Fréttir

Á kjararáðstefna trúnaðarmanna SFR sem haldin var í gær voru lagðar línur fyrir kröfugerð félagsins í komandi kjarasamningum. Kjarasamningar félagsins eru lausir um áramót en undirbúningur kröfugerðar og kjarasamningsviðræðna hefur staðið yfir síðan í janúar. Ljóst er að áherslurnar sem fram komu á ráðstefnunni í gær munu verða áberandi í kröfugerðinni.

Nú stendur yfir kjararáðstefna trúnaðarmanna SFR á hótel Sögu. Dr. Ásgeir Jónsson hagfræðingur og lektor hjá HÍ ræðir m.a. um ástand og horfur í efnahagsmálum. Myndin sem hann dregur upp er sannarlega ekki jákvæð og skapaði erindi hans miklar umræður og spurningar úr sal.

Því miður misritaðist símanúmer SFR á bréf sem fylgir félagsskírteininu sem er að koma til félagsmanna núna.  Rétt símanúmer hjá SFR er 525-8340 en ekki 585-8340 sem er hjá Póstmiðstöðinni. Beðist er velvirðingar á þessum mistökum.

Félag íslenskra læknaritara hélt norræna ráðstefnu 2. - 4. maí sl. og voru þátttakendur 150 talsins frá öllum Norðurlöndunum. Ráðstefnan var vel heppnuð í alla staði og þar voru flutt ýmis fróðleg erindi en þema ráðstefnunnar var hvernig læknaritarar geta þróað starfsgrein sína til framtíðar.  

SFR stéttarfélag í almannaþjónustu hefur sent bréf til allra þingmanna, jafnt nýrra sem þeirra sem reynsluna hafa. Í bréfinu er þeim að sjálfsögðu óskað til hamingju með kjörið en um leið settir inn í og minntir á þau mál sem SFR finnst skipta máli og brýnt er að stjórnvöld einbeiti sér að. 

Þann 1. maí var gengin kröfuganga á Akureyri og að henni lokinni var síðan hátíðardagskrá í tilefni dagsins haldin í Menningarhúsinu Hofi. Þar héldu m.a. Arna Jakobína Björnsdóttir formaður Kjalar ræðu og Óskar Þór Vilhjálmsson stjórnarmaður hjá SFR flutti ávarp 1. maí nefndar á Akureyri. Fjölmennur hópur fólks tók þátt í baráttudeginum eins og myndirnar sýna.

Sumarið lætur bíða eftir sér, en það er samt engin ástæða til að örvænta. Það er alltaf hægt að hafa það náðust í orlofshúsum SFR. Nú um helgina eru til dæmis tvö hús í Munaðarnesi laus og einnig er laust á Hólum í Hjaltadal og á Blönduósi. Bókanir fara fram á orlofsvefnum.

Það var fjölmennt í baráttugöngu launafólks þann 1. maí og mikil stemmning bæði í göngunni og á útifundinum á Ingólfstorgi. Þar fluttu þau Ólafía Björk Rafnsdóttir formaður VR og Snorri Magnússon formaður Landssambands lögreglumanna ræður. Kvennakór Reykjavíkur og Barnakór Kársness sungu og Jónas Sig sló í gegn með blásurunum sínum. Í göngunni var rauði litur SFR var skemmtilega áberandi eins og sjá má á myndunum.

„Ég er almennt á móti því þegar hinir og þessir reyna að eigna sér þennan dag. Menn eru að setja upp alls konar íþróttamót og hitt og þetta sem hefur farið í taugarnar á mér í gegnum árin,“ segir Árni Stefán Jónsson, formaður SFR í Fréttablaðinu í morgun og vísar þar m.a. til hinnar svokölluðu Grænu göngu sem skipulögð hefur verið á morgun.

Blað stéttarfélaganna er nú á leið sinni í póstkassa félagsmanna. Blaðið er tileinkað 1. maí en þar má einnig lesa ítarlegt viðtal við formenn félaganna þá Árna Stefán Jónsson formann SFR og Garðar Hilmarsson formann Starfsmannafélags Reykjavíkur þar sem þeir ræða m.a. samstarf félaganna, kjarabaráttuna og fleira.