomsen kosinn nýr formaður samtakanna.  Hann tók við formennskunni af Jens Andréssyni formanni SFR sem gengt hefur embættinu síðast liðið ár.  Með aðalfundinum lauk þriggja daga ráðstefnu Samtaka ríkisstarfsmanna á Norðurlöndum en hana sóttu liðlega 50 fulltrúar frá Finnlandi, Svíþjóð, Danmörku, Noregi og Íslandi.  Ákveðið var að næsta ráðstefna verði haldin í Silkiborg í Danmörku í júní á næsta ári. Eins og undanfarin ár tóku fulltrúar viðsemjenda norrænna ríkisstarfsmanna þátt í ráðstefnunni.

Í dag hófst á Akureyri árleg ráðstefna Samtaka ríkisstarfsmanna á Norðurlöndum, NSO (Nordiske Statstjenestemænds Organisation) en hún er haldin til skiptis á Norðurlöndunum samhliða aðalfundi samtakanna. Fundarhöldunum lýkur á miðvikudag með aðalfundi NSO þar sem kosinn verður nýr formaður samtakanna í stað Jens Andréssonar formanns SFR sem jafnframt hefur gengt formennsku í NSO undanfarið ár.

Í sjötta tölublaði SFR blaðsins er sagt frá því að yfirlýsingu LSH, sem lögð var fram við undirritun nýs stofnanasamnings, er harðlega mótmælt. Einnig er m.a. umfjöllun um vaktavinnu,  sagt frá því að meðaltalsreglan er yfirleitt betri fyrir SFR félaga þegar þeir fara á lífeyri og að tölvupóstur frá Veraldarvinum var kveikjan að öðruvísi sumarfríi. 

Ný íbúð á Akureyri var tekin í notkun á föstudaginn var en SFR festi kaup á henni í byrjun árs 2005. Um er að ræða íbúð í parhúsi á efri hæð í Hamratúni 26, sem er í um 15 mín. göngufæri frá sundlauginni og með golfvöll þeirra norðanmanna nánast handan við hornið. Í henni eru 3 svefnherbergi og öll helstu þægindi.

Stofnfundur Félags heilbrigðisritara (FHR) var haldinn 31. maí sl. Stofnfélagar eru um 35 konur sem starfa bæði hjá LSH og Heilsugæslunni.  Aðgang að félaginu eiga þeir sem lokið hafa námi fyrir hjúkrunar- og móttökuritara. Markmið félagsins er að efla samvinnu, samstarf og bæta þekkingu og hag félagsmanna. Auk þess að vernda réttindi og vinna að kjarabótum fyrir félagsmenn.

Aðalfundur Lífeyrisþegadeildar SFR var haldinn 23. apríl sl. Á dagskrá voru hefðbundin aðalfundarstörf. Gróa Salvars lét af formennsku að eigin ósk eftir 15 ára stjórnarsetu, þar af 12 ár sem formaður. Jarmila Hermannsdóttir var kosin nýr formaður.

Kosið var um kjarasamning SFR og Styrktarfélags vangefinna í gær, og var samningurinn samþykktur með 74% atkvæða. 

SFR hefur krafist þess í sérstakri bókun að yfirlýsing sem fulltrúar Landspítala - háskólasjúkrahúss (LSH) lögðu fram við undirritun nýs stofnanasamnings nýlega verði dregin til baka og að áfram verði haldið því góða samstarfi sem verið hafi við SFR um launamál félagsmanna SFR á LSH. 

Í gær var stofnaður stýrihópur ungra SFR félaga. Markmið hópsins er að virkja unga félagsmenn og efla áhuga þeirra fyrir stéttarfélagsstarfi. Í hópnum sitja 10 aðalmenn og 2 varamenn. Virkt ungliðastarf hefur verið í gangi hjá SFR síðan haustið 2002 þegar undirbúningsvinna vegna ráðstefnu fyrir ungt fólk hófst en ráðstefnan var haldin í Iðnó í maí 2003.

Það hefur gengið fremur brösulega að ná samningi við Samtök fyrirtækja í heilbrigðisþjónustu (SFH) en þau stóðu fyrir utan kjarasamninginn sem gerður var við fjármálaráðherra og semja nú saman við SFR í fyrsta skipti.

Einn réttur – Ekkert svindl var yfirskrift baráttufundar stéttarfélaganna sem haldinn var á Ingólfstorgi í Reykjavík á 1. maí. Safnast var saman við Hallgrímskirkju á Skólavörðuholti og farin kröfuganga niður á Ingólfstorg þar sem baráttufundur lsamtaka launafólks var haldinn.  Þar voru flutt ávörp, gamanmál og tónlist.

Í kjarasamningi SFR við fjármálaráðherra frá því í mars síðast liðnum var ákvæði um viðbótar launahækkun til einstakra skilgreindra hópa, sem talið var að þyrfti að styrkja sérstaklega. Undanfarið hefur verið unnið að því að útfæra þetta atriði og er nú búið að ganga frá þessari hækkun í stofnanasamningum við fimm af þeim 19 stofnunum sem ákvæðið tekur til.

Úthlutun orlofshúsa er nú lokið, en aðsókn var góð að venju. Þeir sem fengu úthlutað eru þessa dagana að ganga frá samningum og ætla má að um miðjan maí skýrist hvað stendur út af, en þeir sem sóttu um og fengu neitun fara sjálfkrafa á biðlista. Þó liggur fyrir að nokkuð er inni af húsum í maí og júní, sérstaklega í Munaðarnesi þar sem flest hús eru. Júlí er fullbókaður eins og er. Ákveðið hefur verið að bjóða upp á helgarleigu í Munaðarnesi um hvítasunnuna. Fyrstir koma fyrstir fá.

Í dag undirrituðu fulltrúar SFR og Háskóla Íslands samkomulag um stigaskala starfs- og hæfnismats sem hefur verið í vinnslu undanfarið. Unnið hefur verið að starfs- og hæfnismatinu frá árinu 2001, en samið var um að launatenging matsins tæki gildi frá og með 1. maí 2002.  Sameiginleg kynning á niðurstöðum matsins og stigaskalanum verður miðvikudaginn 4. maí nk., en staðsetning og tími verður auglýstur eftir helgi.

SFR hvetur félagsmenn til að fjölmenna í kröfugöngur og á baráttufundi 1. maí. Krafan um réttlátara þjóðfélag er enn í fullu gildi. Í Reykjavík verður safnast saman framan við Hallgrímskirkju kl. 13, en gangan leggur af stað kl. 13.30. Útifundurinn hefst á Ingólfstorgi kl. 14.10 og þar verða flutt ávörp, gamanmál og tónlist.

Í dag ályktaði trúnaðaramannaráð SFR til stuðnings félögum sínum í verkalýðshreyfingu Palestínu, en ástandið á herteknu svæðunum í Palestínu var eitt af umræðuefnum fundarins. Viðtal við Svölu Norðdahl, varaformann SFR, er að finna í SFR-blaðinu, en hún var í hópi Íslendinga sem nýverið heimsóttu herteknu svæðin ásamt Magnúsi Þór Hafsteinssyni alþingismanni sem sagði frá heimsókninni á fundinum.  

Einnig kom fram á fundinum að Svala tók að sér að safna peningum til að koma upp tölvusamskiptabúnaði fyrir börn sem dvelja á krabbameinsdeild palestínska sjúkrahússins í Betlehem. Trúnaðarmenn voru ánægðir með framtak hennar og á fundinum safnaðist alls 27.456 krónur ásamt fullt af loforðum. Þeim sem vilja aðstoða hana í söfnuninni geta sennt henni póst á svala@listdans.is.

Nýr kjarasamningur starfsmanna hjá Flugstöð Leifs Eiríkssonar, sem greidd hafa verið atkvæði um síðustu daga, hefur verið samþykktur af félagsmönnum SFR. Talningu atkvæða lauk síðdegis í dag. Þátttaka í atkvæðagreiðslunni var um 87% en alls greiddu 100 atkvæði um samninginn af 115 sem voru á kjörskrá.  Já sögðu 60 en nei sögðu 40. 

Að ósk starfsmanna í Flugstöð Leifs Eiríkssonar hefur verið ákveðið að framlengja atkvæðagreiðslu um nýjan kjarasamning til kvölds en miðað hafði verið við að ljúka henni á hádegi í dag.  Stefnt er að því að atkvæði verði talin á morgun, þriðjudag 26. apríl, og verða úrslit birt strax og þau liggja fyrir.

Kjaradeila SFR og Hjartaverndar tók nýja stefnu á fundi síðast liðinn þriðjudag þegar Hjartavernd mætti með fulltrúa Samtaka atvinnulífsins sér til fulltingis en Hjartavernd hefur ákveðið að ganga til liðs við samtökin. Á fundinum var ákveðið að bíða með frekari viðræður milli SFR og Hjartaverndar á meðan skýrist hvort SA nær að gera heildar rammasamning við stéttarfélög innan BSRB og BHM...

Kosning stendur nú yfir um nýjan samning SFR við Flugstöð Leifs Eiríkssonar sem gengið var frá þann 14. mars síðast liðinn, en fyrra samkomulag var fellt í atkvæðagreiðslu starfsmanna í mars síðast liðnum.

Í dag náðist  að nýju samkomulag um kjarasamning á milli SFR annars vegar og Flugstöðvar Leifs Eiríkssonar hf. og Fríhafnarinnar ehf. hins vegar en fyrra samkomulag var fellt í atkæðagreiðslu starfsmanna í mars sl. Nýtt samkomulag verður kynnt starfsmönnum mánudaginn 18. apríl nk. kl. 17:30 á Flughótelinu Keflavík.

Hjartavernd hefur hafnað því að endurnýja kjarasamning við SFR og er nú svo komið að SFR hefur vísað málinu til ríkissáttasemjara. Kjarasamningur SFR og Hjartaverndar rann út 30. nóvember sl. SFR reyndi ítrekað að ganga frá viðræðuáætlun við Hjartavernd og þegar fullreynt þótti setti ríkissáttasemjari deiluaðilum viðræðuáætlun í febrúar sl.

Heimsóknum á vefsíðu SFR hefur fjölgað um 113% þegar borin er saman mars 2004, en þá voru þær 5.799 alls, og mars 2005 þegar þær voru 12.343 talsins.

Atkvæðagreiðslu um kjarasamning SFR - stéttarfélags í almannaþjónustu og fjármálaráðherra f.h. ríkissjóðs er lokið. Já sögðu 70% og nei 28%. Auð og ógild atkvæði voru 2%. Á kjörskrá voru 4672 og þar af greiddu 1957 atkvæði eða 42% þátttaka.

Umsóknarfrestur um orlofshús SFR sumarið 2005 er til miðnættis þann 13. apríl nk. Hægt er að sækja um rafrænt en einnig fylgir umsóknarform orlofsblaðinu, sem póstlagt verður á morgun. Nýr valkostur þetta árið er glæsilegt hús að Lindarbakka við Höfn í Hornafirði, eða um 10 km vestan Hafnar. Í ár gefst félagsmönnum kostur á að sækja um hús á 14 mismunandi stöðum víðs vegar um landið, auk tjaldvagna og gistimiða á bæði Eddu-  og Fosshótelin. Orlofshúsunum á Spáni var úthlutað í janúar sl.

Nú í apríl verða haldnir þrír fundir sem ungir SFR félagar geta skráð sig á. Tilgangur fundarins er að skiptast á skoðunum um það sem ungir félagsmenn leggja áherslu á, kynna ungliðastarf SFR og bjóða upp á ör-námskeið af ýmsu tagi. Ungir SFR félagar eru um 25% félagsmanna og vill SFR að gildismat og skoðanir þeirra eigi greiða leið inn í starf og áherslur félagsins.

Pétri Reyni Elíssyni voru færðar þakkir fyrir margra ára starf í þágu félagsins þegar hann var útnefndur trúnaðarmaður SFR árið 2004 á aðalfundi félagsins sem haldinn var 19. mars sl. Þetta er í sjötta skiptið sem trúnaðarmaður ársins er valinn. Pétur Reynir hefur verið félagsmaður SFR frá því á ágúst 1974. Þá hefur hann verið trúnaðarmaður félagsins til margra ára hjá RARIK á Egilsstöðum.

Í ályktun sem aðalfundur SFR, haldinn 19. mars sl., sendi frá sér kemur fram að það sé hlutverk stéttarfélaga að stuðla að velferð samfélagsins. Sú velferð er hvorki eingöngu né fyrst og fremst mæld á mælikvarða hagvaxtarhugtaksins. Sú velferð er miklu frekar mæld á mælikvarða lífsgæða. Skýrslu stjórnar má nálgst hér.

Í lögum SFR segir að allsherjaratkvæðagreiðslu skuli viðhafa eins fljótt og kostur er um samkomulag um kjarasamning, en samninganefnd félagsins undirritar samkomulagið með fyrirvara um samþykki félagsmanna. Kjörgögn eru nú í prentun og verða send út í lok vikunnar.

Verið er að skipuleggja kynningarherferð á nýgerðum kjarasamning SFR við ríkið. Opinn fundur fyrir SFR félaga verður haldinn miðvikudaginn 16. mars kl. 16.30 að Grettisgötu 89, 4. hæð (BSRB húsið).
Einnig verða fundir úti á vinnustöðum, bæði á höfuðborgarsvæðinu og úti á landi.

Kjarasamningur við Flugstöð Leifs Eiríkssonar hf og Fríhöfnina ehf. felldur
Talningu atkvæða í kosningu um kjarasamning SFR og FLE/Fh er lokið.
Á kjörskrá voru 113 starfsmenn.
96 greiddu atkvæði, eða 85%.

- Mikilvægt skref gegn kyn-bundnum launamun segir Jens Andrésson formaður SFR
“Það er margt í þessum samningi sem er mjög til bóta, en mestu skiptir að við teljum okkur vera að tryggja félagsmönnum SFR áframhaldandi kaupmáttaraukningu um leið og tekin eru mikilvæg skref til að vinna gegn kynbundnum launamun” segir Jens Andrésson formaður SFR um nýjan kjarasamning sem undirritaður var síðdegis í gær. 

Nýr kjarasamningur SFR og fjármálaráðherra var undirritaður í húsakynnum sáttasemjara síðdegis í dag. Aðilar skrifuðu undir samkomulag að morgni 5. mars sl., en texti þess var færður inn í heildarsamninginn sem var undirritaður í dag. 
Samkomulagið má nálgast hér.

Fyrirhugað er að skrifað verði undir nýjan kjarasamning SFR og fjármálaráðherra, f.h. ríkissjóðs,  kl. 15 í dag í húsakynnum ríkissáttasemjara. Verið er að leggja lokahönd á að fella samkomulagið sem skrifað var undir 5. mars sl. inn í heildartexta kjarasamningsins, en nú stendur yfir fundur launamálaráðs SFR þar sem verið er að kynna samkomulagið.

Helstu atriði samkomulagsins sem undirritað var þann 5. mars sl.

-Segir Jens Andrésson formaður SFR

"Ég er alveg bærilega sáttur við þennan samning, hann er ekki síðri en síðasti samningur sem félagið gerði við fjármálaráðuneytið og við teljum okkur vera að ná því markmiði að tryggja áframhaldandi kaupmáttaraukningu hjá félagsmönnum okkar” segir Jens Andrésson formaður SFR um nýjan kjarasamning félagsins við fjármálaráðuneytið sem gengið var frá um klukkan 5:30 í morgun eftir næturlangan fund. 

Klukkan 5.30 í morgun, laugardaginn 5. mars, rituðu Jens Andrésson, formaður SFR - stéttarfélags í almannaþjónustu, og Gunnar Björnsson, formaður samninganefndar ríkisins, undir samkomulag um breytingar á kjarasamningi félagsins við fjármálaráðherra f.h. ríkissjóðs.

Samninganefnd SFR hefur setið á samningafundi í húsakynnum Ríkissáttasemjara síðan á hádegi í dag og freistað þess að ganga frá nýjum kjarasamningi við samninganefnd fjármálaráðuneytisins. Nú undir kvöld voru enn nokkur mál óleyst.

Tveir kynningarfundir um nýjan kjarasamning SFR og Flugstöðvar Leifs Eiríkssonar hf. og Fríhafnarinnar ehf. hafa verið haldnir en atkvæðagreiðsla um samninginn fer fram á þriðjudag og miðvikudag í næstu viku. Á kjörskrá eru 111 starfsmenn.

“Það er búinn að vera góður gangur í viðræðunum síðan í gær og við erum að gera okkur vonir um að hægt verði að klára samningsgerðina á næsta sólarhringnum” segir Jens Andrésson formaður SFR um ganginn í viðræðum um nýjan kjarasamning við samninganefnd ríkisins.

“Það sem máli skiptir og enn stendur út af borðinu er að komast að niðurstöðu um útfærslu og fyrirkomulag launatöflu, annað er nokkurn vegin frágengið” segir Jens Andrésson formaður SFR um stöðuna í samningaviðræðum við ríkið.

Í hádegisfréttum á Rás 1 í dag kom fram að skriður væri komin á samningaviðræður félagsins við ríkið. Jákvæð skilaboð bárust frá samninganefnd ríkisins um helgina og metur Árni Stefán Jónsson, framkvæmdastjóri SFR stöðuna svo að undirritun nýs kjarasamnings geti farið fram á næstu dögum.

Í gær var undirritaður kjarasamningur milli SFR – stéttarfélags í almanna-þjónustu, og Flugstöðvar Leifs Eiríkssonar hf. og Fríhafnarinnar ehf. Fyrirvari er á samþykkt félagsmanna SFR og stjórna FLE og Fh.

Ályktun trúnaðarmannaráðs
Trúnaðarmannaráð SFR lýsir óánægju sinni með að ekki er enn búið að ganga frá nýjum kjarasamningi við félagið en tæpir þrír mánuðir eru frá því að kjarasamningar félagsins runnu út við fjármálaráðherra fyrir hönd ríkissjóðs. Ráðið lýsir fullum stuðningi við störf samninganefndar félagsins í þeim viðræðum...

“Við erum núna að nálgast þann tímapunkt í samningaviðræðunum við ríkið þegar það skýrist hvort það er samningur í augsýn, eða hvort þarf að grípa til aðgerða til að knýja hann fram” segir Jens Andrésson, formaður SFR, um stöðuna í samningamálum félagsins. Á morgun munu formenn samninganefndanna hittast...

Ungir SFR félagar hafa fundað reglulega að undanförnu og vinna nú að því að skipuleggja starf ungra félaga til framtíðar. Hugmyndir eru uppi um að stofna sérstakan ungliðahóp innan SFR. Einn liður í undirbúningnum var ferð þriggja félagsmanna til Svíþjóðar þar sem Stéttarfélagið ST, sem er systurfélag SFR í Svíþjóð, var sótt heim.

Í öðru tölublaði Félagstíðinda SFR 2005 er auglýstur umsóknarfrestur til og með 28. febrúar fyrir orlofshús um páskana. Einnig er m.a. sagt frá íbúðarkaupum félagsins á Akureyri, breytingum á lögum um fæðingar- og foreldrarorlof, undirbúngingsvinnu fyrir læknaritaranám og námskeiðahald starfsfólks sýslumannsembættanna.

Fulltrúar BSRB, BHM og ríkisins hafa undirritað yfirlýsingu um að skipaður verði vinnuhópur til að fara í gagngera endurskoðun á málefnum vaktavinnu-starfsmanna með það að markmiði að bæta vinnufyrirkomulag þeirra og gera vaktavinnuna eftirsóknarverðari.

Ríkisstjórnin hefur ákveðið að foreldrar langveikra barna fái greiðslur í allt að þrjá mánuði vegna tekjutaps. Sama á við um foreldra barna sem greinast með alvarlega fötlun. Greiðslan nemur 90.000 kr. á mánuði og koma greiðslurnar til framkvæmda í áföngum á þremur árum. Þannig verður greitt fyrir einn mánuð í ár, tvo mánuði næsta ár og þrjá mánuði á þriðja ári. Það var nefnd á vegum félagsmálaráðuneytisins sem mótaði tillögurnar og var Jens Andrésson, formaður SFR, fulltrúi BSRB í nefndinni. 

“Það er búinn að vera ágætis gangur í viðræðum um nýjan kjarasamning við samninganefnd ríkisins síðustu daga og ef ekki kemur neitt óvænt upp á erum við hæfilega bjartsýn á að það takist að ljúka samningsgerðinni á næstu viku til tíu dögum” segir Jens Andrésson formaður SFR.
Af öðrum samningamálum er það að segja að vel hefur miðað í viðræðum um nýjan kjarasamning fyrir starfsfólk í Flugstöð Leifs Eiríkssonar. 

Starfsmenntaráð auglýsir eftir umsóknum um styrki vegna starfsmenntunar í atvinnulífinu, sbr. lög nr. 19/1992 um starfsmenntun í atvinnulífinu. Verkefni innan eftirfarandi tveggja flokka njóta forgangs....

“Það má segja að það sé aftur að komast hreyfing á málin eftir ákveðna kyrrstöðu í síðustu viku” segir Jens Andrésson formaður SFR eftir samningafund með samninganefnd ríkisins í gær.  Jens segir að meginkröfur SFR sem lagt var upp með séu allar enn uppi á borðunum og til umræðu. 

Þann 1. janúar 2005 tóku gildi breytingar á lögum um fæðingar- og foreldraorlof. Erna Guðmundsdóttir lögfræðingur BSRB hefur tekið saman helstu breytingar á lögunum sem taka meðal annars til lágmarkstíma orlofs, viðmiðunartímabils greiðslna og hámarksgreiðslna í fæðingarorlofi.

Samninganefnd SFR og ríkisins hittust á samningafundi í gær og þar var haldið áfram að ræða þau mál sem helst var tekist á um á síðasta fundi fyrr í vikunni, en það eru upphafshækkun í nýjum samningi og byrjun launatöflu. 

Þráðurinn í samningaviðræðum SFR og ríkisins var tekinn upp að nýju á samningafundi í morgun. Þar voru lögð fram viðbrögð SFR við hugmyndum sem settar voru fram í minnispunktum samninganefndar ríkisins í síðustu viku. Að sögn Jens Andréssonar...

- Segir formaður SFR
Á fjölsóttum trúnaðarmannaráðsfundi á miðvikudag fór samninganefnd SFR yfir stöðuna í kjaraviðræðum við ríkið. Að sögn Jens Andréssonar formanns SFR fékkst þar góður stuðningur við vinnubrögð og viðmið samninganefndarinnar í þessum viðræðum. Á samningafundi í gær lagði samninganefnd ríkisins...

Nýtt tölublað Félagstíðinda SFR er komið út. Meðal efnis í blaðinu eru upplýsingar um námskeið á vorönn, þ.e. Gott að vita námskeiðin, námskeið á vegum Fræðslusetursins Starfsmenntar, tungumálanám BSRB og Lykilnámskeið á LSH. Þá er grein um laun innan og utan SFR, leiðari formanns um launamun kynjanna og umsóknareyðublað um orlofshús á Spáni sumarið 2005. Sagt er frá áhugamannahópi gegn umskurði kvenna og Margrét K. Sverrisdóttir skrifar um aukin útgjöld sjúklinga.

Eins og svo oft áður hafa viðsemjendur á hinum almenna vinnumarkaði þungar áhyggjur af því að samningar við opinbera starfsmenn setji efnahagslífið á annan endann skrifar Jens Andrésson, formaður SFR, í grein sem birtist í Morgunblaðinu sl. laugardag.
Þessa dagana eru fjölmörg stéttarfélög opinberra starfsmanna í viðræðum við fulltrúa fjármálaráðu-neytisins um nýja kjarasamninga. Nokkrir samningar liggja þegar fyrir en viðræður um aðra eru mislangt á veg komnar.  Meðal þeirra sem nú ræða við ríkið um nýjan kjarasamning er SFR...

- Segir Árni Stefán um samningaviðræðurnar við ríkið
„Það er óhætt að segja að menn eru nokkuð sáttir með gang mála á meðan þau halda áfram að þokast í rétta átt“ segir Árni Stefán Jónsson framkvæmdastjóri SFR um samningaviðræður félagsins við ríkið.  Á samningafundi  í gær var haldið áfram viðræðum um launatöfluna og um óútskýrðan launamun karla og kvenna, en ein af kröfum SFR er að óútskýrðum launamun kynjanna verði útrýmt. 

Launamálaráð SFR kom saman í dag til að fara yfir stöðuna í kjaraviðræðum félagsins við fjármálaráðuneytið. Jens Andrésson formaður SFR segir að eins og staðan er núna sé hann vongóður um að hægt verði að ganga frá nýjum kjarasamningi innan tíðar.  Hann segir að mikil samstaða og einhugur sé í Launamálaráðinu...

Tungumálafræðsla BSRB er að fara af stað. Á höfuðborgarsvæðinu er það Framvegis, miðstöð um símenntun, sem sér um námskeiðin og á landsbyggðinni eru það símenntunarmiðstöðvarnar. Fyrstu námskeiðin hefjast í lok mánaðarins og er skráning á námskeiðin hafin.
Boðið verður upp á námskeið í ensku, dönsku, spænsku, íslensku ritmáli, þýsku og frönsku fyrir félagsmenn BSRB árin 2005 og 2006.

Nánari upplýsingar um námskeiðin og skráning.
Nánari upplýsingar um styrki.

-Segir Jens Andrésson formaður SFR
Fyrsti fundur samninganefnda SFR og ríkisins á nýju ári var haldinn í gær miðvikudag 5. janúar. Þar var þráðurinn tekinn upp að nýju þar sem frá var horfið fyrir jól og farið yfir helstu þætti í kröfugerð SFR og gerð áætlun til næstu þriggja vikna. Jens Andrésson formaður SFR segir mikinn hug í samninganefnd félagsins.

Skrifstofa SFR verður lokuð frá kl. 12 til 16 föstudaginn 7. janúar vegna starfsdags.