Trúnaðarmannafræðsla

Nám í boði fyrir trúnaðarmenn SFR

SFR leggur ríka áherslu á að bjóða trúnaðarmönnum sínum upp á fræðslu þannig að þeir geti sinnt þeim verkefnum sem trúnaðarmönnum ber.

Fyrst ber að nefna þriggja daga námskeið SFR og STRV sem er góður grunnur fyrir starf trúnaðarmanna. Síðan er trúnaðarmannanám BSRB og Félagsmálaskóla alþýðu (FA) alls sjö námskeið, en þau eru kennd í 3 og 2 daga til skiptis og má meta til allt að 11 einingum á framhaldsskólastigi. Þá hefur SFR boðið trúnaðarmönnum upp á fræðslumorgna sem haldnir eru á undan fundum trúnaðarmannaráðs. 

Hér má lesa nánar um þá fræðslu sem trúnaðarmönnum býðst hverju sinni.

Vefnám trúnaðarmanna hjá Félagsmálaskóla alþýðu fyrir trúnaðarmenn aðildarfélaga BSRB. Á námskeiðinu er gefin innsýn í starf trúnaðarmannsins og lögð áhersla á að styrkja hann í að takast á við þá ábyrgð sem fylgir starfinu.